ވަކިވެގަތުމާ ދެކޮޅުކަން ހުޅުދޫ ކައުންސިލަރު ހާމަކޮށްފި

ހުޅުދޫ ކައުންސިލަރު ހުސެން ފައިޒުއްރަހްމާން

ހުޅުދޫ ކައުންސިލަރު ހުސެން ފައިޒުއްރަހްމާން

އައްޑޫ ސިޓީ ކައުންސިލް އެއް ކައުންސިލެއްގެ ގޮތުގައި ބޭއްވުމުގެ ބަދަލުގައި ވަކިވަކި ރަށްރަށުގައި ކައުންސިލްތައް ގާއިމު ކުރުމާ ދެކޮޅުކަން އައްޑޫ ސިޓީ ހުޅުދޫގެ ކައުންސިލަރު، ހުސެން ފައިޒުއްރަހްމާން އިއްޔެ ހާމަކުރައްވައިފި އެވެ.

މި މަހު 25 ގައި އާންމުންގެ ހިޔާލު ހޯދުމަށް ވޯޓަށް އަހަނީ ހުޅުދޫ އަދި މީދޫގައި ވަކި ކައުންސިލްތަކެއް ގާއިމު ކުރުމަށް ފެނޭތޯ އާއި އައްޑޫ ފޭދޫގައި ވަކި ކައުންސިލެއް ގާއިމު ކުރުމާ ގުޅޭގޮތުންނެވެ.

އައްޑޫ ސިޓީ ކައުންސިލުގެ ރަސްމީ ޖަލްސާގައި ފައިޒުއްރަހްމާން ވިދާޅުވީ އަޅުގަނޑުމެންގެ ކައުންސިލް އަޅުގަނޑުމެންނަށޭ ކިޔާފައި ދައްކާ ވާހަކަތަކަކީ ރައްޔިތުންނަށް އޮޅުވާލަން ދައްކާ ވާހަކަތަކެއް ކަމަށެވެ.

"ގާނޫނީ ގޮތުން އަޅުގަނޑުމެން އަދާކުރަންޖެހޭ ޒިންމާ އަދާނުކޮށް ތިބެ، އެހެން ބައެއްގެ ބޮލަށް ބޭނުންހާ ކަމެއް ބޭނުންހާ ގޮތަށް ނުވީމަ އެ ވާހަކަ ދައްކައިގެން އަޅުގަނޑުމެންގެ ކައުންސިލް އަޅުގަނޑުމެންނަށޭ ކިޔައިގެން ދައްކަ ވާހަކައަކީ ރައްޔިތުންނަށް އޮޅުވާލަން ދައްކާ ވާހަކަ،" އޭނާ ވިދާޅުވި އެވެ.

ފައިޒުއްރަހްމާން ވިދާޅުވީ ހުޅުދޫ ރައްޔިތުންގެ ކަމެއްގައި މިހާތަނަށް އައްޑޫ ސިޓީ ކައުންސިލަށް ކަމެއް ހިފައިގެން ދިޔުމުން އެ ކަމެއް ހިތަދޫ ކައުންސިލަރުން ދެކޮޅު ހަދާފައި ނެތް ކަމަށާއި ނިޒާމުގެ ތެރެގައި ހުރި މައްސަލަތަކަކީ ހައްލު ކުރެވޭނެ ކަންކަން ކަމަށެވެ.

އޭނާ ވިދާޅުވީ މައްސަލައެއް އުޅޭނަމަ އެކަމެއް ހައްލުކުރަން ރައީސުލްޖުމްހޫރިއްޔާގެ މަގުސަދަކަށްވާނަމަ އެންމެ ފުރަތަމަ ވެސް ވާހަކަދައްކަން ޖެހޭނީ އައްޑޫ ސިޓީ ކައުންސިލާ ކަމަށެވެ.

އައްޑޫ ރައްޔިތުންނަށް ވާން އުޅޭ ގޮތާމެދު ވިސްނަން ވެސް ވަގުތު ނުދީ، އަވަސް އަރުވާލައިގެން ކުއްލިއަކަށް ވޯޓު ބާއްވަން އުޅޭ އުޅުމަކީ އެންމެ ބޮޑު ކަންބޮޑުވުން ކަމަށް ފައިޒުއްރަހްމާން ވިދާޅުވި އެވެ.

އޭނާ ވިދާޅުވީ 15 ދުވަހާއި 20 ދުވަހުގެ މުއްދަތެއް ދިނުމަށްފަހު ވޯޓެއް ނަގަން އުޅުމުން ހުޅުދޫ އާބާދީގެ ވެސް 50 ޕަސަންޓު މީހުން ވޯޓުލާނެ ކަމަށް ނުބެލެވޭ ކަމަށެވެ. އެގޮތުން މައިނޯރިޓީގެ ވޯޓުން ވަކިވެގަތުމަށް ވޯޓު ފާސްވުމުގެ ފުރުސަތު އޮންނާނެ ކަމަށް ވެސް އޭނާ ވިދާޅުވި އެވެ.

"އަޅުގަނޑު މިކަމުގައި އެންމެ ކަންބޮޑުވާ ކަމަކީ މޭޔަރު، ފާހަގަކުރަން ބޭނުންވަނީ ރައްޔިތުންނަށް އަސްލު ވާން އުޅެނީ ކޮން ކަމެއްކަން ނޭގޭ. ކުރަން މިއުޅެނީ ކޮން ކަމެއްކަން ބުނެ ދޭނެ ވަގުތެއް ނުދީ، ހަލުއިކޮށް މިކަން ކުރަން އުޅޭ އުޅުމަކީ އެންމެ ބޮޑު ޝަކުވާ އަޅުގަނޑުގެ،" އޭނާ ވިދާޅުވި އެވެ.

ފައިޒުއްރަހްމާން ވިދާޅުވީ އައްޑޫ ސިޓީ ރައްޔިތުން ވޯޓުލާއިރު ހުރިހާ ކަމަކާމެދު ރަނގަޅަށް ފުންކޮށް ވިސްނުމަށްފަހު ވޯޓު ދިނުމަށް އެދޭ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox