ދަރަނި ހަމަޖެއްސުމަށްޓަކައި އަހަރުތަކަކަށް އުމްރާނީ ތަރައްގީގެ މަޝްރޫއުތައް ހުއްޓާލަން ޖެހޭ: ނަޝީދު

ކުރީގެ ރައީސް މުހައްމަދު ނަޝީދު: އެމަނިކުފާނު މިރޭ ވިދާޅުވީ ހަތަރު، ފަސް އަހަރަށް އުމްރާނީ ތަރައްގީގެ މަޝްރޫއުތައް ހުއްޓާލަން ޖެހޭ ކަމަށް ---- ފޮޓޯ: ރައީސް އޮފީސް

ކުރީގެ ރައީސް މުހައްމަދު ނަޝީދު: އެމަނިކުފާނު މިރޭ ވިދާޅުވީ ހަތަރު، ފަސް އަހަރަށް އުމްރާނީ ތަރައްގީގެ މަޝްރޫއުތައް ހުއްޓާލަން ޖެހޭ ކަމަށް ---- ފޮޓޯ: ރައީސް އޮފީސް

ދައުލަތުގެ ދަރަނި ހަމަޖައްސައި، ރައްޔިތުންގެ ތަނަވަސްކަން އިތުރުކުރުމަށްޓަކައި ކުރިއަށް އޮތް ހަތަރު، ފަސް އަހަރަށް އުމްރާނީ ތަރައްގީގެ މަޝްރޫއުތައް ހުއްޓާލަން ޖެހޭ ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

ރަސްމީ އެކްސް އެކައުންޓުން ކުރެއްވި ޕޯސްޓެއްގައި ނަޝީދު ވިދާޅުވީ، ކުރިއަށް އޮތް އިންތިހާބުތަކުގެ ޝިއާރަކަށް ވާންވީ 'އެހަށް މަޑުކޮށްލާ' ކަމަށެވެ. އަދި ވިދާޅުވީ، ކޮންކްރީޓަކީ ތަރައްގީ ނޫން ކަމަށާއި ގިނަ ފަހަރު އެއީ ދައުލަތަށް އިތުރުވާ ދަރަނި ކަމަށެވެ.

"ތަރައްގީގެ ނަމުގައި ހިންގާ އުމްރާނީ ތަރައްގީގެ މަސައްކަތް ހަތަރު، ފަސް އަހަރަށް ހުއްޓާލުން މުހިންމު،" ނަޝީދު އެކްސްގައި ލިޔުއްވާފައިވެ އެވެ.

މީގެ އިތުރުން، ރައްޔިތުންގެ ތަނަވަސްކަން އިތުރުވަނީ ބަޖެޓު ސާޕްލަސް އިތުރު ކުރެވި ދަރަނި ކުޑަކުރެވިގެން ކަމަށާއި ދިވެހިންނަކީ ތަންދޮރު ދަންނަ، ހޭލުންތެރި ބައެއް ކަމަށް ވެސް ރާއްޖޭގައި ގިނަ ޕާޓީ ބައިވެރިވެގެން ބޭއްވި ފުރަތަމަ ރިޔާސީ އިންތިހާބު ކާމިޔާބު ކުރެއްވި ނަޝީދު ވިދާޅުވެފައިވެ އެވެ.

އެހެންކަމުން، ދައުލަތުގެ ދަރަންޏާއި ރާއްޖޭގެ އިގުތިސާދާއި ގުޅޭ ގޮތުން އެމަނިކުފާނު ދައްކަވަމުންދާ ވާހަތަކާއި، ރާއްޖެއަށް ވާން އުޅޭ ގޮތް ދިވެހިންނަށް ސާފުވާނެ ކަމަށް ވެސް ނަޝީދު ވިދާޅުވެފައިވެ އެވެ.

މިއީ ތަރައްގީގެ މަޝްރޫއުތަކާއި ދައުލަތުގެ ހަރަދާ ގުޅޭ ގޮތުން ވެއެތުވެދިޔަ 24 ގަޑިއިރު ތެރޭ ކުރެއްވި ދެވަނަ ޕޯސްޓެެވެ. އެގޮތުން، ރޭ އިރާކޮޅު ކުރެއްވި އިތުރު ޕޯސްޓެއްގައި އެމަނިކުފާނު ވަނީ ލޯންޗުގައި 30 މިނެޓުން ދަތުރުކޮށްފައި ދެވޭހާ ކައިރިކައިރީގައި އެއާޕޯޓު އަޅަމުންދާތީ ސަރުކާރަށް ފާޑުވިދާޅުވެފަ އެވެ.

ރައީސް މުހައްމަދު މުއިއްޒު ށ. އަތޮޅަށް ކުރައްވަމުން ގެންދަވާ ދަތުރުގެ ތެރެއިން އެ އަތޮޅުގައި ދެ އެއާޕޯޓެއްގެ މަޝްރޫއު ވަނީ ފަށައިފަ އެވެ. ރާއްޖޭގައި މިވަގުތު ވެސް އޮޕަރޭޝަނަލް ހާލަތުގައި 20 އެއާޕޯޓު އޮތްއިރު އޭގެތެރެއިން ހަތަރު އެއާޕޯޓު އޮންނަނީ ބޮޑުތިލަދުންމަތީގަ އެވެ.

އެ އެއާޕޯޓުތައް އޮއްވައި އިތުރު އެއާޕޯޓު އަޅަން ނިންމީ 19 މިނެޓާއި 36 މިނެޓާ ދެމެދުގެ ދަތުރަކުން ލޯންޗުގައި ދެވޭނެހާ ކައިރީގައި އޮތް ރަށްރަށުގައި ކަމަށް ނަޝީދު ވަނީ ވިދާޅުވެފަ އެވެ. އޭގެ ސަބަބުން ގައުމަށް އެތަކެއް ގެއްލުމެއް ލިބޭނެކަން ނަޝީދު ފާހަގަކުރެއްވި އެވެ.

"ހުރިހާ އެއާޕޯޓެއްގައި ވެސް މާލީ/އިގުތިސޯދީ ދެކޮޅު ޖެހުމެއް ނެތުން، ގައުމީ އެއާލައިނަށް ދެއުޅިއެއްނުވާ ހަރަދުތަކެއް ހިންގާން ޖެހުން، އަދި ލޯކަލް ޓޫރިޒަމުން ވެސް ކުރާންވީ މަންފާ ނުކުރުން،" ނަޝީދު އެކްސްގައި ލިޔުއްވި އެވެ.

މި މަޝްރޫއުތައް ކުރިއަށްގެންދިޔުމުން ހާމަވަނީ ދަތުރުފަތުރުގެ ގުޅިފައިވާ ނިޒާމެއްގެ ޕްލޭނެއް އަދި އަމާޒެއް ވެސް ނެތުން ކަމަށް ނަޝީދު ވިދާޅުވި އެވެ. އެމަނިކުފާނު މިކަން ސިފަކުރެއްވީ ޒިންމާދާރުކަން ކުޑަ ކަމެއްގެ ގޮތުގަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox