އެފްއޭއެމް ވިމެންސް ލީގުގެ މެޗުތައް ހެންވޭރު ދަނޑަށް ބަދަލުކޮށްފި

Dec 1, 2025, 7:12 AM
އެފްއޭއެމް ވިމެންސް ލީގުގެ މެޗުތައް ހެންވޭރު ދަނޑަށް ބަދަލުކޮށްފި

މިއަދު ފަށާ އެފްއޭއެމް ވިމެންސް ލީގުގެ މެޗުތައް ހެންވޭރު ދަނޑުގައި ކުޅޭ ގޮތަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ބަދަލުކޮށްފި އެެވެ.

އެގާރަ އަހަރަށް ފަހު، 2014 ވަނަ އަހަރުގެ ފަހުން ފުރަތަމަ ފަހަރަށް އެފްއޭއެމް އިން އަންހެން ފުޓްބޯޅަ މުބާރާތެއް ބާއްވާއިރު، މި މުބާރާތުގެ މެޗުތައް ކުޅެން ނިންމީ ގަލޮޅު ރަސްމީ ދަނޑުގަ އެވެ.

އެކަމަކު، މިހާރު އެ ނިންމުން ބަދަލުކޮށް، ޖުމްލަ ހަ ޓީމެއް ކުޅޭ އެފްއޭއެމް ވިމެންސް ލީގުގެ މެެޗުތައް މިއަދު ފަށާނީ ހެންވޭރު ދަނޑުގައި މުބާރާތް ކުރިއަށްދާ ގޮތަށެވެ.

މުބާރާތުގެ މެޗުތައް ހެންވޭރު ދަނޑަށް ބަދަލުކުރުމާ ބެހޭގޮތުން، "އަދަދު ސްޕޯޓްސް" އަށް އެފްއޭއެމްގެ ޖެނެރަލް ސެކްރެޓަރީ، އަހުމަދު ޒަރީރު ވިދާޅުވީ، މިދިޔަ ތިން ވަރަކަށް ދުވަހު ކުރި ވިއްސާރައިގައި ގަލޮޅު ދަނޑުގެ ވިނަގަނޑު ވަރަށް ބޮޑަށް ހަލާކުވެފައިވާ ކަމަށެވެ. އަދި، ގަލޮޅު ދަނޑުގެ ބެލެހެއްޓުމުގެ ޒިންމާ އޮތް މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަންގެ ލަފާގެ މަތިން، ވިމެންސް ލީގުގެ މެޗުތައް ހެންވޭރު ދަނޑަށް ބަދަލުކުރީ ކަމަށް ޒަރީރު ވިދާޅުވި އެވެ.

"އެއްވެސް ހާލަތެއްގައި ފިރިހެނުންގެ މުބާރާތްތަކަށް ގަލޮޅު ދަނޑު ހާއްސަކުރުމުގެ ގޮތުންނެއް ނޫން. އިންޓަނޭޝަނަލް މެޗުތައް ވެސް ކުޅެން އޮތީ ހަމައެކަނި ގަލޮޅު ދަނޑު ކަމަށްވެފައި، ވިއްސާރައިގައި މިދިޔަ މެޗުތައް (ދިވެހި ޕްރިމިއާ ލީގުގެ މެޗުތައް) ގަލޮޅު ދަނޑުގައި ކުޅެފައި، މިއަދުން ފެށިގެން ވިމެންސް ލީގުގެ މެޗުތައް ގަލޮޅު ދަނޑުގައި ކުޅޭ ކަމަށްވާނަމަ ކޮންޓިނުއަސްކޮށް ހުރިހާ މެޗެއް ދަނޑުގައި ކުޅެ، ވިނަގަނޑު އިތުރަށް ހަލާކުވާނެތީވެ، މިނިސްޓްރީގެ ވެސް ލަފަޔާ އެކު ހެންވޭރު ދަނޑަށް މުބާރާތް ބަދަލުކުރަން އިއްޔެ މި ނިންމީ،" ޒަރީރު ވިދާޅުވި އެވެ.

ވިމެންސް ފުޓްބޯލް ލީގުގައި ވާދަކުރާ ހަ ޓީމަކީ، އޮޑި ސްޕޯޓްސް ކްލަބް، މާޒިޔާ ސްޕޯޓްސް އެންޑް ރެކްރިއޭޝަން، ނިއު ރޭޑިއަންޓް ސްޕޯޓްސް ކްލަބް، ޓީސީ ސްޕޯޓްސް ކްލަބް، ވިކްޓަރީ ސްޕޯޓްސް ކްލަބް އަދި، ބިސް ބުރު ސްޕޯޓްސް ކްލަބް އެވެ. މުބާރާތުގެ ފުރަތަމަ މެޗުގައި މިއަދު ހަވީރު، ޓީސީން ބައްދަލުކުރާނީ ވިކްޓަރީއާ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox