ހެޕީ މާކެޓް ޓްރޭޑިން ކޮމްޕެނީން ރާއްޖެއަށް އޯލްޑެންބާގާގެ ގާނާފައި ހުންނަ މޮޒެރެއްލާ ޗީޒް (ގްރޭޓެޑް ޗީޒް) ތައާރަފުކޮށްފިކޮށްފި އެވެ.
ހެޕީ މާކެޓުން ބުނީ މޮޒަރެއްލާގެ ގާނާފައި ހުންނަ ޗީޒްގެ 500 ގްރާމް އަދި އެއް ކިލޯ ޕެކެޓް އެތަނުގެ ފިހާރަކުން މިހާރު ލިބޭނެ ކަމަށެވެ. އެ ޗީޒަކީ ގެތަކުގެ އިތުރުން ވިޔަފަރީގައި ބޭނުންވާ ބޮޑެތި ބަދިގެތަކުގެ ބޭނުންތަކަށް ފަސޭހަކޮށް ތައްޔާރުކޮށްފައިވާ އުފެއްދުމެކެވެ.
ދުނިޔޭގައި ފެންވަރު ރަނގަޅު ކިރު އުފެއްދުންތަކަށް މަޝްހޫރު އޯލްޑެންބާގާ މޮޒެރެއްލާ ގްރޭޓެޑް ޗީޒް އަކީ ކޮންމެ ދުވަހެއްގެ ކެއުމަށް ބޭނުންކުރުމަށާއި، ބޭކް ކޮށްފައި ހޫނުގަދަ ކެއްކުންތަކަށް ވެސް ވަރަށް ރަނގަޅު އެއްޗެކެވެ.
"މީގެ މަޑު، ކްރީމީ ރަހައާއި، ހިތްހަމަޖެހޭ ވަރަށް ދެމިގެންދާ ފަސޭހަކަން ހުރުމުން، ކަސްޓަމަރުން އެދޭ މޮޒެރެއްލާގެ މޮޅު ތަޖުރިބާ މި ޗީޒުން ލިބިދޭ. އެހެންކަމުން، ރެސްޓޯރެންޓްތަކާއި، ކެފޭތަކާއި، ގޭތެރޭގެ ބޭނުންތަކަށް ވެސް މިއީ އިތުބާރު ހިފޭ މުހިންމު އުފެއްދުމެއް،" ހެޕީ މާކެޓުން ބުންޏެވެ.
މި އުފެއްދުމުގެ އެންމެ ފާހަގަކޮށްލެވޭ އެއް ސިފައަކީ ހޫނު ކެއުންތަކުގައި މިއަށް ލިބިދޭ މޮޅު ނަތީޖާ އެވެ. 45 ޕަސަންޓް ފެޓް އެކުލެވޭ މި ޗީޒުން ފަސޭހައިން ވިރުވިފައި، ރީތިކޮށް ދެމި، އަދި އެއްވަރަކަށް ރޯފިލާ ޗީޒެކެވެ. އަދި ޕިއްޒާ، ލަޒާނިޔާ، ބޭކް ކޮށްފައިވާ ޕާސްތާ، ބްރޫޝެޓާ އަދި ޗީޒް ސޭންޑްވިޗް ފަދަ ކެއުންތަކަށް މިއީ ވަރަށް އެކަށީގެންވާ ޗީޒެކެވެ.
ރަނގަޅަށް ރައްކާކޮށްފިނަމަ، މީގެ ކުދިކުދިކޮށް ގްރޭޓްކޮށްފައި ހުންނަ ކޮޅުތައް އެއްކޮށް ގަނޑުނުވެ، ވަކިވަކީން ހުންނާނެ އެވެ. މިއީ ކެއުން ތައްޔާރުކުރާ އިރުގައި ޝެފުންނަށާއި، ގޭތެރޭގައި ކައްކާ މީހުންނަށް ފަސޭހަކަމާއެކު އަދި ސާފުކޮށް ބައިބައިކުރުމަށް އެހީތެރިވެދޭނެ ކަމެކެވެ.
އޯލްޑެންބާގާ މޮޒެރެއްލާ ގްރޭޓެޑް ޗީޒް މިހާރު ރާއްޖޭގެ އެކި ކަންކޮޅުތަކުން ހެޕީ މާކެޓް ޓްރޭޑިން މެދުވެރިކޮށް ލިބެން ހުންނާނެ އެވެ. އޭގެ ތެރޭގައި ހެޕީ މާކެޓްގެ ހުރިހާ ހޯލްސޭލް ސެންޓަރަކާއި ރީޓެއިލް ސެންޓަރުތަކުގެ އިތުރުން ސުޕަމާޓްތައް ހިމެނެ އެވެ.
