ވިނީޝިއުސް ބޭނުންވަނީ އެމްބާޕޭ އަށް ދޭވަރުގެ މުސާރައެއް: ރިޕޯޓް

Nov 29, 2025, 5:45 AM
ވިނީޝިއުސް ބޭނުންވަނީ އެމްބާޕޭ އަށް ދޭވަރުގެ މުސާރައެއް: ރިޕޯޓް

މެޑްރިޑް (ނޮވެމްބަރު 29) - ރެއާލް މެޑްރިޑާ އެކު ހަދާފައިވާ ކޮންޓްރެކްޓް އާ ކުރަން، ބްރެޒިލްގެ ވިނީޝިއުސް ޖޫނިއާ ބޭނުންވަނީ އެ ކްލަބަށް ކުޅެމުން އަންނަ ފްރާންސްގެ ކީލިއަން އެމްބާޕޭ އަށް އެ ޓީމުން ދެމުން އަންނަ ވަރުގެ މުސާރައެއް ކަމަށް ރިޕޯޓްތައް ބުނެފި އެވެ.

މިދިޔަ އަހަރު ފީފާ އިން ހޮވި އެންމެ ފުޓްބޯޅަ ކުޅުންތެރިޔާގެ މަގާމު ހޯދި ވިނީޝިއުސް، 25، އާ އެކު، ރެއާލުން ހަދާފައި އޮތް ކޮންްޓްރެކްޓް އޮތީ 2027 ވަނަ އަހަރުގެ ޖޫން މަހުގެ ނިޔަަލަށެވެ. އަދި، މި ސީޒަން ފެށި ފަހުން، ކޮންޓްރެކްޓް އާ ކުރަން ރެއާލުން ކުރި މަޝްވަރާތައް އޮތީ މަޑުޖެހިފަ އެވެ.

ޒަބީ އަލޮންސޯ، ރެއާލްގެ ކޯޗުކަމާ ހަވާލުވި ފަހުން، އެ ޓީމުގެ ފުރަތަމަ އެގާރައިން ވިނީޝިއުސް އަށް ކުޅުމުގެ ފުރުސަތު ގިނައިން ނުލިބޭތީ، އެ މައްސަލަ ޖެހި އޭނާ އެ ކްލަބް ދޫކޮށްލަން ނިންމި ކަމަށް ވެސް މިދިޔަ ހަފްތާގައި ސްޕެއިން ނޫސްތަކުން ރިޕޯޓްކުރި އެވެ. އެކަމަކު، މިދިޔަ ދެ ދުވަހު ސްޕެއިނުގެ މީޑިއާތަކުން ރިޕޯޓްކޮށްފައިވަނީ، ވިނީޝިއުސްގެ ކޮންްޓްރެކްޓްގެ ވާހަކަ މަޑުޖެހުނީ އޭނާ ޑިމާންޑްކުރާ މުސާރައާ ހެދި ކަމަށެވެ.

ހިލޭ ޓްރާންސްފާއެއްގައި ރެއާލާ ގުޅި، އެމްބާޕޭ އެ ޓީމުގައި ހުރީ ސީޒަނަކަށް 30-35 މިލިއަން ޑޮލަރުގެ މުސާރަ އަކަށެވެ. ވިނީޝިއުސް މި ވަގުތު ރެއާލްގައި ހުރީ، ސީޒަނަކަށް 18-20 މިލިއަން ޑޮލަރުގެ މުސާރަ އަކަށެވެ. ރިޕޯޓްތައް ބުނާގޮތުން، ވިނީޝިއުސް ވަނީ ރެއާލްގައި އިތުރު ހަތަރު އަހަރުގެ ކޮންޓްރެކްޓެއް ހަދަން، އެމްބާޕޭ އަށް ދޭ ވަރުގެ މުސާރަ އަކަށް ޑިމާންޑްކޮށްފަ އެވެ. އަދި، މިހާރު ރެއާލުން އަންނަނީ ވިނީޝިއުސް އަށް ރަނގަޅު މުސާރައިގެ ޕެކޭޖެއް ހަމަޖައްސަން މަޝްވަރާކޮށް، އެ ޑީލުގައި ކުރިއެރުންތަކެއް ހޯދަމުންނެވެ.

ރެއާލުން ވިނީޝިއުސް ވިއްކާނަމަ ވިއްކާނެ އެންމެ ކުޑަ އަގެއްގެ ގޮތުގައި ކަނޑައަޅާފައި ވަނީ 300 މިލިއަން ޑޮލަރު އެވެ. ރެއާލުން 2017 ވަނަ އަހަރު ވިނީޝިއުސް ގަންނަން ނިންމައި، 2018 ވަނަ އަހަރު އެ ޑީލް ނިންމިއިރު، އޭނާގެ ޓްރާންސްފާ ޕެކޭޖަށް ޖުމްލަ އެކު، ފްލަމެންގޯ އަށް 65 މިލިއަން ޑޮލަރު ދެއްކި އެވެ.

ފަހުގެ ޚަބަރު

ލިވަޕޫލަށް މޮޅެއް، ޗެލްސީ ބަލި، ޔުނައިޓެޑް ރެލިގޭޝަން ޒޯނަށް

އިނގިރޭސި ޕްރިމިއާ ލީގުގައި ކްރިސްޓަލް ޕެލަސް ބަލިކޮށް ލިވަޕޫލުން މޮޅެއް ހޯދިއިރު، ސަންޑަލެންޑް އަތުން ބަލިވެ ޗެލްސީއަށް ވަނީ ނާކާމިޔާބީއާ ކުރިމަތިލާން ޖެހިފައި. އަދި އެސްޓަން ވިލާއާ 4-4 އިން އެއްވަރުވި މެންޗެސްޓާ ޔުނައިޓެޑް، ލީގުގައި ކުޅުނު 10 މެޗުން ލިބުނު އަށް ޕޮއިންޓާއެކު މިހާރު ވަނީ ރެލިގޭޝަން ޒޯނަށް ވެއްޓިފައި

ހިތްހަމަނުޖެހިފައި ހުރި އުރްބާނީގެ ފާޑުކިޔުން ރެފްރީންނަށް

ސާފް ޗެމްޕިއަންޝިޕްގައި ޕާކިސްތާން އަތުން ރާއްޖެ ބަލިވި މެޗަށް ފަހު، ކޯޗު އުރްބާނީ ވަނީ ރެފްރީގެ ނިންމުންތަކަށާއި ވީއޭއާރް ބޭނުންނުކުރާތީ ވަރަށް ބޮޑަށް ފާޑުކިޔާފައި. މީގެ އިތުރުން، މުބާރާތަށް ރާއްޖެ ތައްޔާރުވި ގޮތާ މެދު ހިތްހަމަނުޖެހުން ފާޅުކުރަމުން އުރްބާނީ ވަނީ ގިނަ ޝަކުވާތަކެއް ކޮށްފައި.

ބޫޓާނުން ލަންކާ ހުއްޓުވިއިރު، ބަންގްލަދޭޝް ސެމީ އަށް

ސާފް ޗެމްޕިއަންޝިޕްގައި ބޫޓާނާއި ސްރީލަންކާ ބައްދަލުކުރި މެޗު 2-2 އިން އެއްވަރުވުމާ ގުޅިގެން، މުބާރާތް ބާއްވާ ގައުމު ކަމަށްވާ ބަންގްލަދޭޝް އަށް ސެމީ ފައިނަލުގެ ޖާގައެއް ކަށަވަރުވެއްޖެ. މި މެޗުގައި ބޫޓާނުން ފުރަތަމަ ލީޑު ނެގި ނަމަވެސް ލަންކާއިން ދެ ލަނޑު ޖަހައި ކުރިހޯދާފައިވަނިކޮށް، ބޫޓާނުން މެޗު އެއްވަރުކުރީ ފަހު ހާފުގައި ޗެންޗޯ ޖެހި ގޯލުން.

ރާއްޖެ ބަލިކޮށް ޕާކިސްތާން ސެމީ އަށް

ޓެކްނޯ ސާފް ޗެމްޕިއަންޝިޕްގައި 3-0 އިން ރާއްޖެ ބަލިކޮށް ޕާކިސްތާނުން މުބާރާތުގެ ސެމީ ފައިނަލުގެ ޖާގައެއް ކަށަވަރުކޮށްފި. މިއީ ފާއިތުވި ފަސް މަސްދުވަހުގެ ތެރޭގައި ޕާކިސްތާނުން ރާއްޖެ ބަލިކުރި ދެވަނަ ފަހަރު ކަމަށްވާއިރު، ރާއްޖެއަށް ސެމީގެ ފުރުސަތު ދެން އޮތީ ތިން ގޯލުގެ ތަފާތުން އިންޑިއާ ބަލިކޮށްގެން

މިސްރު ކޯޗު މަގާމުން ވަކިކޮށްފި

އާއިލީ މައްސަލަތަކެއް ސޯޝަލް މީޑިއާގައި ފެންމަތިވެފައި ވަނިކޮށް، މިސްރުގެ ފުޓްބޯޅަ ޓީމުގެ ކޯޗު ހޮސާމް މަގާމުން ވަކިކޮށް، އެ މަގާމަށް މާހިރު އައްޔަންކޮށްފި. މިސްރުގެ ފުޓްބޯޅަ އެސޯސިއޭޝަނުން މި ނިންމުން ނިންމީ ޓީމުގެ އަބުރު ހިމާޔަތްކުރުމަށް ކަމަށް ބުނެފައިވާއިރު، މީގެ ކުރިން ހޮސާމްގެ ޒާތީ ދިރިއުޅުމުގެ ވާހަކަ ސޯޝަލް މީޑިއާގައި ވަނީ ވައިރަލްވެފައި.

ސާފް މުބާރާތްތަކަށް ވީއޭއާރް މުހިންމު: ނިޒާމްބެ

ސާފް ޗެމްޕިއަންޝިޕްގެ މުހިންމު މެޗުތަކުގައި "ވީއޭއާރް ލައިޓް" ބޭނުންކުރަން ނިންމުމަކީ ފުޓްބޯޅަ ކުރިއަރާފައިވާ މިންވަރަށް ބަލާއިރު މުހިންމު ކަމެއް ކަމަށް ކޯޗު ނިޒާމްބެ ބުނެފި. އޭނާ ފާހަގަކުރި ގޮތުގައި މި ނިޒާމުގެ ސަބަބުން ރެފްރީންގެ ނިންމުންތަކަށް ކުޅުންތެރިން ކުރާ އިތުބާރު ބޮޑުވެ، މުބާރާތުގެ ފެންވަރު ރަނގަޅުވެގެންދާނެ.

ރަންނަމާރި ޗެލެންޖު އިބޫ އާއި އާލިޔާ އަށް، ސާފް ލީގު ޔަސިން އަށް

ގައުމީ ސާފް ލީގުގެ ފަހު މުބާރާތް ކަމަށްވާ ރަންނަމާރި ޗެލެންޖުގެ ފިރިހެން އޯޕަން ކެޓަގަރީގެ ޗެމްޕިއަންކަން ހުސެއިން އަރީފް (އިބޫ) ހޯދިއިރު، އަންހެން ކެޓަގަރީގެ އެއް ވަނަ ހޯދީ އާލިޔާ ލަތީފް. މި މުބާރާތުގެ ޖޫނިއާ ކެޓަގަރީގެ ޗެމްޕިއަންކަން ޔަސިން އަހުމަދު ނާޝިދު ހޯދިއިރު، އޭނާ ވަނީ މިއަހަރުގެ ގައުމީ ސާފިން ލީގުގެ ޓައިޓަލް ވެސް ކާމިޔާބުކޮށްފައި.

Newsletter

Get the latest news delivered straight to your inbox