އެމްއައިބީ ގެސްޓްހައުސް ސިމްޕޯޒިއަމް ނިންމާލީ ގެސްޓްހައުސް އެވޯޑު ބާއްވާނެކަން އިއުލާންކޮށްފައި

ގެސްޓްހައުސް ސިމްޕޯޒިއަމްގައި ގެސްޓްހައުސް އެވޯޑްސް އިއުލާންކުރުން: ގެސްޓްހައުސް އެވޯޑްސް އޮންނާނީ އަންނަ އަހަރު -- ފޮޓޯ: މިރާޝް ނާޝިމް / އަދަދު

ގެސްޓްހައުސް ސިމްޕޯޒިއަމްގައި ގެސްޓްހައުސް އެވޯޑްސް އިއުލާންކުރުން: ގެސްޓްހައުސް އެވޯޑްސް އޮންނާނީ އަންނަ އަހަރު -- ފޮޓޯ: މިރާޝް ނާޝިމް / އަދަދު

މޯލްޑިވްސް އިސްލާމިކް ބޭންކް (އެމްއައިބީ) އިން އިންތިޒާމުކޮށްގެން ބޭއްވި އެމްއައިބީ ގެސްޓްހައުސް ސިމްޕޯޒިއަމް ނިންމާލަމުން، ގެސްޓްހައުސް އެވޯޑު ބާއްވާނެކަން މިއަދު އިއުލާންކޮށްފި އެވެ.

އެމްއައިބީ ގެސްޓްހައުސް ސިމްޕޯޒިއަމް ނިމުމުގެ ކުރިން ގެސްޓްހައުސް އެވޯޑު އިއުލާންކޮށް، އެ އެވޯޑުގެ ހުރިހާ ކަމެއް ހަވާލުކުރީ މިނިވަން އޮޑިޓް ފާމެއް ކަމަށްވާ ކްރޯ މޯލްޑިވްސްއާ އެވެ.

އެމްއައިބީގެ ޗީފް ރީޓެއިލް އޮފިސަރު، ހުސައިން އާލިމް ޝަކޫރު އަދަދު އަށް ވިދާޅުވީ އަންނަ އަހަރުން ފެށިގެން އެމްއައިބީ ގެސްޓްހައުސް އެވޯޑު ދޭނީ ގެސްޓްހައުސް ސިމްޕޯޒިއަމާ ދިމާކޮށް ކަމަށެވެ. އޭނާ ވިދާޅުވީ ގެސްޓްހައުސް އެވޯޑު ކުރިއަށްގެންދާނެ ސްޓްރަކްޗާ އިން ފެށިގެން ޖަޖުން ކަނޑައެޅުމާ ހުރިހާ ކަމެއް ކުރިއަށް ގެންދާނީ ކްރޯއިން ކަމަށެވެ.

ކްރޯގެ މެނޭޖިން ޕާޓްނާ، ހަސަން މުހައްމަދު ވިދާޅުވީ ގެސްޓްހައުސް އެވޯޑު ވެގެންދާނީ މިހާތަނަށް ރާއްޖޭގައި ދެވޭ އެންމެ ތަފާތު އެވޯޑަށް ކަމަށެވެ. އެގޮތުން އެ އެވޯޑުގައި އެއްވެސް ސްޕޮންސަރެއް ނުހިމެނޭނެ ކަމަށް އޭނާ ވިދާޅުވި އެވެ.

ހަސަން ވިދާޅުވީ ގެސްޓްހައުސް އެވޯޑުގެ އެވޯޑުތައް ލިބޭނީ އެންމެ ހައްގު މީހުންނަށްކަން އެ އޮޑިޓް ފާމުން ކަށަވަރު ކުރާނެ ކަމަށެވެ.

އެމްއައިބީ ގެސްޓްހައުސް ސިމްޕޯޒިއަމް ނިންމާލީ ބައިވެރިވި ފަރާތްތަކުގެ މެދުގައި ގުރު ނަގައި އަގުބޮޑު އިނާމުތަކެއް ދިނުމަށްފަހު އެވެ. އެގޮތުން އައިފޯން 17 ތިން ބައިވެރިއަކަށް ލިބުނުއިރު، ދިރާގާއި މޯލްޑިވިއަންގެ އިނާމުތަކެއް ވެސް ދިނެވެ.

ގެސްޓްހައުސް ދާއިރާއާ ހުރިހާ އެންމެން އެއް ތަނަކަށް ގެންނަ އެމްއައިބީ ސިމްޕޯޒިއަމްގެ ތެރެއިން ހަތަރު ޕެނަލް ޑިސްކަޝަންއެއް ކުރިއަށްދިޔަ އެވެ. އެ ޕެނަލް ޑިސްކަޝަންތަކުގައި ދާއިރާއަށް ދިމާވާ ގޮންޖެހުންތަކާއި ހައްލުތަކާ ގުޅޭގޮތުން ފުޅާ ދާއިރާއެއްގައި މަޝްވަަރާތަކެއް ކުރި އެވެ. މިދިޔަ އަހަރުން ފެށިގެން ބާއްވާ އެމްއައިބީ ސިމްޕޯޒިއަމްގައި މި އަހަރު 150 ފަރާތަކުން ބައިވެރިވި އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox