ސުކޫކު ދައްކަން 350 މިލިއަން ޑޮލަރުގެ ލޯނެއް ނަގަން އުޅެނީ 17 ޕަސެންޓުގައި: ޔާމީން

ކުރީގެ ރައީސް އަބްދުﷲ ޔާމީން -- ފޮޓޯ: އަދަދު

ކުރީގެ ރައީސް އަބްދުﷲ ޔާމީން -- ފޮޓޯ: އަދަދު

ސުކޫކު ރިފައިނޭންސް ކުރުމަށްޓަކައި ސަރުކާރުން 350 މިލިއަން ޑޮލަރުގެ ލޯނެއް، 17 ޕަސެންޓުގެ އިންޓްރެސްޓް ރޭޓުގައި ނެގުމަށް މަސައްކަތް ކުރަމުންދާ ކަމަށާއި، މިއީ ރާއްޖޭގެ އިގްތިސާދީ ހާލަތު އިންތިހާއަށް ގޯސްވެފައިވާކަން ހާމަކޮށްދޭ ކަމެއް ކަމަށް ބުނެ ކުރީގެ ރައީސް އަބްދުﷲ ޔާމީން ފާޑުވިދާޅުވެއްޖެ އެވެ.

މި އަހަރުގެ އޭޕްރީލް 8 ގެ ކުރިން ދައްކަން ޖެހިފައިވާ 500 މިލިއަން ޑޮލަރު (7.7 ބިލިއަން ރުފިޔާ)ގެ ސުކޫކު ދެއްކުމަށް ކާގިލް ފައިނޭންޝަލް ސާވިސަސް އިންޓަނޭޝަނަލް (ސީއެފްއެސްއައިޓީ) އިން 300 މިލިއަން ޑޮލަރުގެ ލޯނެއް ނަގަން ސަރުކާރުން މަސައްކަތް ކުރަމުންދާކަން އިތުބާރު ހުރި މަސްދަރުތަކުން ވަނީ އެނގިފަ އެވެ. ސަރުކާރުން މިކަން ހާމައެއް ނުކުރެ އެވެ.

ޕީއެންއެފްއިން ބުރާސްފަތި ދުވަހުގެ ރޭ ބޭއްވި ޖަލްސާގައި، ސުކޫކު އަނބުރާ ދައްކަން ލޯނު ނަގަނީ ކޮން ފަރާތަކުންކަން ޔާމީން ވިދާޅުނުވިޔަސް، އެ މަނިކުފާނު ފާހަގަ އެ ކުރެއްވީ ކާގިލްގެ ވާހަކަ ކަމަށް ބެލެވެ އެވެ.

ޔާމީން ވިދާޅުވީ 17 ޕަސެންޓުގެ ރޭޓަކީ އާދައިގެ ލޯނު ދޭ އުސޫލެއް ނޫން ކަމަށާއި، މިއީ "ލޯން ޝާކްސް" ނުވަތަ ބޮޑު އިންޓްރެސްޓުގައި ފައިސާ ދޫކުރާ ފަރާތްތަކުން އަމަލުކުރާ އުސޫލެއް ކަމަށެވެ. އަދި މިހާ ބޮޑު އިންޓްރެސްޓެއްގައި ލޯނު ނެގުމަކީ ހަގީގަތުގައި މަނީ ލޯންޑަކުރުން ފަދަ ކަމެއް ކަމަށް އެމަނިކުފާނު ވިދާޅުވި އެވެ.

"17 ޕަސެންޓުގައި ވެސް އެ މީހުން ބޭނުމެއް ނުވޭ ލޯނު ދޭކަށް. އެއީ މިތަނުގައި މިތަނުގެ ކްރެޑިޓް ރޭޓިންގެ ފެންވަރު ހުރިވަރު މިހާރު. ކާކުތޯ ގައުމެއްގައި ޝޯޓު ޓާމް ކަމަކަށް ނުވަތަ ލޯންގް ޓާމް ބޭނުމަކަށް ވެސް 17 ޕަސެންޓުގައި ލޯނެއް ނަގާނީ؟،" ޔާމީން ސުވާލު އުފެއްދެވިއެވެ.

ދުނިޔޭގެ އެންމެ ބޮޑު ދެ ރޭޓިން އެޖެންސީ ކަމުގައިވާ މޫޑީސް އާއި ފިޗުން ވެސް ވަނީ އިންވެސްޓު ކުރުން ރަނގަޅު ނޫން ގްރޭޑަށް ރާއްޖެ ދައްކޮށްފަ އެވެ.

މި ރޭޓިން އޮތްހާ ހިނދަކު ހެޔޮ އަގެއްގައި ލޯނެއް ލިބުމާއި ދަށް ޔީލްޑެއްގައި ސުކޫކެއް ވިއްކަން ވެސް އުނދަގޫ ވާނެ ކަމަށް މާލީ ދާއިރާގެ ތަޖުރިބާކާރުން ބުނެ އެވެ.

ޔާމީން ފާހަގަކުރެއްވި ގޮތުގައި، ދަރަންޏަށް ފައިސާ ދޭ ފަރާތްތަކުން 17 ޕަސެންޓު ފަދަ ބޮޑު އިންޓްރެސްޓެއް ކަނޑައަޅަނީ، ކޮންމެ އަގެއްގައި ވިޔަސް ފައިސާ ހޯދަން ރާއްޖެއަސށް މަޖުބޫރުވެފައިވާކަން އެނގޭތީއެވެ. މިއީ ރާއްޖޭގެ މާލީ ހާލަތު މިއަދު އޮތް ނާޒުކު ދަރަޖަ ހާމަކޮށްދޭ ކަމެކެވެ.

ރާއްޖޭގެ ޖުމުލަ ދަރަނި މިހާރު އުޅެނީ 160 ބިލިއަން ރުފިޔާގައި ކަމަށް ރަސްމީ ހިސާބުތަކުން ދެއްކި ނަމަވެސް، ހަގީގީ އަދަދު އެއަށް ވުރެ މާ ބޮޑުވާނެ ކަމަށް ޔާމީން ވިދާޅުވި އެވެ އަދި މިހާރު ހުރި ލޯނުތައް އަދާކުރުމުގެ ބަދަލުގައި އެ ތަކެތި "ރޯލްއޯވާ" ކުރަމުން ދިއުމަކީ ދަރަނީގެ ބޮޑު މަދަވަޅެއްގެ ތެރެއަށް ގައުމު އިތުރަށް ގަރަގުވަމުންދާ ކަމެއްގެ ގޮތުގައި ޔާމިން ފާހަގަކޮށްފައެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox