ފަހަތުން އަރައި އީގަލްސް ބަލިކޮށް އޮޑި ޕްރެޒިޑެންޓްސް ކަޕްގެ ސެމީ ފައިނަލަށް

Feb 16, 2026, 1:35 PM
އޮޑި ސްޕޯޓްސް ކްލަބުން ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

އޮޑި ސްޕޯޓްސް ކްލަބުން ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

ފަހަތުން އަރައި 4-2 އިން ކްލަބް އީގަލްސް ބަލިކޮށް އޮޑި ސްޕޯޓްސް ކްލަބުން ޕްރެޒިޑެންޓްސް ކަޕްގައި ހޯދި ފުރަތަމަ މޮޅާ އެކު، ގްރޫޕްގެ އެއް ވަނަ ޓީމުގެ ގޮތުގައި މުބާރާތުގެ ސެމީ ފައިނަލަށް ދަތުރުކޮށްފި އެވެ.

މިއީ، މި ސީޒަނުގައި ފުރަތަމަ ޑިވިޝަނުގައި ކުޅެން ފެށި އޮޑިން ޕްރެޒިޑެންޓްސް ކަޕެއްގައި ހޯދި ފުރަތަމަ މޮޅެވެ.

ތިން ޓީމުގެ ދެ ގްރޫޕަށް ބަހާލައިގެން ކުރިއަށްދާ ޕްރެޒިޑެންޓްސް ކަޕްގެ ގްރޫޕް ސްޓޭޖަށް އީގަލްސް ކޮލިފައިވީ ޕްލޭއޮފްގައި 6-0 އިން ކްލަބް ގްރީން ސްޓްރީޓްސް ބަލިކޮށްފަ އެވެ. އީގަލްސް ވާދަކުރި ގްރޫޕްގައި ކުޅުނު ފުރަތަމަ މެޗުން އޮޑި އާއި ނިއު ރޭޑިއަންޓް ސްޕޯޓްސް ކްލަބް 1-1 އިން އެއްވަރުވިއިރު، ދެ ވަނަ މެޗުގައި ނިއު އަތުން އީގަލްސް ވަނީ 2-1 އިން ބަލިވެފަ އެވެ. އެހެންކަމުން، މިއަދު އޮޑި އަތުން މޮޅުވެގެން ނޫން ގޮތަކަށް އީގަލްސް އަށް ސެމީ ފައިނަލަށް ދެވެން ނެތެވެ.

Advertisement

މި ގްރޫޕުން އޮޑިން އެއް ވަަނަ ހޯދީ ހަތަރު ޕޮއިންޓާ އެކު ލަނޑުގެ ތަފާތުންނެވެ. ދެ ވަނަ އަށް ދިޔަ ނިއު އަށް ވެސް ހަތަރު ޕޮޮއިންޓް ލިބުނުއިރު، އީގަލްސް ނިންމާލީ ޕޮއިންޓެއް ނުލިބި އެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗުގެ 19 ވަނަ މިނިޓްގައި، އީގަލްސް އިން ވަނީ ލީޑުނަގައިފަ އެވެ. މިއީ، ފޭދޫ އިއްބެ ދިން ބޯޅައަކުން އޭރިއާތެރެއިން ގޯލުގެ ދުރު ކަނަށް އަމާޒުކޮށްލައިގެން އިސްމާއިލް އީސަ (މެސީ) ޖެހި ގޯލެކެވެ. އޭގެ ކުރިން، އޮޑީގެ އަބްދުﷲ ލޫތު އިބްރާހިމް (ސާނޭ) އޭރިއާބޭރުން ޖެހި ބޯޅައެއް ވަނީ ގޯލުގެ އަރިމަތީދަނޑިއަށް އަމާޒުވެފަ އެވެ.

ފުރަތަމަ ހާފުގައި އޮޑިން އެއްވަރުކުރެވޭތޯ ކުރި އެއްވެސް މަސައްކަތެއް ކާމިޔާބެއްނުވި އެވެ.

މެޗުގެ 59 ވަނަ މިނިޓްގައި އޮޑި އަށް އެއްވަރުކޮށްދިނީ އޭރިއާބޭރުން އަހުޒަމް ރަޝީދު (އަހު) ފޮނުވާލި ގޯލަކުންނެވެ. އޭރިއާ ރޮނގުކައިިރިން އަހު ފޮނުވާލި ބޯޅަ ގޯލަށް ވަނީ އީގަލްސްގެ ކީޕަރު، ޒަހުރާން ހަސަން ޒިޔާދު ވަނީ މަތަކޮށްފަ އެވެ. އަދި، އޭގެ 11 މިނިޓް ފަހުން، އީގަލްސް އޭރިއާތެރެއިން ކޮންްްރޯލް ކޮށްފައި، އަހު ވަނީ ގޯލުގެ ތެރެއަށް ބޯޅަ ފޮނުވާލައިފަ އެވެ.

އީގަލްސް އިން ގޯލެއް ޖެހޭތޯ މަސައްކަތް ކުރަމުން ދަނިކޮށް، އޮޑިން ކުރިއަށް ޖެހި، ލިބުނު ފުރުސަތެއްގައި މެޗުގެ 87 ވަނަ މިނިޓްގައި ތިން ވަނަ ލަނޑެއް ޖެހި އެވެ. މިއީ، އޭރިއާތެރެއިން ލިބުނު ފުރުސަތެއްގައި ހަނި އޭންގަލުން ގޯލުގެ މަތީ ދާގަނޑަށް ވައްދާލައިގެން، އޮޑީގެ އަހުމަދު އައިހަމް (އައިހު) ޖެހި ގޯލެކެވެ.

އޭގެ މިނިޓެއް ފަހުން އަހު ދިން ބޯޅައަކުން އަޔާޒް އަހުމަދު (އަޔާ) ވަނީ އޭރިއާތެރެއިން އޮޑީގެ ހަތަރު ވަނަ ލަނޑު ޖަހައިފަ އެވެ. އަޔާ މި ލަނޑު ޖެހީ ތިރިތިރިން ގޯލަށް ބޯޅަ ފޮނުވާލައިގެންނެވެ. އަދި، އީގަލްސް އިން އިތުރު ވަގުތުގެ ފުރަތަމަ މިނިޓްގައި ފޭދޫ އިއްބެ އޭރިއާ ރޮނގުކައިރިން ތިރީ ކަނަށް ބޯޅަ ފޮނުވާލައިގެން އީގަލްސްގެ ދެ ވަނަ ގޯލު ޖެހި އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox