އދ. ގެ އަހަރީ ޖަލްސާގައި ބައިވެރިވާން ކުރި ރަސްމީ ދަތުރުގެ ތެރެއިން ވެސް ވަހީދު އެޕްސްޓީންއާ ބައްދަލުކުރި

އދ. ގެ އަހަރީ އާންމު ޖަލްސާގައި ވަހީދު ވާހަކަދައްކަވަނީ: ވަހީދު އެޕްސްޓީން އާ ބައްދަލުކުރެއްވީ މި ދަތުރުގެ ތެރެއިން --- ފޮޓޯ: ރައީސް އޮފީސް

އދ. ގެ އަހަރީ އާންމު ޖަލްސާގައި ވަހީދު ވާހަކަދައްކަވަނީ: ވަހީދު އެޕްސްޓީން އާ ބައްދަލުކުރެއްވީ މި ދަތުރުގެ ތެރެއިން --- ފޮޓޯ: ރައީސް އޮފީސް

ކުޑަކުދިންނަށް ޖިންސީ ގޯނާ ކުރުމުގެ ބޮޑު ރިންގެއް ހިންގަމުންދިޔަ ޖެފްރީ އެޕްސްޓީން އާއެކު ގާތް ގުޅުމެއް ބޭއްވިކަން ފަޅާއަރާފައިވާ ކުރީގެ ރައީސް މުހައްމަދު ވަހީދު، އދ. ގެ އަހަރީ އާންމު ޖަލްސާގައި ބައިވެރިވުމަށް އެމެރިކާއަށް ކުރެއްވި ރަސްމީ ދަތުރެއްގެ ތެރެއިން ވެސް އެޕްސްޓީންއާ ބައްދަލުކުރިކަން އެނގިއްޖެ އެވެ.

ވަހީދާއި އެޕްސްޓީން އީމެއިލް މެދުވެރިކޮށް ކޮށްފައިވާ މުއާމަލާތްތައް ހާމަވީ، އެމެރިކާ ކޮންގްރެސްގެ ހައުސް އިންސައިޓް ކޮމިޓީން އަލަށް އާންމުކުރި 20،000 ފައިލްގެ ތެރޭގައި އެ މުއާމަލާތްތައް ހިމެނިފައިވާތީ އެވެ.

އެޕްސްޓީން އަށް ފޮނުވި އެއް މެއިލްގައި ވަހީދު ވަނީ އދ. ގެ 67 ވަނަ އަހަރީ އާންމު ޖަލްސާގައި ބައިވެރިވުމަށް އެމަނިކުފާނުގެ ދެ ކަނބަލުން އެމެރިކާއަށް ކުރެއްވި ދަތުރުގެ ޝެޑިއުލް ހިއްސާކުރައްވާފަ އެވެ. މުޅި ދަތުރުގައި ރާވާފައި ހުރި ހުރިހާ ކަމެއް ހަ ސަފުހާގެ އެ ޝެޑިއުލްގައި ހިމަނާފައިވެ އެވެ.

ވަހީދު އާއި އަނބިކަނބަލުން އިލްހާމް ހުސެއިން އެމެރިކާއަށް ދަތުރުކުރެއްވީ 2012 ވަނަ އަހަރުގެ ސެޕްޓެމްބަރު 22، އިން 29، އަށެވެ. މި ދަތުރުގެ ޝެޑިއުލް އިން އެންމެ ފާހަގަވާ ކަމަކީ އެޕްސްޓީންއާއެކު ރާވާފައި އޮތް ކެއުމެވެ. ވަހީދު އެޕްސްޓީން އަށް ދަތުރުގެ ޝެޑިއުލް ހިއްސާކުރެއްވީ މިހެންވެ ކަމަށް ގަބޫލުކުރެވެ އެވެ.

ޝެޑިއުލްގައިވާ ގޮތުން އެޕްސްޓީން އާއެކު ވަހީދު ރޭގަނޑުގެ ކެއުން ނުވަތަ ޕްރައިވެޓް ޑިނާއެއް ޝެޑިއުލް ކުރެއްވި އެވެ. އެ އިވެންޓު އޮތީ ސެޕްޓެމްބަރު 22، ގެ ރޭ އެމެރިކާ ގަޑިން 8:00 އިން 10:30 އާއި ހަމައަށެވެ. ދެ ގަޑިއިރާއި ބައިގެ މި އިވެންޓު އޮތީ ކޮން ތަނެއްގައި ކަމެއް ޝެޑިއުލް އިން ސާފެއް ނުވެ އެވެ.

ވަހީދު 2012 ގައި އެމެރިކާއަށް ކުރެއްވި ދަތުރުގެ ޝެޑިއުލް އިން ބައެއް --
ވަހީދު 2012 ގައި އެމެރިކާއަށް ކުރެއްވި ދަތުރުގެ ޝެޑިއުލް އިން ބައެއް --

ވަހީދު 2012 ގައި އެމެރިކާއަށް ކުރެއްވި ދަތުރުގެ ޝެޑިއުލް އިން ބައެއް --

މީގެ އިތުރުން، ވަހީދު، އެޕްސްޓީންއާ ބައްދަލުކުރިކަން ކަށަވަރު ވަނީ ޖެނުއަރީ 18، 2013، ގައި ފޮނުވާފައިވާ އީމެއިލް އަކުންނެވެ. އެޕްސްޓީންގެ ގެއަށް ވަހީދު ވަޑައިގެންނެވި ކަމަށް އެ އީމެއިލްގައި ބުނެފައިވެ އެވެ.

އެޕްސްޓީންއާ ބައްދަލުކުރުމަށް އޭނާގެ ގެއަށް ވަހީދު ވަޑައިގެންނެވީ ޔޫއޭއީގެ ވިޔަފާރިވެރިއެއް ކަމަށްވާ ޑީޕީ ވޯލްޑް ކުންފުނީގެ ސީއީއޯ ސުލްތާން އަހުމަދު ބިން ސުލޭޔަމް އާއެކު ކަމަށް ވެސް އީމެއިލް ގައި ލިޔުއްވާފައިވެ އެވެ.

ރަސްމީ ދަތުރުގެ ތެރެއިން ވަހީދު އެޕްސްޓީންއާއެކު ރޭގަނޑު ކެއުން ބެއްލެވީ އަދި އޭނާގެ ގެއަށް ވަޑައިގެންނެވީ ކުޑަކުދިންނަށް ޖިންސީ ގޯނާކުރި ކަމުގެ ކުށް އެޕްސްޓީންގެ މައްޗަށް ސާބިތުވެފައިވަނިކޮށެވެ.

ކުޑަކުދިންނަށް ޖިންސީ ގޯނާކުރާ ކަމުގެ ތުހުމަތުގައި އެޕްސްޓީންއާ ދެކޮޅަށް ތަހުގީގު ފެށީ 2005 ވަނަ އަހަރު އެވެ. ޖޫން، 2008، ގައި އޭނާގެ މައްޗަށް 18 މަސްދުވަހު ޖަލު ހުކުމެއް އިއްވިއިރު 13 މަސްދުވަހަށް ފަހު އޭނާ މިނިވަންވި އެވެ. އެހެންކަމުން ވަހީދު އެޕްސްޓީން އާއެކު ބައްދަލުވުމެއް ބޭއްވިނަމަ އެ ބައްދަލުވުމެއް ބާއްވާފައިވަނީ އޭނާގެ މައްޗަށް ކުޑަކުއްޖަކަށް ހަށި ވިއްކުމަށް މަޖުބޫރު ކުރުވުމުގެ ކުށް ސާބިތުވެފައި ވަނިކޮށެވެ.

ޖުލައި، 2019، ގައި ސެކްސް ޓްރެފިކިން ތުހުމަތުގައި އޭނާ އަލުން ހައްޔަރުކުރި އެވެ. އަދި، ޖެހިގެން އައި އޮގަސްޓު މަހުގެ 10 ވަނަ ދުވަހު ޖަލު ގޮޅީގައި ހުއްޓައި އޭނާ ކުއްލި ގޮތަކަށް މަރުވި އެވެ. އެއަށް ފަހު އޭނާގެ މައްޗަށް ކުރި ދައުވާތައް އަނބުރާ ގެންދިޔައީ އެވެ.

ވަހީދު މިހާރު ހުންނެވީ ރައީސް މުހައްމަދު މުއިއްޒުގެ ސްޕެޝަލް އެންވޯއީގެ މަގާމުގަ އެވެ. އެމަނިކުފާނު އެ މަގާމަށް އައްޔަން ކުރެއްވީ މެއި 26، ގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox