ބިސް ބުރު ބަލިކޮށް ވިކްޓަރީ އަށް އެފްއޭއެމް ވިމެންސް ފުޓްބޯލް ލީގުގެ ތިން ވަނަ

Dec 22, 2025, 8:59 PM
ވިކްޓަރީގެ ސަފީނާ (ކ) އާއި ލޭލާ ލަނޑު ޖެހުމަށް ފަހު އުފާފާުޅުކުރަނީ.--- ފޮޓޯ: ވިކްޓަރީ ސްޕޯޓްސް ކްލަބް

ވިކްޓަރީގެ ސަފީނާ (ކ) އާއި ލޭލާ ލަނޑު ޖެހުމަށް ފަހު އުފާފާުޅުކުރަނީ.--- ފޮޓޯ: ވިކްޓަރީ ސްޕޯޓްސް ކްލަބް

ބިސް ބުރު ސްޕޯޓްސް ކްލަބް އަތުން 5-0 އިން މޮޅުވެ، ވިކްޓަރީ ސްޕޯޓްސް ކްލަބުން ތިން ވަނައިގައި އޮވެ އެފްއޭއެމް ވިމެންސް ފުޓްބޯލް ލީގު ނިންމާލައިފި އެވެ.

އެގާރަ އަހަރަށް ފަހު އެފްއޭއެމް އިން ކްލަބްތަކަށް ހާއްސަކޮށް ބާއްވާ ފުރަތަމަ ފުޓްބޯޅަ މުބާރާތުގައި ބާކީ އޮތީ އެންމެ މެޗެކެވެ. އެއީ، ލީގުގެ އެއް ވަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަން އާއި ދެ ވަނައިގައި އޮތް އޮޑި ސްޕޯޓްސް ކްލަބުން ވާދަކުރާ، ލީގުގެ ޗެމްޕިއަން ކަނޑައެޅިގެންދާ މެޗެވެ. މާޒިޔާ އާއި އޮޑި އަށް ވެސް ހަތަރު މެޗުން 10 ޕޮއިންޓް ލިބިފައިވާއިރު، މާޒިޔާ އިން ކުރީގައި އޮތީ ޖެހި ގޯލުންނެވެ.

ތިން ވަނައިގައި ނިންމި ވިކްޓަރީ އާއި ހަތަރަކަށް ދިޔަ ނިއު ރޭޑިއަންޓް ސްޕޯޓްސް ކްލަބަށް ފަސް މެޗުން އަށް ޕޮއިންޓް ލިބުނުއިރު، ވިކްޓަރީ ކުރީގައި އޮތީ ނިއު އަށް ވުރެން ލަނޑުގެ ތަފާތުން ތިން ފައިދާ ގޯލު އިތުރުވުމުންނެވެ. ޓީސީ، ފަސް ވަނަ އަށް ދިޔައީ، ފަސް މެޗުން ތިން ޕޮއިންޓާ އެކު އެވެ. ބިސް ބުރުން މުބާރާތް ނިންމާލީ ކުޅުނު ފަސް މެޗުން ވެސް ބަލިވެ، ޕޮއިންޓެއް ނުލިބި އެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗުގައި، ވިކްޓަރީން ފުރަތަމަ ހާފުގައި ތިން ގޯލު ޖެހިއިރު، އަނެއް ދެ ލަނޑު ޖެހީ ދެ ވަނަ ހާފުގަ އެވެ.

މި މެޗުގައި ވިކްޓަރީގެ ލަނޑުތައް ޖެހީ، އުޒްބެކިސްތާންގެ ދެ ކުޅުންތެރިން ކަމަށްވާ ލޭލާ ރުސްޓުލައޭވާ އާއި ސަފީނާ ރުޝާނިޔާ އެވެ. މީގެ ތެރެއިން ލޭލާ ވަނީ ހަތަރު ލަނޑު ޖަހައިފަ އެވެ. އަދި، ސަސްޕެންޝަނުން އެނބުރި އައިސް ކުޅުނު ސަފީނާ އެއް ލަނޑު ޖެހި އެވެ.

ލޭލާ، މި މެޗުގައި ޖެހި ގޯލުތަކާ އެކު، ލަނޑު ލިސްޓުގެ އެއް ވަނަ އަށް ވަނީ ޖެހިލައިފަ އެވެ. އެއީ ނުވަ ގޯލު ޖަހައިގެންނެވެ. އޭނާއާ އެންމެ ގާތުން ވާދަކުރަނީ، އަށް ގޯލު ޖަހާފައިވާ އޮޑިގެ ކެޕްޓަން، ފާތިމަތު ސާލިޔާ އާއި ހަތް ލަނޑު ޖަހާފައިވާ މާޒިޔާގެ ނޭޕާލް ކުޅުންތެރިޔާ ރޭކާ ޕޮއުޑެލް އެވެ.

އެފްއޭއެމް އިން 2014 ވަނަ އަހަރުގެ ފަހުން ބާއްވާ ފުރަތަމަ ފުޓްބޯޅަ މުބާރާތް، އެފްއޭއެމް ވިމެންސް ފުޓްބޯލް ލީގުގެ ފަހު މެޗުގައި މާދަމާ ހަވީރު، މާޒިޔާ އާއި އޮޑި ކުޅޭ މެޗު ފަށާނީ 16:00 ގަ އެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox