ދަރިވަރާއި ޓީޗަރާ ދެމެދު ހަމަނުޖެހުން ހިނގީ ކްލާސް ސްކްރީންގައި ދަރިވަރު ބޭއަދަބީ ވީޑިއޯއެއް އެޅުވުމުން: ޓޭމް

އައްޑޫ ހައި ސްކޫލް -- ފޮޓޯ: އައްޑޫ ލައިވް

އައްޑޫ ހައި ސްކޫލް -- ފޮޓޯ: އައްޑޫ ލައިވް

އައްޑޫ ހައި ސްކޫލްގެ ކްލާސް ރޫމެއް ތެރޭގައި ދަރިވަރަކާއި ޓީޗަރެއްގެ ދެމެދުގައި ހަމަނުޖެހުން ހިނގީ، ކްލާހުގެ ސްކްރީނުގައި ދަރިވަރު ބޭއަދަބީ ވީޑިއޯއެއް އެޅުވުމުން ކަމަށް ޓީޗަރުން އެސޯސިއޭޝަން (ޓޭމް) އިން ބުނެފި އެވެ.

އެ އެސޯސިއޭޝަނުން ނެރުނު ބަޔާނެއްގައި ބުނީ އެކަން ހިނގައިދިޔައީ ކްލާހުގެ ސްކްރީނުގައި ބޭއަދަބީ ވީޑިއޯއެއް ދަރިވަރުގެ ފޯނުން އެޅުވުމުން، އެ ފޯނު އަތުލަން ޓީޗަރު މަސައްކަތް ކުރުމުން ކަމަށެވެ.

"މި އެސޯސިއޭޝަނުން ބެލި ބެލުމުގައި އެ ދުވަހުގެ އެ ހާދިސާ ހިނގާނެ މެދުވެރިވި މައިގަނޑު ސަބަބަކީ ދަރިވަރެއްގެ ފޯނު މެދުވެރިކޮށް ކްލާސްރޫމުގެ ސްކްރީނަށް އަޅުވާފައިވާ ބޭއަދަބީ ވީޑިއޯއަކާ ގުޅިގެން ދަރިވަރުގެ ފޯނު އަތުލުމަށް ޓީޗަރު މަސައްކަތް ކުރުމުންނެވެ. މި އެސޯސިއޭޝަނުން ދެކޭ ގޮތުގައި އެއް ދަރިވަރެއްގެ ހައްގު އޮންނަ ފަދައިން ކްލާހުގައި ތިބޭ އަނެއް 30 ދަރިވަރުންގެ ހައްގު ވެސް އޮންނަންވާނެ،" ޓޭމް އިން ނެރުނު ބަޔާނުގައި ބުންޏެވެ.

ކްލާހުގައި ދެން ބާކީ ތިބޭ ކުދިންގެ ހައްގުގައި ތެދުވާ ޓީޗަރު ފަލީހަތްކޮށް ބަދުނާމު ކުރުމަކީ ބަލައިގަންނާނެ ކަމެއް ނޫން ކަމަށް ޓޭމް އިން ބުންޏެވެ.

އެފަދަ މައްސަލަތަކުގައި ކަމުގެ ހަގީގަތް ރަނގަޅަށް ނުބަލައި ޓީޗަރަށް އަދަބު ދިނުމުގެ ސަބަބުންނާއި ދަރިވަރުންގެ ފަރާތުން ދިމާވާ އެފަދަ ކަންތައްތަކާ ގުޅިގެން ފިޔަވަޅު ނޭޅި ދޫކޮށްލުވުމުގެ ނަތީޖާއަކަށް ވަނީ ގާބިލު އެތައް ޓީޗަރުންނެއް އެ ދާއިރާ ދެކެ ފޫހިވެ ދާއިރާއާ ދުރަށް ދިޔުން ކަމަށް ޓޭމް އިން ބުންޏެވެ.

ޓޭމްގެ ބަޔާނުގައި ބުނީ އައްޑޫ ހައި ސްކޫލްގެ ދަރިވަރުންގެ ފަރާތުން ޓީޗަރުންނަށް އުނދަގޫ ކުރުމާއި ބުލީ ކުރުމުގެ އަމަލުތައް މީގެ ކުރިން ވެސް ހިންގާފައިވާކަން އެނގިފައިވާ ކަމަށެވެ.

ސޯޝަލްމީޑިއާގައި ދައުރުވި ވީޑިއޯއިން ފެންނަ ޓީޗަރު އެގޮތަށް އަމަލު ކުރީ ނުވަތަ ކުރެވުނީ އެފަދަ ކަންކަން ތަކުރާރުވެފައި ވާތީ ކަމަށް ޓޭމް އިން ބުންޏެވެ.

"ދަރިވަރުންގެ ފަރާތުން ހިނގާފައިވާ މިފަދަ ކަންކަމަށް ސްކޫލުގެ މެނޭޖުމެންޓުން ފިޔަވަޅު ނާޅައި ދޫކޮށްލާފައިވާކަން ސާފުކޮށް އެނގޭ އެއް ހެއްކަކީ ދަރިވަރުންގެ ކްލާސްތަކަށް ފޯނު ގެންދިޔުން ހުއްދަ ދެވިފައި އޮތް އޮތުމެވެ، މި ހުއްދަ ދެވިފައި އޮތްއިރު، އެކަމަށް އެ ސްކޫލްގައި އުސޫލެއް ހެދިފައެއް ނުވެ އެެވެ،" ޓޭމްގެ ބަޔާނުގައި ބުންޏެވެ.

ޓޭމްއިން ބުނީ ތަހުޒީބު ގައުމުތަކުގައި ސްކޫލަށް ފޯނު ވެއްދުން ހުއްދަ ކޮށްފައި އޮތް ނަމަވެސް، ކްލާހާ ހަމައަށް ފޯނު ގެންދިޔުމަކީ އެ ތަންތަނުގައި ވެސް މަނާކަމެއް ކަމަށެވެ. އެގޮތުން ރާއްޖޭގައި ވެސް ސްކޫލަށް ފޯނު ގެންދިޔުން ހުއްދަ ކުރާނަމަ، އެކަމަށް ހާއްސަ އުސޫލެއް ހެދިފައި އޮންނަންޖެހޭނެ ކަމަށް ޓޭމްއިން ބުންޏެވެ.

ޓޭމްއިން ވަނީ އައްޑޫ ހައި ސްކޫލްގައި ހިނގައިދިޔަ ކަންކަން އެއްވެސް ކޮޅަކަށް ބުރަވުމެއް ނެތި ތަހުގީގުކޮށް ކުށްވެރިވާ ފަރާތްތަކަށް ފިޔަވަޅު އަޅަން ގޮވާލައިފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox