އަންހެން ފުޓްބޯޅަ މުބާރާތުގައި ޕޮލިހުންނަށް ނުކުޅެވޭތީ ކްލަބްތަކަށް ގޮންޖެހުންތަކެއް

Nov 27, 2025, 6:11 AM
ކްލަބް މޯލްޑިވްސްގެ އެއިޓީން ތާޓީގައި ޕޮލިސް ކްލަބުން ކުޅުނު މެޗެއްގެ ތެރެއިން.--- ފޮޓޯ: އިމޭޖަސް.އެމްވީ

ކްލަބް މޯލްޑިވްސްގެ އެއިޓީން ތާޓީގައި ޕޮލިސް ކްލަބުން ކުޅުނު މެޗެއްގެ ތެރެއިން.--- ފޮޓޯ: އިމޭޖަސް.އެމްވީ

އެފްއޭއެމް އިން އަންނަ މަހު ބާއްވަން ނިންމާފައިވާ، ވިމެންސް ފުޓްބޯލް ލީގުގައި ޕޮލިހުގައި އުޅޭ ކުޅުންތެރިންނަށް ނުކުޅެވޭނެކަން އެ އިދާރާ އިން އެންގުމާ އެކު، ކްލަބްތަކަށް އޭގެ ގޮންޖެހުންތަކާ ކުރިމަތިލާން ޖެހިއްޖެ އެވެ.

އަންނަ މަހުގެ އެއް ވަނަ ދުވަހު، އެފްއޭއެމް އިން ބާއްވަން ނިންމާފައިވާ ވިމެންސް ފުޓްބޯލް ލީގުގައި ހަ ޓީމެއް ވާދަކުރެ އެވެ. އެއީ، އޮޑި ސްޕޯޓްސް ކްލަބް، މާޒިޔާ ސްޕޯޓްސް އެންޑް ރެކްރިއޭޝަން، ނިއު ރޭޑިއަންޓް ސްޕޯޓްސް ކްލަބް، ޓީސީ ސްޕޯޓްސް ކްލަބް، ވިކްޓަރީ ސްޕޯޓްސް ކްލަބް އަދި، ބިސް ބުރު ސްޕޯޓްސް ކްލަބް އެވެ.

އިއްޔެ އެ މުބާރާތުގެ ގުރުއަތުލުން، ކުރިއަށްދިޔައިރު، ކްލަބްތަކުން ވަނީ، އެ ޓީމުތަކުގައި ހިމަނާފައިވާ ޕޮލިހުގައި ވަޒީފާ އަދާކުރާ ކުޅުންތެރިންނަށް އެ މުބާރާތުގައި ނުކުޅެވޭނެކަން އަންގާފައިވާތީ ހުރި ގޮންޖެހުންތައް އެފްއޭއެމަށް ހިއްސާކޮށްފަ އެވެ. އަދި، އެހެންވެ، އެފްއޭއެމް އިން ވަނީ، ކުޅުންތެރިން ރަޖިސްޓްރީ ކުރުމަށް ދިން މުއްދަތު އިތުރުކޮށްދީފަ އެވެ.

އަންހެން ފުޓްބޯޅަ އަށް އެފްއޭއެމުން 2014 ވަނަ އަހަރުގެ ފަހުން ފުރަތަމަ ފަހަރަށް ބައިވެރިވާ މުބާރާތަށް ޓީމުތަކުން ވަރަށް ރަނގަޅަށް އަންނަނީ ތައްޔާރުވަމުންނެވެ. އެ ގޮތުން، ޕޮލިހުގައި ވަޒީފާ އަދާކުރާ ގައުމީ އަންހެން ފުޓްބޯޅަ ޓީމުގެ ވެސް ގިނަ އަދަދެއްގެ ކުޅުންތެރިން ހިމެނޭ ގޮތަށް އެކި ކްލަބްތަކަށް ވަނީ ބަދަލުވެފަ އެވެ. އެ ގޮތުން، ކުޅުންތެރިން ޓީމުތަކާ ގުޅި ޕްރެކްޓިސްތަކާ ބައިވެރިވެފައިވަނިކޮށް، ޕޮލިހުން އެ ކުޅުންތެރިންނަށް އަންގާފައިވަނީ، އަންހެން ފުޓްބޯޅަ މުބާރާތުގައި ނުކުޅެވޭނެ ކަމަށެވެ.

"އަދަދު ސްޕޯޓްސް" އަށް މައުލޫމާތު ލިބިފައިވާ ގޮތުގައި، އެ ކުޅުންތެރިންނަށް ފުލުހުން އަންގާފައިވާ ގޮތުގައި، ޗުއްޓީއެއް ނަގައިގެން ވެސް މި މުބާރާތުގައި ކުޅެވޭނެ ގޮތެއް ނެތެވެ. އަދި، މި ކަމުގެ މަގުބޫލު ސަބަބުތަކެއް ނެތި، މި ގޮތަށް ނިންމުމާ އެކު، ގައުމީ އަންހެން ފުޓްބޯޅަ ޓީމުގައި ޖާގަ ހޯދުމަށް އޮތް ފުރުސަތު ގެއްލުނީ އެވެ.

އެއީ، އަންހެން ފުޓްބޯޅަ ޓީމާއި ފުޓްސަލް ޓީމަށް ސްކޮޑު ނެގުން އޮތީ ކުރިއަށް އޮތް އެފްއޭއެމް ވިމެންސް ފުޓްބޯލް ލީގުން ކަމަށްވާތީ އެވެ.

ޕޮލިހުގައި އުޅޭ އަންހެން ފުޓްބޯޅަ ކުޅުންތެރިން ރަށްރަށުގައި ބާއްވާ ފުޓްސަލް މުބާރާތްތަކުގައި ވެސް ޓީމުތަކަށް ކުޅެ އެވެ. "އަދަދު ސްޕޯޓްސް" އަށް މައުލޫމާތު ލިބިފައިވާ ގޮތުގައި، ކުރިއަށް އޮތް އެފްއޭއެމްގެ ވިމެންސް ފުޓްބޯލް ލީގުގައި ޕޮލިހުގައި އުޅޭ ކުޅުންތެރިންނަށް އެ މުބާރާތުގައި ވާދަކުރާ ކްލަބްތަކަށް ކުޅުމުގައި ފުލުހުން ވެރިންގެ ކަންބޮޑުވުންތަކެއް އެބަހުއްޓެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox