ގަލުފަޅު އެޗްޑީސީން އަތުލައި، ކޮންވެންޝަން ސެންޓަރު ތަރައްގީކުރުމާ ސަރުކާރުން ހަވާލުވެއްޖެ

އެޗްޑީސީން ގަލުފަޅު ތަރައްގީކުރަން އުޅުނު ގޮތުގެ ކޮންސެޕްޓު: ސަރުކާރުން ވެސް މި ތަން ތަރައްގީކުރަނީ ހަމަ މި ކޮންސެޕްޓަށް -- ފޮޓޯ: އެޗްޑީސީ

އެޗްޑީސީން ގަލުފަޅު ތަރައްގީކުރަން އުޅުނު ގޮތުގެ ކޮންސެޕްޓު: ސަރުކާރުން ވެސް މި ތަން ތަރައްގީކުރަނީ ހަމަ މި ކޮންސެޕްޓަށް -- ފޮޓޯ: އެޗްޑީސީ

ބިންވެރިޔާ ސްކީމުން ހައުސިން ޑިވެލޮޕްމަންޓި ކޯޕަރޭޝަން (އެޗްޑީސީ) އަށް ލިބުނު ގެއްލުމުގެ ބަދަލުގައި އެ ކުންފުންޏަށް ދިން ދެ ފަޅުގެ ތެރެއިން މާލޭއާ އެންމެ ކައިރީގައި އޮންނަ ކ. ގަލުފަޅު އެ ކުންފުނީގެ އަތުން އަތުލައި އެ ފަޅު ހިއްކައިގެން އިވެންޓު ސެންޓަރެއްގެ ގޮތުގައި ތަރައްގީކުރުމުގެ ޕްރޮޖެކްޓެއް ހިންގަން އިކޮނޮމިކް ކައުންސިލުން ނިންމައިފި އެވެ.

އެ މަޝްރޫއުއާ ގުޅޭ މައުލޫމާތު ސަރުކާރުން ރަސްމީކޮށް ހާމަނުކުރާތީ، އެޗްޑީސީ އަތުން ފަޅު ނެގި އިރެއް އަދި އެއްބަސްވުމަށް އައި ބަދަލެއް ނޭނގެ އެވެ. ނަމަވެސް، އިކޮނޮމިކް ކައުންސިލުން ވަނީ މި ޕްރޮޖެކްޓު ކުރިއަށް ގެންދަން ނިންމާ، ފިނޭންސް މިނިސްޓްރީގެ ބެލުމުގެ ދަށުން އެ މަސައްކަތް ފަށާފައިވާކަން ވަނީ ކަށަވަރުވެފަ އެވެ.

ފިނޭންސް މިނިސްޓްރީން ވަނީ ގަލުފަޅު ހިއްކަން އީއައިއޭއަށް ވެސް ހަދާފަ އެވެ. އެންވަޔަރަމެންޓު މިނިސްޓަރު ތޯރިގު އިބްރާހިމްގެ ހާއްސަ އެންގެވުމެއްގެ ދަށުން މި މަޝްރޫއުގެ އީއައިއޭ މަރުހަލާ ކުރިއަށް ދަނީ އާންމުކޮށް އޮންނަ އުސޫލުތަކުގެ ބޭރުން، އެހެން ޕްރޮޖެކްޓުތަކަަށް ވުރެ އަވަސްކޮށެވެ.

މިއީ މި އަހަރުގެ ކުރީކޮޅު އީއައިއޭ ހެދުމުގެ ގަވާއިދަށް ސަރުކާރުން ގެނައި ބަދަލެއްގެ ދަށުން ސަރުކާރުން ކަނޑައަޅާ "ސްޕެޝަލް ޕްރަޔޯރިޓީ" ޕްރޮޖެކްޓުތަކުގައި މިނިސްޓްރަށް ލިބޭ ހާއްސަ ބާރެކެވެ. މައުލޫމާތު ލިބޭ ގޮތުގައި މިއީ މި ގޮތަށް މިނިސްޓަރު ހާއްސަ ހުއްދައެއް ދިން ފުރަތަމަ ޕްރޮޖެކްޓެކެވެ.

މެދަށް އަޑިކޮށް އޮންނަ 60 ހެކްޓަރުގެ ގަލުފަޅުގެ ވަށައިގެން އޮންނަ ތިލަ ސަރަހައްދުން ހިއްކަނީ 19.8 ހެކްޓަރެވެ. އީއައިއޭގައިވާ ގޮތުގައި ހިއްކައިގެން އުފައްދާ ރަށް އޮންނާނީ ވަށްކޮށް، މެދުގައި އޮންނަ ފުން ވިލުތެރެއަށް ވަދެވޭ ގޮތަށް ދެ ނެރު ކަނޑާފަ އެވެ.

ގަލުފަޅު ތަރައްގީކުރަން ސަރުކާރުން ބޭނުންވާ ސަބަބުތަކުގެ ތެރޭގައި ޒަމާނީ ކޮންވެންޝަން ސެންޓަރެއް މާލޭ ސަރަހައްދުގައި ނެތުމުން ދިމާވާ ދަތިތަކަށް ދާއިމީ ހައްލެއް ހޯދުން ހިމެނެ އެވެ.

މިހާރު މި ގޮތަށް ބޭނުންކުރަން މާލޭގައި އޮންނަނީ ބާ ކަމުން އަބަދު މަރާމާތުކުރަން ޖެހޭ ދަރުބާރުގެ އެވެ. ފިނޭންސުން ބުނީ ދަރުބާރުގެ ތަރައްގީނުކުރެވިގެން އުޅޭނީ ވެސް ބަދަލުގައި ބޭނުންކުރާނެ ތަނެއް ނެތުމުން ކަމަށެވެ.

ގަލުފަޅުގެ ޑިވެލޮޕްމަންޓު ޕްލޭންގައިވާ ގޮތުގައި އެ ތަނުގައި އިވެންޓު ހޯލަކާއި ކޮންވެންޝަން ސެންޓަރެއްގެ އިތުރުން ކޮމާޝަލް ޕްލާޒާއަކާއި ވޯޓާ ސްޕޯޓްސް ސެންޓަރަކާއި ރެސްޓޯރަންޓުތައް ވެސް ހުރެ އެވެ. އަދި އެ ތަނަށް ދާ މީހުން ތިބޭނެ ވިލާތަކާއި އެ ތަނުގައި މަސައްކަތް ކުރާ މުވައްޒަފުން ތިބޭނެ ތަންތަން ވެސް ހިމެނެ އެވެ.

ޕްރޮޖެކްޓުގެ އީއައިއޭ ފާސްކުރިޔަސް، ޕްރޮޖެކްޓަށް ފަންޑު ކުރާ ގޮތެއް، ކޮންޓްރެކްޓަރެއް ވެސް އަދި ނެތެވެ. އީއައިއޭގައި އޮތީ ބިން ހިއްކަން ބޭނުންކުރާ ޑްރެޖަރުގެ މައުލޫމާތު ވެސް ފަހުން ހިއްސާކުރާނެ ކަމަށެވެ. މިހެން ނަމަވެސް، އީއައިއޭގެ ރިޕޯޓުގެ އެނެކްސްގައި ހިމަނާފައި ހުރި ލިޔެކިޔުންތަކުގައި ޕެނިންސޫލާ އިންފްރާސްޓްރަކްޗާގެ ތަތްގަނޑު ޖަހާފައި އޮތުމުން، ބެލެވޭ ގޮތުގައި ބިން ހިއްކަނީ މި ކުންފުނިންނެވެ.

ޕެނިންސޫލާ އިންފްރާސްޓްރަކްޗާއަކީ ބިން ހިއްކުމުގެ މަސައްކަތަށް ހާއްސަވެގެން، އެމްއޭސީއެލްއިން އުފައްދާފައިވާ ދެ ކުންފުނީގެ ތެރެއިން ކުންފުންޏެކެވެ. މާލޭ ސަރަހައްދުގެ ބިން ހިއްކުގެ ޕްރޮޖެކްޓުތައް ހިންގަނީ އެމްއޭސީއެލްއިން އުފައްދާފައިވާ ކުންފުނިތަކުގެ ބެލުމުގެ ދަށުންނެވެ.

ގަލުފަޅުގައި ސަރުކާރުން ޕްރޮޖެކްޓެއް ހިންގަން އުޅޭއިރު، އެޗްޑީސީން މިދިޔަ އަހަރު ދައްކާލި ޓްރާންސްފޯމިން ޓުމޯރޯ ޕްލޭންގެ ދަށުން މި ފަޅުގައި ތަރައްގީކުރަން އުޅުނީ އައިލެންޑް ރިޓްރީޓެކެވެ. ސަރުކާރުން މިހާރު ކުރިއަށް ގެންދާ ޕްލޭނަކީ، އެޗްޑީސީން އޭރު "ނޫވިލު" ގެ ނަމުގައި ހިންގަން އުޅުނު ޕްރޮޖެކްޓާ ހަމަ އެއްގޮތް ޕްރޮޖެކްޓެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox