ޕެންޝަން އޮފީސް މެދުވެރިކޮށް "ވަލުދޮރާށިން" ފައިސާ ޗާޕުކުރި މައްސަލަ ތަހުގީގުކުރާނަން: ގަފޫރު

އެމްޑީޕީގެ ޗެއާޕާސަން، މެންބަރު އަބްދުލްގަފޫރު މޫސާ: މި މުއާމަލާތް އޭނާ ސިފަކުރީ ރައްޔިތުންނަށް ވެވޭ ގައްދާރެއްގެ ގޮތުގައި --- ފޮޓޯ: އަދަދު

އެމްޑީޕީގެ ޗެއާޕާސަން، މެންބަރު އަބްދުލްގަފޫރު މޫސާ: މި މުއާމަލާތް އޭނާ ސިފަކުރީ ރައްޔިތުންނަށް ވެވޭ ގައްދާރެއްގެ ގޮތުގައި --- ފޮޓޯ: އަދަދު

ޕެންޝަން އޮފީސް މެދުވެރިކޮށް "ވަލުދޮރާށިން" ފައިސާ ޗާޕު ކުރި މައްސަލަ އަންނަ ސަރުކާރެއްގައި ތަހުގީގުކޮށް، މިކަމުގައި ޒިންމާވާ އެންމެނަށް ފިޔަވަޅު އަޅާނެ ކަމަށް އިދިކޮޅު އެމްޑީޕީގެ ޗެއާޕާސަން، އަބްދުލްގަފޫރު މޫސާ (ގަޕޯ) މިރޭ ވިދާޅުވެއްޖެ އެވެ.

ޕެންޝަން އޮފީހުން ކުރިން ގަނެފައިވާ 2.4 ބިލިއަން ރުފިޔާގެ ބޮންޑުތަކަށް އެމްއެމްއޭއަށް ވިއްކާލައިގެން ލިބޭ ފައިސާ ސަރުކާރުގެ ބޮންޑަކަށް އިންވެސްޓުކުރާ މައްސަލައިގައި އެކްސްގައި ލިޔުއްވަމުން ގަޕޯ ވިދާޅުވީ މިއީ ރައްޔިތުންނަށް ވެވޭ ގައްދާރެއް ކަމަށެވެ.

ޕެންޝަން ބޯޑުން، ސަރުކާރަށް ވަލުދޮރާށިން ފައިސާ ޗާޕް ކުރަން މަގުފަހިކޮށް ދިނުމަކީ ރައްޔިތުންނަށް ވެވޭ ގައްދާރެއް، ދެންއަންނަ ސަރުކާރެއްގައި، މިކަން ރަނގަޅަށް ތަހުގީގުކޮށް، މިކަމުގައި ޒިންމާވާ އެންމެން ޤާނޫނުގައިވާ ގޮތަށް ޖަވާބުދާތީކޮށް ފިޔަވަޅު އަޅާނަން،" އޭނާ ވިދާޅުވި އެވެ.

Advertisement

ރައްޔިތުންގެ މަޖިލީހުގެ ހަނިމާދޫ ދެކުނު ދާއިރާގެ މެންބަރަކަށް ވެސް ހުންނެވި ގަޕޯ ވަނީ، އެމްޑީޕީގެ ޕީޖީ ގްރޫޕުން މަޖިލީހަށް ހުށަހަޅާނެ ކަަމަށް ވެސް ހާމަކުރައްވާފަ އެވެ.

ޕެންޝަން އޮފީހާއީ އެމްއެމްއޭ އާއި ފިނޭންސް ބައިވެރިވެގެން، ފަށަލަކޮށްގެން ހިންގާ މި މުއާމަލާތާ ގުޅިގެން ޕެންޝަން އޮފީހުން ބޯޑުގެ ޗެއާޕާސަން އަހުމަދު އިނާޒާއި އެ ބޯޑުގެ އެހެން ދެ މެންބަރަކާއި އެ އޮފީހުގެ ސީއީއޯ ސުޖާތާ ހަލީމާއި ސީއެފްއޯ ހައްވާ ފަޖުވާ ވަނީ އިސްތިއުފާދެއްވާފަ އެވެ.

މި މުއާމަލާތާ ގުޅިގެން އިގުތިސޯދީ މާހިރުންނާއި ފަންނީ ގިނަ ބަޔެއްގެ ކަންބޮޑުވުން ހުރި ނަމަވެސް ޕެންޝަން އޮފީހުން ވަނީ މި މުއާމަލާތް ދިފާއުކޮށްފަ އެވެ. އެ އޮފީހުން ބުނާ ގޮތުގައި މިއީ ފަންޑަށް ފައިދާވާ ގޮތަށް، އެ ފަންޑުގައި ނެތް ބޭރު ފައިސާގެ ރިޒާވެއް އުފެދޭ ގޮތަށް ހިންގާ މުއާމަލާތެކެވެ.

ޕެންޝަން އޮފީހުން މިހެން ބުނި ނަމަވެސް މިއީ އިގުތިސޯދަށް ނުރައްކާ ބޮޑު މުއާމަލާތެއް ކަމަށް މި މައްސަލައިގައި އަދަދުއާ ވާހަކަ ދެއްކި އެންމެން އިއްތިފާގުވެ އެވެ. އަދި މި މުއާމަލާތުގައި ފައިސާ ޗާޕުކުރުމުގެ ހުރިހާ ސިފައެއް ހަމަވާ ކަމަށް ވެސް އެ މާހިރުން ބުންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox