ހަނިމާދޫ އެއާޕޯޓާއި ވެލާނާ އެއާޕޯޓް ޕްރައިވެޓް ކުންފުންޏަކަށް ދޭން ފެނޭ: ނަޝީދު

ކުރީގެ ރައީސް މުހައްމަދު ނަޝީދު: ހަނިމާދޫ އެއާޕޯޓާއި ވެލާނާ އެއާޕޯޓް ޕްރައިވެޓް ކުންފުންޏަކަށް ދޭން ފެންނަ ކަމަށް ވިދާޅުވި -- ފޮޓޯ: އަދަދު ފައިލް

ކުރީގެ ރައީސް މުހައްމަދު ނަޝީދު: ހަނިމާދޫ އެއާޕޯޓާއި ވެލާނާ އެއާޕޯޓް ޕްރައިވެޓް ކުންފުންޏަކަށް ދޭން ފެންނަ ކަމަށް ވިދާޅުވި -- ފޮޓޯ: އަދަދު ފައިލް

ހަނިމާދޫ އިންޓަނޭޝަނަލް އެއާޕޯޓާއި ވެލާނާ އިންޓަނޭޝަނަލް އެއާޕޯޓް އަމިއްލަ ކުންފުންޏަކަށް ދޭން ފެންނަ ކަމަށް ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެ އެވެ.

އެމްޑީޕީގެ ޕްރައިމަރީގައި މާލޭ މެޔަރަކަށް ވާދަކުރައްވާ އަލީ އާޒިމް ބޭއްވި ކެމްޕެއިން ހަރަކާތެއްގައި ނަޝީދު ވިދާޅުވީ ހަނިމާދޫ އެއާޕޯޓު އިންޑިއާގެ ވަރަށް ރަނގަޅު ކުންފުންޏަކަށް ދޭން އުޅޭއިރު، އެއީ ވަރަށް ރަނގަޅު ކަމެއް ކަމަށް ދެކޭ ކަމަށެވެ.

މީގެކުރިން އެމްޑީޕީގެ ވެރިކަމުގައި އެއާޕޯޓު އިންޑިއާ ކުންފުންޏަކަށް ހަވާލުކުރުމުން އިދިކޮޅު ހެދި މީހުން މިއަދު އެކަމާ އެއްބަސްވާތީ ނުސީދާ ރާގަކަށް ނަޝީދު ވަނީ މަލާމާތްކުރައްވާފަ އެވެ. ނަމަވެސް ނަޝީދު ވިދާޅުވީ އެއީ ރަނގަޅު ކަމަކަށްވާތީ "އުނބަށް ޖެހިއޭ" ވިދާޅުވެ ނަހަދާނެ ކަމަށެވެ.

"މިހާރު އަޅުގަނޑު އެބަ އަޑުއަހަން ސަރުކާރުން ހަނިމާދޫ އެއާޕޯޓް ހިންގަން އިންޑިއާ ހަމަ ވަރަށް ރަނގަޅު ކުންފުންޏަކަށް ދޭށޭ. އެއީ ވަރަށް ރަނގަޅު ކަމެއް. އަޅުގަނޑު މިކަމާ ކުޑަކޮށް ހިނި އަންނަ ކަމަކީ މި ބޭފުޅުން މިއާ އިދިކޮޅަށް އެ ދެއްކެވި ވާހަކަ،" ނަޝީދު ވިދާޅުވި އެވެ.

"އެހެންނަމަވެސް އަޅުގަނޑަކީ މީހަކު އަޅުގަނޑު އެދޭ ކަންތައް ކުރަމުންދާއިރު އެކަންކަން ހުއްޓުވުމަށް ކޮންމެހެން އޭ ކޮބާ އުނބަށް ޖެހީއޭ ގޮވައެއް ނުހަދާނެ. ހަމަ އެނގޭ މިރި ހުރިކަން ހެވާ ހުރިކަން އެއްލާލިއިރު، އުނބު އެއްލާލިއިރު ފެންކޮޅު ބޮއެލާފައި. ބަލާ އަންނަންތާ ޖެހޭނީ. އެހެންވެގެންނޭ އައީ އަނބުރާލާފައި ބަލާ."

މިދިޔަ ހުކުރު ދުވަހު ނަޝީދު ވިދާޅުވީ ސަރަހައްދީ އެއާލައިނެއް ހަދައި، އެ އެއާލަައިނުގެ ހަބަކަށް ހަނިމާދޫ އެއާޕޯޓު ހެދުމުން، އެ އެއާޕޯޓު ހިންގުމުން ދިވެހިންނަށް ލިބޭނެ ފައިދާ ބޮޑުވެ، މުޅި އުތުރުގެ ތަރަައްގީއަށް ފަހިވާނެ ކަމަށެވެ.

މީގެއިތުރުން ނަޝީދު ވިދާޅުވީ ވެލާނާ އިންޓަނޭޝަނަލް އެއާޕޯޓް ބޮޑު ދަރަންޏެއް ނަގައިގެން ހިންގަމުންދާ ކަމަށާއި އެ ލޯނު ދައްކަނީ ދިވެހި ރައްޔިތުންގެ ފައިސާއިން ކަމަށެވެ.

ނަމަވެސް ދިވެހި ރައްޔިތުން އެ ދަރަނި ދެއްކުމަށްވުރެ ރައްޔިތުންނަށް ތަނަވަސްކަން ލިބޭނެ ގޮތަށް އެކަން ކުރަން ޖެހޭ ކަމަށް ނަޝީދު ވިދާޅުވި އެވެ.

"ހުޅުލޭ އެއާޕޯޓް ވެސް އަޅުގަނޑަށް ފެނޭ، މިހާރު އެދަނީ ދަރަނީގައި ހިންގަމުން. މިހާރު އެދަނީ ބޮޑުސިންގާ ލޯނެއް އޮތް ތަނެއް. ދެން ކޮންމެ އަހަރަކު، ކޮންމެ އަހަރަކު މި ދަރަނި އަރަމުން އަރަމުން މިދަނީ. މި މާލޭ މަގުމަތީ ރާއްޖޭ ގޭގޭ ތިބި މީހުންގެ ޖީއެސްޓީން މި އެއާޕޯޓުގެ ލޯނު ދައްކަންވީ. ދެން އަޅުގަނޑުމެން ހަމަ އަތްޖަހާލަ ޖަހާލާ ތިބެންވީ ގައުމަށްޓަކާ އެކަމާ ދޭތެރޭގައި،" ނަޝީދު ވިދާޅުވި އެވެ.

ނަޝީދު ވިދާޅުވީ ޕްރައިވެޓައިޒޭޝަނަށް އަބަދުވެސް ތާއީދުކުރައްވާ ކަމަށެވެ. މިގޮތުން ސަރުކާރުން ސިޔާސަތުތައް ކަނޑައެޅުމާއި، ގާނޫނާއި ގަވާއިދުތައް ހެދުމުގެ އިތުރުން ކަންކަން ރަނގަޅު މަގުން ހިންގަމުންދާތޯ ބެލުމުގެ އިތުރުން ކަންކަން ހިންގުމަށް ތާއީދު ނުކުރައްވާ ކަމަށް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox