އައްޑޫ ކަރަންޓުގެ މައްސަލައަށް ދާއިމީ ހައްލެއް ހޯދުމުގެ މަސައްކަތް މި އަހަރު ތެރޭ ފަށާނަން: ފެނަކަ

މިއަދުގެ މާލިއްޔަތު ކޮމިޓީގައި ފެނަކައިގެ އެމްޑީ ނަޖާހު (މ)، އަދި އެ ކުންފުނީގެ އިސްވެރިން ----- ފޮޓޯ: ރައްޔިތުންގެ މަޖިލިސް

މިއަދުގެ މާލިއްޔަތު ކޮމިޓީގައި ފެނަކައިގެ އެމްޑީ ނަޖާހު (މ)، އަދި އެ ކުންފުނީގެ އިސްވެރިން ----- ފޮޓޯ: ރައްޔިތުންގެ މަޖިލިސް

އައްޑޫ ސިޓީއަށް ދިމާވެފައިވާ ކަރަންޓު މައްސަލައަށް ދާއިމީ ހައްލެއް ހޯދުމުގެ މަސައްކަތް މި އަހަރު ތެރޭ ފަށާނެ ކަމަށް ފެނަކަ ކޯޕަރޭޝާނުން ބުނެފި އެވެ.

މިދިޔަ މަހު އާންމުކުރި އެ ކުންފުނީގެ ހާއްސަ ރިޕޯޓާއި ގުޅިގެން ރައްޔިތުންގެ މަޖިލީހުގެ މާލިއްޔަތު ކޮމިޓީއަށް އެ ކުންފުނީގެ މެނޭޖިން ޑިރެކްޓަރު މުހައްމަދު ނަޖާހު އަދި އެ ކުންފުނީގެ އިސްވެރިން ހާޒިރުކުރި އެވެ. އައްޑޫ ކަރަންޓުގެ މައްސަލައަށް ހައްލެއް ލިބޭނެ ދުވަހަކާ ގުޅޭގޮތުން އެ ބޭފުޅުންނާއި ސުވާލު ކުރެއްވީ ހިތަދޫ މެދު ދާއިރާގެ މެންބަރު އަހްމަދު އަޒާން އެވެ.

ޖަވާބުގައި ވާހަކަދައްކަވަމުން ނަޖާހު ވިދާޅުވީ އައްޑޫއަށް ދިމާވެފައިވާ ކަރަންޓުގެ މައްސަލަތަކަށް ދާއިމީ ހައްލެއް ހޯދައިދޭން މި އަހަރު ތެރޭ ބަޔަކާ ހަވާލުކުރެވިގެންދާނެ ކަމަށެވެ.

"އެކަން އަޅުގަނޑުމެން މި ދަނީ ރައީސް އޮފީހާއި ގުޅިގެން. ފިނޭންސް މިނިސްޓްރީ އާއި ގުޅިގެން ބަލަމުން. ދެން އަޅުގަނޑުމެންގެ ބަލަދުވެރި ދެ މިނިސްޓްރީއެއް މި އިންނަނީ. އެންވަރަމަންޓު މިނިސްޓްރީ އާއި ފިނޭންސް މިނިސްޓްރީ. އެ ދެ މިނިސްޓްރީ އާ ގުޅިގެން އަޅުގަނޑުމެން މި ދަނީ އެކަންކަން ކުރަމުން. އިރާދަކުރެއްވިއްޔާ މި އަހަރުގެ ތެރޭގަ އަޅުގަނޑުމެން ކޮންމެވެސް އެއް ބަޔަކަށް. ކޮންމެވެސް އެއް ގޮތަކަށް ހަވާލުކުރެވި މަސައްކަތް ފެށިގެންދާނެ،" ނަޖާހު ވިދާޅުވި އެވެ.

މިއާއެކު އަޒާން ވަނީ މި އަހަރު ބާކީ އޮތީ ދެ މަސްކަމުން، އެ ދެ މަސްދުވަހުގެ ތެރޭ އައު އިންޖީނުތަކެއް ގަންނަން ބަޔަކާ ހަވާލުކުރަނީތޯ ނުވަތަ ދިރާސާއެއް ކުރަން ހަވާލުކުރަނީތޯ ސުވާލުކުރައްވާފަ އެވެ.

ޖަވާބުގައި ނަޖާހު ވިދާޅުވީ ދިރާސާތައް މިހާރު ވެސް ހެދިފައިވާ ކަމަށާއި މި އަހަރު ފެށިގެންދާނީ ކަރަންޓު މައްސަލަ ހައްލު ކުރުމުގެ އަމަލީ މަސައްކަތް ކަމަށެވެ.

"ކޮންމެ ބަޔަކު ހަވާލުވިޔަސް އަޅުގަނޑުމެންނަށް އެ ބޭފުޅުންނަށް ދިރާސާތައް ހިއްސާކުރެވިގެން، ލަސްތަކެއް ނުވެ އަމަލީ މަސައްކަތް ފެށިގެންދާނެ. އެހެންވީމަ، އަޅުގަނޑުމެންގެ ޓާގެޓަކީ މި އަހަރު ނިމުމުގެ ކުރިން އަމަލީ މަސައްކަތް ފެށުން،" ނަޖާހު ވިދާޅުވި އެވެ.

އައްޑޫ ކަރަންޓު މައްސަލައަށް ދާއިމީ ހައްލެއް ހޯދައިދިނުމަށް ހުއްޓާނުލައި މަސައްކަތް ކުރަމުންދާ ކަމަށް ސެޕްޓެމްބަރު މަހު ކުރީކޮޅު ވެސް ފެނަކައިން ބުންޏެވެ.

ސެޕްޓެމްބަރު 6، ގައި ނެރުނު ބަޔާނެއްގައި ފެނަކައިން ބުނީ އެ ކުންފުނިން އައްޑޫގައި ދޭ ކަރަންޓުގެ ހިދުމަތަށް ދާއިމީ ހައްލެއް ހޯދައިދިނުމަށް ހުއްޓާނުލައި މަސައްކަތް ކުރަމުންދާ ކަމުގެ ޔަގީންކަން ހުރިހާ ރައްޔިތުންނަށް އަރުވާ ކަމަށެވެ.

"އައްޑޫ ސިޓީގައި މި ދެމުންދާ ކަރަންޓުގެ ހިދުމަތަށް ދާއިމީ ހައްލެއް ހޯދުމުގެ މަސައްކަތް މި ކުންފުނިން ހުއްޓާނުލައި ކުރިއަށް ދެމުންދާކަމުގެ ޔަގީންކަން ވެސް މި ފުރުސަތުގައި އަރުވަން. ކަރަންޓު ކެނޑުމުގެ ސަބަބުން ދިމާވި ދަތިތަކަށްޓަކައި މި ކުންފުނީގެ ފަރާތުން މައާފަށް އެދެން،" އެ ކުންފުނިން އޭރު ބުންޏެވެ.

އޭގެ ފަހުން ވެސް އެކި ދުވަހު އެކި ފަހަރުމަތިން އައްޑޫގެ ރަށްރަށުން ދަނީ ކަރަންޓު ކެނޑެމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox