އަންހެން ފުޓްބޯޅައިގައި ވެސް ސާބިތުވީ މާޒިޔާގެ އުސްމިން: އަހުސަން

Dec 24, 2025, 7:54 AM
އެފްއޭއެމް ވިމެންސް ފުޓްބޯލް ލީގުގެ މެޗެއްގެ ތެރެއިން މާޒިޔާގެ ކޯޗު އަހުސަން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

އެފްއޭއެމް ވިމެންސް ފުޓްބޯލް ލީގުގެ މެޗެއްގެ ތެރެއިން މާޒިޔާގެ ކޯޗު އަހުސަން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މެޗަކުން ބަލިނުވެ މާޒިޔާ ސްޕޯޓްސް އެންޑް ރެކްރިއޭޝަނުން އެފްއޭއެމް ވިމެންސް ފުޓްބޯލް ލީގުގެ ޗެމްޕިއަންކަން ހޯދުމުން ސާބިތުވެގެންދިޔައީ ރާއްޖޭގެ ފުޓްބޯޅައިގައި މި ވަގުތު މާޒިޔާ އޮތް އުސްމިން ކަމަށް އެ ކްލަބްގެ އަންހެން ޓީމުގެ ކޯޗު، އަހުމަދު އަހުސަން (ބަރޯ) ބުނެފި އެވެ.

އެގާރަ އަަހަރަށް ފަހު، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ބޭއްވި ފުރަތަަމަ އަންހެން ފުޓްބޯޅަ މުބާރާތަކީ، އިއްޔެ ނިމިގެންދިޔަ އެފްއޭއެމް ވިމެންސް ފުޓްބޯލް ލީގު އެވެ. މާޒިޔާ އިން ލީގުގެ ފަހު މެޗުގައި، އޮޑި ސްޕޯޓްސް ކްލަބް އަތުން 2-0 އިން މޮޅުވެ ޗެމްޕިއަންކަން ހޯދިއިރު، ލީގައި ކުޅުނު ފަސް މެޗުގެ ތެރެއިން ހަތަރު މެޗުން މޮޅުވި އެވެ.

އިއްޔެގެ މެޗަށް ފަހު، "އަދަދު ސްޕޯޓްސް" އަށް ދިން އިންޓަވިއުގައި، އަހުސަން ބުނީ، ދޮޅު މަހެއްހާ ކުރު މުއްދަތެއްގެ ތެރޭގައި ޓީމު އެކުލަވާލައިގެން، ދިވެހި ކުޅުންތެރިންނާއި ބިދޭސީ ކުޅުންތެރިން، ކްލަބްގެ މެނޭޖްމަންޓުގެ އެއްބާރުލުމާ އެކު ކުރި މަސައްކަތުން ތާރީހީ ކާމިޔާބެއް ހާސިލްވީ ކަމަށެވެ.

ފުރަތަމަ ޑިވިޝަނާއި ގައުމީ ޓީމުތަކުގައި، ކޯޗިންގެ މަސައްކަތްތަކެއް ކޮށްފައިވާ އަހުސަން ބުނީ، މާޒިޔާ އިން އަންހެން ފުޓްބޯޅައިގައި ވެސް ދެއްކީ ނަމޫނާ ކަންތައްތަކެއް ކަަމަށެވެ.

"މާޒިޔާ އިން ފިރިހެން ޓީމު ހިންގާ ގޮތަށް، އަންހެން ޓީމަށް ވެސް އެއްވެސް އުނިއިތުރު ކަމެއް ނުގެނެސް، ހަމަ އަންހެން ކުދިންނަށް މި ދޭން ޖެހޭ ފުލް ސަޕޯޓް ދީގެން، މުބާރާތްގެންދިޔަކަން ފާހަގަކޮށްލަން. މީގެ މާޒިޔާ އަކީ ރާއްޖޭގެ ފުޓްބޯޅައިގެ ވަރުގަދަ، އެންމެ ވަރުގަދަ ބްރޭންޑޭ މިހާރު ބުންޏަސް ދޮގަކަށް ނުވާނެ ކަންނޭނގެ، ފިރިހެން ފުޓްބޯޅައިގައި ވެސް މިހާރު ޓޮޕްގައި މި އޮތީ، މިހާރު އަންހެން ފުޓްބޯޅަ ވެސް މި ނިންމާލީ މާޒިޔާގެ ނަން އަންހެން ފުޓްބޯޅަ ތެރެއަށް ވައްދައި ތާރީހުގެ ތެރެއަށް ލައިގެން، އޭގެއިން ފެނިގެން މިދިިޔައީ މާޒިިޔާ، ދިވެހި ފުޓްބޯޅައިގައި ކިހާ އުސްމިނެއްގައި ކަން އޮތީ ފާހަގަވެގެން މި ދިޔައީ،" އަހުސަން ބުންޏެވެ.

މާޒިޔާ އިން ވަނީ މި އަހަރުގެ ފުޓްބޯޅައިގައި އެފްއޭއެމް އިން ބޭއްވި 19 އަހަރުން ދަށުގެ މުބާރާތާއި މެއި މަހު ބޭއްވި ޕްރީ ސީޒަން މުބާރާތް، އެފްއޭއެމް ލީގު ކަޕް އަދި ސީޒަން ފަށަން ކުޅުނު ޗެރިޓީ ޝީލްޑް މެޗުން ވެސް މޮޅުވެފަ އެވެ. އަދި، ހަ ޓީމުގެ މެދުގައި ކުރިއަށްދިޔަ ވިމެންސް ފުޓްބޯލް ލީގު ވެސް މި ހޯދީ މާޒިޔާ އިންނެވެ.

މާޒިޔާގެ ކުޅުންތެރިންނާއި އޮފިޝަލުން އެފްއޭއެމް ވިމެންސް ފުޓްބޯލް ލީގުގެ ތަށްޓާ އެކު އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މި ފަހަރުގެ އެފްއޭއެމް ވިމެންސް ފުޓްބޯލް ލީގަކީ 2014 ވަނަ އަހަރަށް ފަހު އެފްއޭއެމް އިން ބޭއްވި ފުރަތަމަ އަންހެން ކްލަބް ފުޓްބޯޅަ މުބާރާތެވެެ. ލިބުނު މުއްދަތާ ބަލައި، ވާދަކުރި ހަ ޓީމުން ވެސް ކުރިއެރުންތަކެއް ހޯދާފައިވެ އެވެ. އާ ކުޅުންތެރިންނަށް ކުޅުމުގެ ފުރުސަތު ލިބި، ރާއްޖޭގެ އަންހެން ފުޓްބޯޅައިގެ ޑިވެލޮޕްމަންޓުގައި ކުރިއަށް ފިޔަވަޅެއް ވަނީ އަޅައިފަ އެވެ.

"ވަރަށް ގިނަ ދުވަސްތަކަކަށް ފަހު ފަށައިގެން މި އައީ. އަންހެން މުބާރާތް ފަށައިގެން އައި މުބާރާތަކަށް ބަލާފައި ވަރަށް ރަނގަޅަށް މިދިޔައީ. ދެން މީގެ ހަމަ ވަރަށް ގިނަ ބައެއްގެ އިންވޯލްމަންޓް އަޅުގަނޑުމެންނަށް ފެނިގެންދިއުން މިއީ އަންހެން ފުޓްބޯޅަ އަށް ވެސް ފުޓްބޯޅަ އަށް ވެސް ލިބިގެންދިޔަ ހިތްހަމަޖެހުމެއް ކަންނޑޭނގެ، ބޮޑެތި ހުރިހާ ކްލަބެއް ކަހަލަ ގޮތަކަށް އަންހެން ފުޓްބޯޅަ ޓީމެއް ނެެރެ، ޓީމުގެ މެނޭޖްމަންޓް އެއްކޮށް ބައިވެރިވެ، ބޭރު ކުޅުންތެރިން ވެސް ގެނެސް، ވިމެންސް ފުޓްބޯލް ޑިވެލޮޕްމަންޓަށް މިދިޔައީ ހަމަ ވަރަށް ބޮޑު ބަދަލެއް މި ފެނިގެންދިޔައީ،" އަހުސަން ބުންޏެވެ.

އެފްއޭއެމް ވިމެންސް ފުޓްބޯލް ލީގުގެ މެޗެއްގެ ތެރެއިން މާޒިޔާގެ ކޯޗު އަހުސަން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

އެފްއޭއެމްގެ ވިސްނުމަކީ ވިމެންސް ފުޓްބޯލް ލީގު އަހަރުން އަހަރަށް ކުރިއަށްގެންދިއުން ކަމަށްވާއިރު، އަހުސަން ދެކޭ ގޮތުގައި އަންނަ އަހަރުގެ މުބާރާތަށް ވެސް ބަދަލުތަކެއް ގެެނެސް އިތުރަށް ފުރިހަމަކުރެވޭނެ ކަމަށެވެ. އެ ގޮތުން، ލީގު ދެ ބުރަކަށް ކުރިއަށްގެންދިއުން ވެސް ރަނގަޅުވާނެ ކަަމަށް އަހުސަން ވަނީ ބުނެފަ އެވެ.

"އިތުރު ގޮތްތަކެއް ހަދާލައިފިއްޔާ، އަންހެން ފުޓްބޯޅަ ހަމަ ދާނީ އަހަރަކުން އަހަރެއް ކުރިއަށް ކަމަށް ގަބޫލުކުރަނީ،" އަހުސަން ބުންޏެވެ.

އަންހެން ފުޓްބޯޅަ ލީގުގައި މި ފަހަރު ފެންވަރު ރަނގަޅު ބިދޭސީ ކުޅުންތެރިންތަކެއް ފެނިގެންދިޔަ އެވެ. އެ ގޮތުން، އަހުސަން ބުނީ، މާޒިޔާ އަށް ކުޅުނު ނޭޕާލް ގައުމީ ޓީމުގެ ރޭކާ ޕައުޑެލް އާއި ދީޕާ ޝާހީ އަދި ވިކްޓަރީ އަށް ކުޅުނު އުޒްބެކިސްތާންގެ ދެ ކުޅުންތެރިން ކަމަށްވާ ލޭލާ ރުސްޓުލައޭވާ އާއި ސަފީނާ ރުޝާނިޔާ ތަފާތު ކަމަށާއި ޖުމްލަކޮށް ބަލާއިރު، ހުރިހާ ޓީމެއްގައި ތިބި ބިދޭސީ ކުޅުންތެރިންގެ ފަރާތުން ވެސް ރަނގަޅު ކުޅުމެއް ފެނިގެންދިޔަ ކަމަށެވެ.

ބިދޭސީ ކުޅުންތެރިންނަށް ހަގީގީ ލެވަލްގައި ކުޅެވުނީ ދިވެހި ކުޅުންތެރިންގެ ވެސް މަސައްކަތުން ކަމަށާއި އެ ގޮތުން، މި މުބާރާތުގައި ދިވެހި ކުޅުންތެރިންނަށް ވެސް އެ ހައްގުވާ ކްރެޑިޓް ދޭން ޖެހޭނެ ކަމަށް އަހުސަން ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox