ހުލާސާކޮށް އިއްޔެ: އިންތިހާބާ ދިމާކޮށް ވަކި ކައުންސިލްތަކެއް އޮޑިޓު ކުރަނީ

Dec 16, 2025, 1:20 AM
އޮޑިޓަ ޖެނެރަލް ނިޔާޒީ -- ފޮޓޯ: މަޖިލީހުގެ އިދާރާ

އޮޑިޓަ ޖެނެރަލް ނިޔާޒީ -- ފޮޓޯ: މަޖިލީހުގެ އިދާރާ

އަންނަ އަހަރު އޮންނަ ލޯކަލް ކައުންސިލް އިންތިހާބާ ދިމާކޮށް ވަކި ކައުންސިލްތަކަކަށް ޓާގެޓުކޮށްގެން އޮޑިޓު ކުރަން ފަށައިފި ކަމަށް އިއްޔެ ރިޕޯޓުކުރި އެވެ.

އެނގިފައިވާ ގޮތުގައި ޓާގެޓުކޮށް އޮޑިޓު ކުރަން ނިންމާފައިވާ ބައެއް ކައުންސިލްތަކަށް މިހާރު ދަނީ އޮޑިޓަށް ބޭނުންވާ މައުލޫމާތު ފޯރުކޮށްދިނުމަށް އަންގަމުންނެވެ.

ލޯކަލް ކައުންސިލް އިންތިހާބާ ދިމާކޮށް ބައެއް ކައުންސިލްތަކުގެ އޮޑިޓު ކުރަން މަސައްކަތް ކުރަމުންދާއިރު، މުހިންމު ބައެއް ކައުންސިލްތަކުގެ އޮޑިޓުތައް ކޮށްފައެއް ނުވެ އެވެ. ގަވާއިދުން އޮޑިޓު ނުކުރާތީ އެކަމާމެދު އެތައް ބަޔަކު ވަނީ ކަންބޮޑުވުން ވެސް ފާޅުކޮށްފަ އެވެ.

އެގޮތުން ރާއްޖޭގައި މި ވަގުތު އޮތް އެންމެ ބޮޑު ކައުންސިލް، މާލެ ސިޓީ ކައުންސިލް އޮޑިޓު ނުކުރާތާ 10 އަހަރަށްވުރެ ގިނަ ދުވަސް ވަނީ ފާއިތުވެފަ އެވެ. މާލެ ސިޓީ ކައުންސިލް އޮޑިޓު ކޮށްނުދީގެން މާލެ ސިޓީގެ މޭޔަރު ވަނީ މިދިޔަ ނޮވެމްބަރު 19، ގައި އޮޑިޓު އޮފީހަށް ވެސް ގޮސްފަ އެވެ.

ރާއްޖޭގެ ދެވަނައަށް އެންމެ ބޮޑު ކައުންސިލް، އައްޑޫ ސިޓީ ކައުންސިލުގެ އޮޑިޓު ރިޕޯޓެއް އެންމެފަހުން އާންމުކޮށްފައި ވަނީ މިދިޔަ އަހަރު އެވެ. އެއީ 2020 އަދި 2021 ވަނަ އަހަރުގެ އޮޑިޓު ރިޕޯޓެވެ.

ފުވައްމުލަކު ސިޓީ ކައުންސިލްގެ އޮޑިޓު ރިޕޯޓެއް ވެސް އެންމެފަހުން އާންމުކޮށްފައި ވަނީ މިދިޔަ އަހަރު އެވެ. އެއީ 2022 ވަނަ އަހަރުގެ އޮޑިޓު ރިޕޯޓެވެ.

މުހިންމު ބޮޑެތި ކައުންސިލްތަކުގެ ގަވާއިދުން އޮޑިޓު ނުކުރާއިރު، ސަރުކާރުގެ ވުޒާރާތައް ވެސް ގަވާއިދުން އޮޑިޓު ނުކުރާތާ އަހަރުތަކެއް ވަނީ ފާއިތުވެފަ އެވެ.

އެގޮތުން ސަރުކާރުގެ އެއްވެސް ވުޒާރާއެއްގެ މިދިޔަ އަހަރުގެ އޮޑިޓު އާންމުކޮށްފައެއް ނުވެ އެވެ. އޭގެ ކުރީ އަހަރު އޮޑިޓު ކޮށްފައި ވަނީ ފޮރިން މިނިސްޓްރީ އާއި ޑިފެންސް މިނިސްޓްރީގެ އިތުރުން ސްޕޯޓްސް މިނިސްޓްރީ އެކަންޏެވެ.

އޮޑިޓު ގާނޫނުގައި ބަޔާންކޮށްފައިވާ ގޮތުގައި ދައުލަތުގެ ކޮންމެ އިދާރާއަކުން މާލީ އަހަރު ނިމޭތާ ތިން މަހާއި 14 ދުވަހުގެ ތެރޭގައި، ދައުލަތުގެ މާލިއްޔަތުގެ ގާނޫނުގެ 38 ވަނަ މާއްދާގައިވާ ގޮތުގެ މަތިން، ދައުލަތުގެ އަހަރީ މާލީ ހިސާބުތައް ތައްޔާރުކޮށް، އޮޑިޓްކުރުމަށްޓަކައި އޮޑިޓާ ޖެނެރަލަށް، އަދި ފިނޭންސް މިނިސްޓްރީ އަށް ހުށަހަޅަން ޖެހޭނެ އެވެ.

މާލީ ހިސާބުތައް، ލިބޭތާ ތިން މަސް ދުވަހުގެ ތެރޭގައި އޮޑިޓަ ޖެނެރަލް އެ ހިސާބުތައް އޮޑިޓްކޮށް، އެ ހިސާބުތަކާމެދު އޭނާއަށް ފެންނަ ގޮތާއި އަދި އިސްލާހީ ފިޔަވަޅުތައް ހިމަނާފައިވާ ރިޕޯޓެއް، ރައީސުލްޖުމްހޫރިއްޔާއަށާއި، ރައްޔިތުންގެ މަޖިލީހަށް ހުށަހަޅަން ޖެހެ އެވެ. އަދި އެ ރިޕޯޓު އާންމުކޮށް ޝާއިއުކުރަން ޖެހެ އެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox