ތައްޔާރީތައް އެންމެ ފުރިހަމަ އަށް ނުދިޔަސް ނަބާ އަށް ބޮޑު ކާމިޔާބެއް

Dec 5, 2025, 6:45 AM
އެންމެ ފަހުން ވާދަކުރި އެފްރިކާގެ ތިން މުބާރާތުން ނަބާ ވަނީ ހަތް މެޑަލް ހޯދައިފައި.---- ފޮޓޯ: އަދަދު ސްޕޯޓްސް

އެންމެ ފަހުން ވާދަކުރި އެފްރިކާގެ ތިން މުބާރާތުން ނަބާ ވަނީ ހަތް މެޑަލް ހޯދައިފައި.---- ފޮޓޯ: އަދަދު ސްޕޯޓްސް

ދާދި ފަހުން ރިވައިވަލް ސްޕޯޓްސް ކްލަބުން އެފްރިކާގައި ކުރިއަށްދިޔަ ބެޑްމިންޓަން ވޯލްޑް ފެޑެރޭޝަން (ބީޑަބްލިއުއެފް) ލެވަލްގެ ތިން މުބާރާތުގައި ވާދަކުރިއިރު، ފާތިމަތު ނަބާހާ ވަނީ ހަތް މެޑަލް ހޯދައި، އެންމެ ފިޓްކޮށް ނެތް ނަމަވެސް، ކެރިއަރު އަނެއްކާ ވެސް ރަނގަޅަށް ގެންދަން މުހިންމު ފިޔަވަޅެއް ކުރިއަށް އަޅައިފަ އެވެ.

މިދިޔަ ސެޕްޓެމްބަރު މަހު، ބީޑަބްލިއުއެފް އިން ވަނީ ބައިނަލްއަގުވާމީ މުބާރާތްތަކުގައި ރާއްޖޭގެ ކުޅުންތެރިންނަށް ކުޅެވޭ ގޮތަށް ސަސްޕެންޝަނަށް ލުއިތަކެއްް ދީފަ އެވެ. އޭގެ ފަހުން، ރިވައިވަލް އިން ވާދަކޮށްފައިވާ ބީޑަބްލިއުއެފް އިން ރުހުންދީފައިވާ ތިން މުބާރާތަކީ، ޒެމްބިއާ އިންޓަނޭޝަނަލް އާއި ބޮޓްސްވާނާ އިންޓަނޭޝަނަލްގެ އިތުރުން މިއަދު ނިމުނު، އަކުއާސްޕްރިންގް ސައުތު އެފްރިކާ އިންޓަނޭޝަނަލް އެވެ.

މި މުބާރާތްތަކުގައި ރިވައިވަލް ސްޕޯޓްސްގެ ހައި ޕާފޯމަންސް ޓީމުގެ ހަ ކުޅުންތެރިއަކު ފެނިގެންދިޔަ އެވެ. އެއީ، ނަބާގެ އިތުރުން، ނިބާލް އަހުމަދު، ޒަޔާން ޒަކީ، އައިމިނަތު ނަބީހާ (ނަބީ)، ހަަސަން ޒަޔާން މުހައްމަދު، އަދި ހައިޝަމް އިބްރާހިމް އަލީ އެވެ.

Advertisement

ޒެމްބިއާ އިންޓަނޭޝަނަލް މުބާރާތުގެ މިކްސް ޑަބަލްސް އިން ޒަޔާން އާއި ނަބާގެ ޕެއާ އިން ރަން މެޑަލާއި އަންހެން ޑަބަލްސް އިން، ނަބީ އާއި ނަބާގެ ޕެއާ އިން ރިހި މެޑަލް ހޯދި އެވެ. ބޮޓްސްވާނާ އިންޓަނޭޝަނަލް އިން، އަންހެން ޑަބަލްސް އިން ނަބާ އާއި ނަބީގެ ޕެއާ އިން ރިހި މެޑަލެއް ހޯދިއިރު، މިކްސް ޑަބަލްސް އިން ޒަޔާން އާއި ނަބާގެ ޕެއާ ވަނީ ލޯ މެޑަލެއް ހޯދައިފަ އެވެ. ސައުތު އެފްރިކާ އޯޕަންގައި، ނަބާ ވަނީ އަންހެން ސިންގަލްސް އިން ލޯ މެޑަލެއް ހޯދައިފަ އެވެ. އަދި، މިކްސް ޑަބަލްސް އިން ޒަޔާން އާއި ނަބާގެ ޕެއާ އިން ލޯ މެޑަލެއް ހޯދިއިރު، މި ތިން މުބާރާތުގައި ވެސް ނަބާ އާއި ނަބީގެ ޕެއާ އިން އަންހެން ޑަަބަލްސްގައި ލިބިފައިވަނީ ރިހި މެޑަލް އެވެ.

ރިވައިވަލް އިން ރާއްޖެ އެނބުރި އައުމުން، އެއާޕޯޓުގެ ވީއައިޕީގައި، މަރުހަބާ ކިއުމަށް އިވެންޓެއް ކުރިއަށްދިޔައިރު، އެ ބައްދަލުވުމުގެ ތެރެއިން، "އަދަދު ސްޕޯޓްސް" އަށް ދިން އިންޓަވިއުއެއްގައި ނަބާ ބުނީ، އަނިޔާއަކާ ހެދި ދެ މަސް ދުވަހުގެ ބްރޭކެއްގައި ހުރެފައި، ސަސްޕެންޝަނަށް ލުޔެއް ލިބިފައި މުބާރާތަކަށް ދެވޭކަން އެނގުމުން ޓްރެއިނިން އަށް އަނބުރާ އައި ކަމަށެވެ. އަދި، މި އެފްރިކާގެ މުބާރާތްތަކަށް ދިޔައީ އެއް މަސް ދުވަހުގެ ތައްޔާރީތަކަށް ފަހުކަން ނަބާ ފާހަގަކުރި އެވެ.

"ބޭނުންވި ވަރަކަށް ރެޑީއެއްނުވެވުނު، އިންޖަރީއާ ވެސް ހެދި، ވަގުތު ވެސް ނުލިބުނީމައާ އެއްކޮށް، އަސްލު ޓާގެޓްކުރީ މިދިޔަ އަހަރުގެ ވެސް ރިޒަލްޓް މި ފަހަރު ވެސް ލިބޭތޯ، އެ ގޮތަކަށް ދިމައެއް ނުވި، އެކަމަކު ވެސް ވަރަށް އުފާވޭ މި ނަތީޖާއާ މެދު، ހަތް މެޑަލް ތިން މުބާރާތުން، ނަބާ ކުޅުނު ހުރިހާ އިވެންޓަކުން ވެސް މެޑަލް ލިބުނު، އެހެންވީމަ އިންޖަރީގައި ހުރެފައި ވެސް މި ވަރުގެ ރިޒަލްޓެއް ލިބުނީމަ ވަރަށް އުފާވޭ،" ނަބާ ބުންޏެވެ.

މިދިޔަ އަހަރު، ޒެމްބިއާ މުބާރާތާއި ބޮޓްސްވާނާ މުބާރާތުން ޖުމްލަ އެކު، ރިވައިވަލް އިން ވަނީ ރާއްޖެ އަށް އަށް މެޑަލް ހޯދައިފަ އެވެ. ޒެމްބިއާ މުބާރާތުން އަންހެން ޑަބަލްސް އިން ނަބާ އާއި ނަބީގެ ޕެއާ އިން ރަން މެޑަލް ހޯދިއިރު، މިކްސް ޑަބަލްސް އިން ޒަޔާން އާއި ނަބާގެ ޕެއާ އިން ލޯ މެޑަލް އަދި އަންހެން ސިންގަލްސް އިން ނަބާ ވަނީ ލޯ މެޑަލް ހޯދައިފަ އެވެ. ބޮޓްސްވާނާ މުބާރާތުގެ އަންހެން ސިންގަލްސް އިން ނަބާގެ ރަން މެޑަލާއި ނަބީގެ ރިހި މެޑަލްގެ އިތުރުން، މިކްސް ޑަބަލްސް އިން ޒަޔާން އާއި ނަބާގެ ރިހި މެޑަލާއި ފިރިހެން ޑަބަލްސް އިން ޒަޔާން އާއި ނިބާލް އަހުމަދުގެ ޕެއާގެ ލޯ މެޑަލްގެ އިތުރުުން އަންހެން ޑަބަލްސްގައި ނަބާ އާއި ނަބީގެ ޕެއާ އިން ހޯދި ލޯ މެޑަލް އެވެ.

ބޮޓްސްވާނާ މުބާރާތުގައި ހޯދި ސިންގަލްސް ރަން މެޑަލާއި ސިންގަލްސް ރިހި މެޑަލަކީ، ދުނިޔޭގެ ބެޑްމިންޓަން ފެޑެރޭޝަން، ބީޑަބްލިއުއެފް ރުހުން ދީފައިވާ މި ލެވަލްގެ މުބާރާތަކުން ރާއްޖެ އަށް ލިބުނު ސިންގަލްސް އިވެންޓްގެ ފުރަތަމަ މެޑަލްތަކެވެ.

ބީޑަބްލިއުއެފް އިން މި އަހަރު މެއި މަހު، ރާއްޖެ ސަސްޕެންޑްކޮށް، މިއަދު ސަސްޕެންޝަނުން ނެގިކަން އިއުލާނުކުރިއިރު، ގާތްގަނޑަކަށް މިވީ ހަތް މަހެއްހާ، ދުވަސްތެރޭ، ގައުމީ ބެޑްމިންޓަން ކުޅުންތެރިންގެ ރޭންކިން އަށް ވަނީ ވަރަށް ބޮޑަށް އަސަރުކޮށްފަ އެވެ. ނަބާ ބުނީ، ރޭންކިން އަލުން ރަނގަޅު ކުރުމަށްޓަކައި، ވަރަށް މަސައްކަތް ކުރަން ޖެހޭ ކަމަށެވެ.

"ހުރިހާ މެންގެ ރޭންކިންތައް ވެސް ވަރަށް ޑްރޮޕްވެފަައި ހުރީ، ކުރިން ނަބާ މެންގެ ޑަބަލްސް އާއި މިކްސް ޑަބަލްސް (ދުނިޔޭގެ ރޭންކިން) ޓޮޕް 100 ގައި ހުރި އެއްޗެހި މިހާރު ހުރީ ވަރަށް ވަރަށް ބޮޑަށް ވެއްޓިފައި، ބޮޑަށް ނަބާގެ ޓާގެޓް އޮތީ މިހާރު އޮތް ސިންގަލްސް ރޭންކިން މަތިކުރުން އެއީ އަނެއްކާ ވެސް އިނީ އޮލިމްޕިކްސް (2028 ގެ ލޮސް އެންޖެލްސް އޮލިމްޕިކްސް) އަށް ޓާގެޓްކޮށްފައި ކަމަށް ވީމަ، ދެން ސިންގަލްސް ރޭންކިން އިނީ ވަރަށް ބޮޑަށް ވެއްޓިފައި، އަސްލު ބުނާނީ ވަރަށް ބޮޑުތަން ގެއްލިގެންނޭ މިދިޔައީ ވަރަށް ބޮޑަށް މަސައްކަތްކޮށްގެން އަނެއްކާ ވެސް 2028ގެ އޮލިމްޕިކްސްއާ ހިސާބަށް ދެވޭނީ،" ނަބާ ބުންޏެވެ.

ނަބާ ވަނީ އެންމެ ފަހުން ބޭއްވި ދެ އޮލިމްޕިކްސްގައި ވެސް ރާއްޖެ ތަމްސީލްކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox