ހިތުގެ މައްސަލައެއް ފާހަގަވުމުން ކާލޯސް އިމަޖެންސީކޮށް އޮޕަރޭޝަނެއްކޮށްފި

Dec 31, 2025, 5:00 PM
ހިތުގެ މައްސަލައެއް ފާހަގަވުމުން ކާލޯސް އިމަޖެންސީކޮށް އޮޕަރޭޝަނެއްކޮށްފި

ރިއޯ ޑި ޖަނެއިރޯ، ބްރެޒިލް (ޑިސެމްބަރު 31) - މެޑިކަލް ޗެކަޕެއް ހެދިއިރު ހިތުގެ މައްސަލައެއް ފާހަގަވެ، ރެއާލް މެޑްރިޑަށް ކުރިން ކުޅުނު ބްރެޒިލްގެ ފުލްބެކް، ރޮބާޓޯ ކާލޯސް، އިމަޖެންސީކޮށް ހިތުގެ އޮޕަރޭޝަނެއް ކޮށްފި އެވެ.

އުމުރުން 52 އަހަރުގެ ކާލޯސް، އުފަން ގައުމު ބްރެޒިލްގައި ޗުއްޓީ ހޭދަކުރަމުން ދަނިކޮށް ފައިގައި ލޭކޮޅެއް ގަނޑުވެގެން ތަދުވާތީވެ، ހޮސްޕިޓަލަށް ގޮސް ޓެސްޓްތަކެއް ހެދި އެވެ. އަދި، ޓެސްޓްތައް ހެދިއިރު، ހިތުގެ މައްސަލަައެއް ފާހަގަވުމާ އެކު، ޑޮކްޓަރުން ވަގުތުން ނިންމީ ފަރުވާ އަވަސްކުރަން އޮޕަރޭޝަނެއް ކުރުމަށެވެ.

އެ ގޮތުން، ގަޑިއިރެއްހާއިރަށް ދިގުދެމިގެންދާނެ ކަމަށް ބެެލެވުނު އެެ އޮޕަރޭޝަނެއް ނިމުނީ ތިން ގަޑިއިރުންނެވެ. އެއީ، ހީކުރި ވަރަަށް ވުރެން ކާލޯސްގެ ހިތުގެ ހާލަތު އޮތް ގޮތުންނެވެ. އޮޕަރޭޝަން ކާމިޔާބުކަމާ އެކު ނިންމާލައި، ކާލޯސް ވަނީ ހޮސްޕިޓަލްގައި ދެ ދުވަހުގެ އޮބްޒަވޭޝަނަކަށް އެޑްމިޓްކޮށްފަ އެވެ.

ބްރެޒިލް ގައުމީ ޓީމަށް 125 މެޗު ކުޅެދީފައިވާ ކާލޯސްގެ ކެރިއަރުގެ އެންމެ ބޮޑު އުސްއައްޔަކީ، 2002 ވަނަ އަހަރުގެ ފީފާ ވޯލްޑް ކަޕް ކާމިޔާބުކުރުމާއި ރެއާލްގައި ހޭދަކުރި 11 ސީޒަނެވެ. ކެރިއަރުގެ ފަހުކޮޅުގައި ކާލޯސް ވަނީ އިންޑިއަން ސުޕަ ލީގުގައި ދިއްލީ ޑައިނަމޯސްގެ ޕްލޭޔާ ކޯޗުގެ ޒިންމާ ނަގައިފަ އެވެ.

ކުޅުމުގެ ކެރިއަރު ނިންމާލުމަށް ފަހު ކާލޯސް އަންނަނީ ރެއާލް މެޑްރިޑްގެ އެބްސަޑަރެއްގެ ގޮތުގައި، މަސައްކަތް ކުރަމުންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox