އައިކެއާއިން ދެ މީހަކަށް ރަމަޟާން މަހުގެ އުމްރާގެ އަޅުކަން އަދާކުރަން ދިޔުމުގެ ފުރުސަތު ލިބޭ ޕްރޮމޯޝަންގެ މުއްދަތު މި ހަފްތާގެ ނިޔަލަށް ހަމަވާނެ ކަމަށް ބުނެފި އެވެ.
މިދިޔަ އަހަރުގެ ނޮވެމްބަރު 28، އިން ފެށިގެން ޖެނުއަރީ މަހުގެ ނިޔަލަށް ކުރިއަށްގެންދާ ޕްރޮމޯޝަންގެ މުއްދަތުގައި އައިކެއާގެ ކޮންމެ އައުޓްލެޓަކުން 1،000ރ. ނުވަތަ އެއަށްވުރެ ގިނައިން ވިޔަފާރިކުރާ ކަސްޓަމަރުންނަށް ގުރުއަތުގައި ބައިވެރިވެވޭނެ އެވެ.
ގުރުއަތުގައި ބައިވެރިވާނެ ގޮތް:
- އައިކެއާގެ ކޮންމެ އައުޓްލެޓަކުން މަދުވެގެން 1,000ރ. ގެ ވިޔަފާރިއެއް ކުރުން.
- ކޮންމެ 1,000 ރުފިޔާއަކަށް އެއް ކޫޕަން ލިބޭނެ.
- ކޫޕަން ފުރާލުމަށްފަހު ހުށަހެޅުމުން ގުރުއަތުގައި ބައިވެރިވެވޭނެ.
ޕްރޮމޯޝަންގައި ބައިވެރިވާ ފަރާތްތަކުގެ ތެރެއިން ގުރުއަތު ހޮވޭ ފަރާތަކަށް ލިބޭ ދެ މީހެއްގެ އުމްރާ ދަތުރުގެ އިންތިޒާމުތައް ހަމަޖައްސާނީ، އައިކެއާއިން ބުނި ގޮތުގައި އުމްރާއަށް މީހުން ގެންދިޔުމުގެ ހުއްދަ ލިބިފައިވާ ރާއްޖޭގެ ކުންފުންޏެއް މެދުވެރިކޮށެވެ.
މި ޕްރޮމޯޝަން ނިމުމުން ނަސީބުވެރިޔަކު ހޮވުން އޮންނާނީ ފެބްރުއަރީ މަހުގެ ފުރަތަމަ ހަފުތާގަ އެވެ. ނަސީބުވެރިޔަކަށް ހޮވޭ ފަރާތަށް ލިބޭ އުމްރާ ދަތުރުން އެހެން ފަރާތަކަށް ބަދަލު ނުކުރެވޭނެ ކަމަށް ވެސް އައިކެއާއިން ބުނެ އެވެ.
މި ގުރުއަތުގައި އައިކެއާގެ މުވައްޒަފުންނާއި، އެމީހުންގެ އާއިލާގެ މީހުންނާއި، ފަތުރުވެރިންނާއި، ރާއްޖޭގައި ދިރިއުޅޭ ބިދޭސީންނަށް ބައިވެރިނުވެވޭނެ ކަމަށް އައިކެއާއިން ބުނެ އެވެ.
ލަކީ ޑްރޯގެ އިތުރުން ބައެއް ބްރޭންޑްތަކުން 30 ޕަސަންޓާ ހަމައަށް ޑިސްކައުންޓް ލިބޭ ޕްރޮމޯޝަނެއް ވެސް ވަނީ ފަށައިފަ އެވެ. އަދި 3،000ރ. އަށްވުރެ މަތިން ހައްދާ ކޮންމެ އައިނަކާއެކު، އާއިލާ އާއި ރައްޓެހި ރަހްމަތްތެރިންނަށް ހަދިޔާ ކުރެވޭ 500ރ. ގެ ގިފްޓް ވައުޗަރެއް ވެސް ލިބެ އެވެ.
އައިކެއާގެ ހިދުމަތް 2003 ފެށީ ފެންވަރު ރަނގަޅު ލޮލުގެ ފަރުވާ އަގުހެޔޮކޮށް ލިބޭނެ މަގު ފަހިކޮށް ދިނުމުގެ މަގުސަދުގަ އެވެ. ފާއިތުވި 22 އަހަރު ތެރޭގައި އެ ހިދުމަތް ފުޅާކޮށް، އެންމެ ފަހުން އައިކެއާ ހޮސްޕިޓަލު އުފައްދައި، ޒަމާނީ ވަސީލަތްތަކާއެކު އެތަނުން ލޮލުގެ ގިނަ ފަރުވާތަކެއް ދެ އެވެ.
