މާލޭގައި އަޅަން މުއިއްޒު ވައުދުވި ޕާކިން އިމާރާތުގެ މަސައްކަތް 30 ދުވަހުގެ ހަވާލުކުރާނަން: އަމީން

މާލޭގެ މަގެއް މަތީ ގިނަ އަދަދެއްގެ ސައިކަލުތަކެއް ޕާކުކޮށްފައި: ޕާކް ކުރާނެ އިމާރާތްތައް އަޅަން 30 ދުވަހުގެ ތެރޭ ހަވާލުކުރަނީ ---- ފޮޓޯ: އަދަދު

މާލޭގެ މަގެއް މަތީ ގިނަ އަދަދެއްގެ ސައިކަލުތަކެއް ޕާކުކޮށްފައި: ޕާކް ކުރާނެ އިމާރާތްތައް އަޅަން 30 ދުވަހުގެ ތެރޭ ހަވާލުކުރަނީ ---- ފޮޓޯ: އަދަދު

މާލޭ ސަރަހައްދުގެ މަގުމަތީގައި ހުރި އުޅަނދުތަކުގެ ސަބަބުން ދިމާވެފައިވާ ތޮއްޖެހުމުގެ މައްސަލަ ހައްލުކުރަން ރައީސް މުހައްމަދު މުއިއްޒު ވައުދުވި މަލްޓިސްޓޯރީ ޕާކިން އިމާރާތުގެ މަސައްކަތް ކުރިއަށް އޮތް 30 ދުވަހުގެ ތެރޭގައި ބަޔަކާ ހަވާލުކުރާނެ ކަމަށް ޓްރާންސްޕޯޓު މިނިސްޓަރު، މުހައްމަދު އަމީން ވިދާޅުވެއްޖެ އެވެ.

އިއްޔެ ބޭއްވި ރައްޔިތުންގެ މަޖިލީހުގެ ޖަލްސާގައި މި ސަރުކާރުން އަޅަން ބުނި ޕާކިން އިމާރާތުގެ އަދާހަމަ ހޯދުމަށް ސުވާލު ކުރެއްވީ އިދިކޮޅު އެމްޑީޕީގެ ޕީޖީ ލީޑަރު އިބްރާހިމް ނާޒިލް އެވެ. ޖަވާބުގައި ވަޒީރު ވިދާޅުވީ އެ މަސައްކަތް ކުރަން ނިންމާފައިވަނީ ޑިޒައިން އެންޑް ބިލްޑު އުސޫލުން ކަމަށާއި މަހެއް ތެރޭ މަޝްރޫއު ހަވާލުކުރެވޭނެ ކަމަށެވެ.

"ރައީސްގެ ރިޔާސީ ބަޔާނުގައި ވިދާޅުވެފައިވާ ފަދައިން ހަމަ ޕާކިން ބިލްޑިން އެޅުމުގެ ކަންކަން އަޅުގަނޑު މި ދެންނެވީ ޑިޒައިން އެންޑް ބިލްޑިން ކޮންސެޕްޓުގެ ދަށުން އަޅުގަނޑުމެން މި މަރުހަލާތައް ކުރިއަށް ގެންދަނީ، އިރާދަކުރެއްވިއްޔާމުން ހަމަ ކުރިއަށް އޮތް 30 އަކަށް ދުވަހުގެ ތެރޭގައި މި ބިލްޑިން އަޅާނެ ފަރާތްތަކާ ހަވާލު ކުރެވި މި ބިލްޑިން އެޅުމުގައި ވެސް ވަކި މުއްދަތެއް ދީގެން ޕާކިން ބިލްޑިންގެ މަސައްކަތް ކުރިއަށް ގެންދެވޭނެ،" އަމީން ވިދާޅުވި އެވެ.

Advertisement

މުއިއްޒުގެ ވެރިކަމުގައި އެމަނިކުފާނު ދެއްވި ދެ ރިޔާސީ ބަޔާނުގައި ވެސް ޕާކިން ބިލްޑިންތަކުގެ ވާހަކަ ހިމެނުއްވި އެވެ. މިދިޔަ އަހަރުގެ ރިޔާސީ ބަޔާނުގައި މުއިއްޒު ވިދާޅުވީ މެއި، 2024، ގައި އެ މަސައްކަތް ފެށިގެންދާނެ ކަމަށެވެ. ނަމަވެސް އަހަރު ނިމުނީ އެކަން ނުކުރެވި އެވެ. މި އަހަރުގެ ރިޔާސީ ބަޔާނުގައި މުއިއްޒު ވިދާޅުވީ މި އަހަރު މަސައްކަތް ފެށޭނެ ކަމަށެވެ.

"އިންޑިއާގެ ކޮންސެޝަނަލް ފައިނޭންސިންގެ އެހީގައި، މާލޭގެ ހަތަރު ސަރަހައްދެއްގައި ތިމާވެށްޓާ ރައްޓެހި، އިއާދަކުރަނިވި ހަކަތައިން ޕަވާ ޖެނެރޭޓް ކުރާ ޕާކިން ބިލްޑިންތަކެއް އެޅުމަށްވަނީ ހަމަޖެހިފައި. މި ޕްރޮޖެކްޓްގެ އަމަލީ މަސައްކަތް، މި އަހަރު ފެށުމަށް މަސައްކަތް ކުރަމުންދާކަންވެސް އުފަލާއެކު އަޅުގަނޑު ފާހަގަކޮށްލަން،" ފެބްރުއަރީ 6، ގައި ދެއްވި މި އަހަރުގެ ރިޔާސީ ބަޔާނުގައި އެމަނިކުފާނު ވިދާޅުވި އެވެ.

މާލޭގެ މަގުތައް އަމާންތަނަކަށް ހެދުމުގެ މަގުސަދުގައި ސަރުކާރުން ފަށައިގެން އުޅޭ "މާލެ ފަހި" ޕްރޮގްރާމުގެ ދަށުން މާލެ އާއި ހުޅުމާލޭގައި ޕާކިން ބިލްޑިންތަކެއް އަޅަން ނިންމާ އެކަން ޓްރާންސްޕޯޓު މިނިސްޓްރީން އިއުލާނުކުރީ ޖުލައި، 2024، ގަ އެވެ.

މުއިއްޒު ހައުސިން މިނިސްޓަރު ކަމާއި މާލޭގެ މޭޔަރު ކަމުގައި ހުންނެވިއިރު ޕާކިން މައްސަލަ ހައްލުކުރަން ކަމަށް ބުނެ އެކި މަސައްކަތް ކުރެއްވި އެވެ.

އެގޮތުން ހައުސިން މިނިސްޓަރު ކަމުގައި ހުންނަވާ ހުޅުމާލޭގައި އެޅި މެކޭނިކަލް ޕާކިން އިމާރާތްތަކަށް ބޭނުމެއް ނުކުރެވެ އެވެ. މޭޔަރުކަމުގައި މާލޭގެ މަގުތަކުން ޕާކިން ސްލޮޓު ވިއްކި ނަމަވެސް އެކަން ވެފައިވަނީ އާންމުންނަށް ތަކުލީފަކަށެވެ. ސިޓީ ކައުންސިލުން އެ ސްލޮޓުތައް މިހާރު ވަނީ އުވާލައިފަ އެވެ.

ޕާކް ކުރާނެ އިމާރާތްތަކެއް ނާޅައި، ގަވާއިދާ ހިލާފަށް ޕާކް ކުރާ އުޅަނދުތަކުގެ ވެރިން ޖޫރިމަނާ ނުކުރާނެ ކަމަށް ވެސް މުއިއްޒު ވައުދުވި އެވެ. ނަމަވެސް، މި ސަރުކާރުން އެގޮތަށް ޕާކް ކުރާ އުޅަނދުތައް ޓޯކޮށް، ޖޫރިމަނާ ކުރަމުންދާތާ މިހާރު ދެ އަހަރު ވަނީ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox