އިންތިހާބާ ދިމާކޮށް އީއައިއޭ ނުހަދައި ނ. އަތޮޅު ވިހަފަރު ފަޅު ހިއްކަން ފަށައިފި

ނ. އަތޮޅު ވެލިދޫ ކައިރީގައި އޮންނަ ވިހަފަރު ފަޅު -- ފޮޓޯ: ގޫގުލް އާތު

ނ. އަތޮޅު ވެލިދޫ ކައިރީގައި އޮންނަ ވިހަފަރު ފަޅު -- ފޮޓޯ: ގޫގުލް އާތު

ކައުންސިލް އިންތިހާބާ ދިމާކޮށް ތިމާވެށްޓަށް އަސަރު ކުރާނެ މިންވަރު ބަޔާންކޮށްދޭ ރިޕޯޓު (އީއައިއޭ) ނުހަދައި ނ. ވިހަފަރު ފަޅު ހިއްކަން ފަށައިފި އެވެ.

މައުލޫމާތު ލިބިފައިވާ ގޮތުގައި ނ. ވިހަފަރު ފަޅު ހިއްކަން ފެށީ އިއްޔެ އެވެ. އެ ތަން ހިއްކުމުގެ މަސައްކަތަށް ދެ އެކްސްކެވޭޓަރު އިއްޔެ އެ ތަނަށް ގެންގޮސް މަސައްކަތް ފަށާފައިވާ ކަމަށް އެ އަތޮޅު ބައެއް މީހުން ބުންޏެވެ.

ނަމަވެސް، އެ މަޝްރޫއުގެ އީއައިއޭ ރިޕޯޓު އަދި ތައްޔާރުކޮށް އާންމު ކޮށްފައެއް ނުވެ އެވެ. އެނގިފައިވާ ގޮތުގައި ވިހަފަރު ފަޅުގެ އީއައިއޭ ހަދާ ސާވޭ ޓީމު އެ އަތޮޅަށް ދާން ހަމަޖެހިފައި އޮތީ މިއަދު އެވެ.

އެ މީހުން ތިބެން ހަމަޖެހިފައި އޮތީ ނ. ވެލިދޫގައި ކަމަށް މި ނޫހަށް ވަނީ އެނގިފަ އެވެ. ހަތަރު މީހުންގެ އެ ޓީމުން އީއައިއޭ ހަދަން ނިންމާފައި އޮތީ މާދަމާއިން ފެށިގެން އަންނަ ފެބްރުއަރީ 2، އާ ހަމައަށެވެ.

ނ. ވިހަފަރު ފަޅު ހިއްކައި އެ ތަނުގައި އެއާޕޯޓެއް އެޅުމަކީ ރައީސުލްޖުމްހޫރިއްޔާ މުހައްމަދު މުއިއްޒުގެ ރިޔާސީ ވައުދުފުޅެކެވެ. އެހެންނަމަވެސް، އޭގެ އެއްވެސް މަސައްކަތެއް ނުކޮށް އޮއްވައި، އެ ވައުދު އެމަނިކުފާނު ތަކުރާރުކުރެއްވީ ނ. އަތޮޅަށް މިދިޔަ ޖުލައި މަހު ކުރެއްވި ދަތުރުފުޅުގަ އެވެ.

"ވިހަފަރުގައި އެއާޕޯޓެއް އެޅުމުގެ އަމަލީ މަސައްކަތް މި އަންނަ އަހަރުގެ ކުރީކޮޅުގައި ފެށުމަަށް އަޅުގަނޑު ނިންމާފައިވާކަން، އިރާދަކުރެއްވިއްޔާ އެގޮތަށް ފަށާނެކަން ތިބޭފުޅުންނަށް އަޅުގަނޑު މި ޖަލްސާގައި އިއުލާނު ކުރަން،" ޖުލައި 23، 2025 ގައި ފޮއްދޫގައި ވާހަކަދައްކަވަމުން މުއިއްޒު ވިދާޅުވި އެވެ.

މުއިއްޒު އެހެން ވިދާޅުވި ނަމަވެސް، ވެލިދޫ ކައިރީގައި އޮންނަ ވިހަފަރު ފަޅަކީ ނ. ރާފުށީގެ އެއްބަސްވުމުގައި ހިމަނައި، އެ ރަށުގައި ތަރައްގީކުރާ ރިސޯޓުގެ ސީޕްލޭން އޮޕަރޭޝަންތަކުގައި ބޭނުންކުރަން ދޫކޮށްފައިވާ ފަޅެއްކަން މުއިއްޒަށް ވެސް އެނގިވަޑައިގަންނަވަ އެވެ.

ރިޔާސީ އިންތިހާބުގައި ވެލިދޫގައި ވާހަކަ ދައްކަވަމުން އޭރު މުއިއްޒު ވިދާޅުވީ އެއާޕޯޓު އެޅުމަށް އެ ފަޅު ހޯދުމުގެ މަަސައްކަތް ގާނޫނީ ހަމަތަކުގެ މަތިން ކުރައްވާނެ ކަމަށެވެ. ނަމަވެސް އެ ފަޅު ސަރުކާރަށް އަނބުރައި ހޯދިކަން މިހައިތަނަށް އިއުލާނު ކޮށްފައެއް ނުވެ އެވެ. އަދި އަނބުރާ ހޯދާފައިވާ ނަމަ އެ ހޯދި ގޮތެއް ވެސް ހާމައެއް ނުކުރެ އެވެ.

އީއައިއޭ ރިޕޯޓު ތައްޔާރުނުކޮށް ވިހަފަރު ފަޅު ހިއްކުމުގެ މަސައްކަތް ކުރަން ފަށާފައިވާއިރު، މީގެ ކުރިން ނ. ވެލިދޫގެ ސިނާއީ ސަރަހައްދު ހިއްކުމުގެ މަސައްކަތް ވެސް މި ސަރުކާރުން ފެށީ އީއައިއޭ ނުހަދަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox