މުންކަރާތްތަކާ ދެކޮޅަށް ފާޅުގައި މަސައްކަތްކުރުން

މުންކަރާތްތަކާ ދެކޮޅަށް ފާޅުގައި މަސައްކަތްކުރުން

ދިވެހިރާއްޖޭގެ ސިޔާސީ މައިދާނާ ގުޅިފައި އޮންނަ ބާވަތެއްގެ ނަމަވެސް ރަނގަޅު އެއްކަމެއް އަޅުގަނޑަށް ފެނެއެވެ. އެއީ ކިތަންމެ އާރަކާއި ބާރެއްގައި، ދެތަންނުވާނެ ޖާހާއި ޖޯޝުގައި އާދަޔާ ހިލާފު ސިއްރިއްޔާތުގައި ކުރާ ވައްކަމާއި ކޮރަޕްޝަންގެ ބިތު ފަންގި ހަމަ އިސާހިތަކު ނެގިގެންދާ ކަމެވެ. އެޔާއެކު އިހުތިބި މީހުން ކެޔޮކޭވަރު ހާމަވެ ބޭޒާރުވެގެންދާކަމެވެ. މިހާރު ކެޔޮކަމުންދާ ވަރެއްވެސް ދެތިން އަހަރު ފަހުން ނެގޭ ބިތުފަންގިއާއެކު އެނގޭނެކަމީ ދިވެހި ސިޔާސީ މަސްރަހު ޔަގީންކޮށްދީފައިވާ ހަގީގަތަކަށްވާކަމެވެ. މިއީ ދިވެހި ސިޔާސީ މަސައްކަތުގައި ފެންނާން އޮތް ރަނގަޅު ސިފައެއްކަމަށް އަޅުގަނޑަށް ގަބޫލުކުރެވެއެވެ.

އާއެކެވެ. ކަމުންދާއިރު ހުއްޓުވޭނެ ގޮތެއް ނެތުމަކީ ދެރަވަރެވެ. ބަލަހައްޓައިން ތިބެން ޖެހޭކަމީ ކޮޅުނެތްކޮޅުގެ ބަދުނަސީބެވެ. އަދި އިހު ކޭ ވަގުންގެ ބިތުފަންގި ނެގި ފަލީހަތްވާއިރު، އެކަން ހިނގަނީ ދެން ކާންހުރި މީހާއަށް ލިބޭ ނަސްރެއްގެ ގޮތުގައި ކަމަށްވާ ކަމީ ވެސް ހިތާމަހުރި ކަމެކެވެ.

އަހަރެމެންނަކީ ދެ ދުނިޔޭގެ ބާއްޖަވެރިކަން ލިބޭނެ މަގުކަމުގައިވާ އިސްލާމްދީނުގެ އަހުލުވެރިންނަށްވާއިރު، މި ދިވެހިރާއްޖެއަށްވެފައި މިވަނީ ކިހިނަކުންތޯއެވެ؟ މިތަނުގައި މަދުވެގެން އުޅެނީ ކޮން އެއްޗެއްތޯއެވެ؟ ހާއްސަކޮށް މިފަހަކަށް އައިސް ބަދަލުވަމުންދާ ކޮންމެ ވެރިކަމަކާއެކު ހިއްލޭ ފަރުދާގެ ފުރަގަހުގައި މިހުންނަނީ ކޮންހާ ވައްކަމެއްތޯއެވެ؟ އަދި އެފަރުދާ އެހެން ހިއްލާން ތިބެގެން އެ ހިއްލަމުންދާ ވަގުތުގައި މިހާރުގެ ވަގުން ވެސް އެޔަށްވުރެ ދެގުނަޏަށް ބޮޑުކޮށް ވައްކަންކޮށްފައި، އަހަރު ދެކޮޅު އުމުރާއަށް ވެސް ދެއެވެ. އަހަރެމެން މުސްލިމް ދިވެހިންނަށް ވެފައި މިވަނީ ކިހިނެއްހެއްޔެވެ؟

Advertisement

ކޮންމެ ސަރުކާރެއް ބަދަލުވެގެންދަނީ، އެ ސަރުކާރަކާމެދު އިތުބާރު ގެއްލިގެންނެވެ. ކޮންމެ ސަރުކާރަކަށް ނިމުން އައުމުގައި ވައުދު ނުފުއްދާކަމުގެ ތުހުމަތާއި އިންތިހާއަށް ދޮގުހެދިކަމުގެ ތުހުމަތާއި ދައުލަތުން ވައްކަންކުރާކަމުގެ ތުހުމަތު އޮވެއެވެ. އަލަށް ހޮވާ ސަރުކާރާއި އެސަރުކާރުގެ ބައިވެރިން ދިވެހިން މި ހޮވަނީ އެކަންކަން ބަދަލުކޮށް ރަނގަޅުކުރާށެވެ. އެޔާއެކު ފެންނަންނީ އިހުނަށްވުރެ ބޮޑަށް އެހާރަށްވުރެ މޮޅަށް ވައްކަމުގެ ކުޅިބައި އެތުރެމުން ކުރިން ހިނގަމުންދިޔަ ހިޔާނާތުގެ ސިލްސިލާ ގެތެމުންދާ ތަނެވެ.

މާތް ނަބިއްޔާގެ މަޝްހޫރު ހަދީސްފުޅަށް ވިސްނުން ހިންގަވާށެވެ! "ތިޔަބައިމީހުންގެ ތެރެއިން މީހަކަށް މުންކަރާތެއް ފެނިއްޖެނަމަ އެކަމެއް އެމީހެއްގެ އަތުން މަނާކުރާށެވެ. އަތުން މަނާކުރުމަށް ނުކުޅެދިއްޖެ މީހާ ދުލުން މަނާކުރާށެވެ! ދުލުން މަނާކުރަން ނުކުޅެދިއްޖެ މީހާ ހިތުން އެކަމަކަށް ނުރުހިގެން ހުންނާށެވެ!"

ދަންނަވަންތޯއެވެ! ދުލުން މަނާކުރުމުގެ ގާބިލުކަން ހުރި މީހާ، ތިމަންނާގެ ފެންވަރަކީ ހިތުން މަނާކުރުންކަމަށް ދެކޭހާ ދުވަހަކު މިރާއްޖެ ހިނގަމުންދާނީ ހަމަ މިހާރު ހިނގަމުންދާ މިސްރާބަށެވެ. އަތުން މަނާކުރުމުގެ ގާބިލުކަން ހުރި މީހާ ތިމަންނާގެ ފެންވަރަކީ ކަމާ ނުބެހޭ މީހުންގެ ތެރޭގައި ފަސާދަވެރިން ކުރާ ކަންކަމުގެ ވާހަކަދައްކާލުން އެކަނިކަމަށް ދެކޭހާ ހިނދަކު މިރާއްޖެ ހިނގަމުންދާނީ މިހާރުވެސް މިދާ ގޮތަށެވެ.

ދައުލަތްތެރޭގައި ހިނގާ ކޮރަޕްޝަންގެ އަމަލުތަކަކީ ބޮޑެތި ވެގެންވާ މުންކަރާތްތަކެވެ. ގާބިލު މީހުން ތިއްބާ ވަކި ސިޔާސީ ފިކުރަކަށް ނިސްބަތްވާ މީހަކު ބުނާ މީހަކަށް ދައުލަތުގެ ވަޒީފާ ދިނުމަކީ މުންކަރާތެވެ. ކަމާބެހޭ ފަންނީ މާހިރުން ވަކި ގޮތަކަށް ލަފާދޭ ކަންކަމުގައި އެމީހުންގެ ބަސް ބޮލާލާ ޖަހައި ވަކި ސިޔާސީ މަސްލަހަތަކަށް ދީލާލުމަކީ ދީނީ ގޮތުން މުންކަރާތެވެ. މަސައްކަތަކާ ނުލައި ހަމައެކަނި ސިޔާސީ އެއްބާރުލުމުގެ ބަދަލެއްގެ ގޮތުން ދައުލަތުން މުސާރަދީގެން އެކުވެރިން ގެންގުޅުމާއި ބަދަލުދިނުމުގެ ނަމުގައި ސިޔާސީ ވިޔަފާރިވެރިންނަށް ބޮޑުތަނުން އެޅޭ ބައިވަރަކީ ހަމަ ބޮޑެތި މުންކަރާތެވެ. ކުޑަ އަގެއްގައި ވާން އޮންނަ ކަންތަކަށް ރަށްޓެހި ކުންފުނިތަކަށް ބަހާލުމުގެ ނިޔަތުގައި ދައުލަތުގެ ބަޖެޓުން އަސްލު އަގުގެ ތިން ގުނަ ހޭދަކުރުމަކީ މުންކަރާތެކެވެ. ރައްޔިތުން ކުރިމައްޗަށް ނުކުމެ ޖެހިލުމަކާ ނުލައި ބޮޑެތި ދޮގުހެދުމަކީ މުންކަރާތެކެވެ.

ރައްޔިތުންގެ މަޖިލީހާއި މިނިވަން މުއައްސަސާތަކުގައި ތިއްބަވާ ބޭފުޅުން މިދެންނެވުނު މުންކަރާތްތައް މަނާކުރުމުގެ ގާބިލުކަން ތިމަންމެންނަށް ލިބިފައިވަނީ ހަމަ އެކަނި ހިތުން އެކަމަށް ނުރުހިގެން ތިބުމުގެ މިންވަރަށްކަމަށް ދެކެގެން ތިބުމީ މާތް ނަބިއްޔާގެ ކުރިން އަޅުގަނޑު ދެންނެވި ހަދީސް ބަސްފުޅާ އެއްގޮތްވާނެ ކަމެއް ނޫނެވެ. އެހެނީ އެ ހަދީސް ބަސްފުޅުން އެނގޭ ގޮތުގައި ހިތުން ނުރުހިގެން މުންކަރާތް މަނާކުރުމުގެ ދަރަޖައަށްދަނީ ބާރުވެރިކަމެއް ނެތްތާނގައި ދުލުން އެފަދަ ކަމެއްގެ ވާހަކަދެއްކުމުގެ ތަސައްރުފުވެސް ފުދިގެން ނުވާ މީހުންނެވެ.

މިއާ ހިލާފަށް ގާނޫނީ ބާރުވެރިކަން ރައްޔިތުން ދީފައިވާ މުއައްސަސާތަކާއި އެ މުއައްސަސާތަކުގެ ވެރިން، މުންކަރާތްތަކާ ދެކޮޅަށް ތެދުވަންޖެހޭނީ އެބައިމީހުންގެ ދުލުގައި ހުރި ފަސާހަތްތެރިކަމެއް ދައްކަވަމުން، ލިބިފައިހުރި އެންމެހާ ގާނޫނީ ހައިސިއްޔަތެއްގެ ބާރުވެރިކަމެއް ދިއްކުރަމުންނެވެ.

ދިވެހި ފުލުހުންނާއި ކޮރަޕްޝަން ކޮމިޝަނާއި ހިޔުމަން ރައިޓްސްއާ ބެހޭ ތަނާއި އަދިވެސް މިނޫން މިބާވަތުގެ އިދާރާތަކަކީ ދައުލަތުގެ ތެރޭގައި ކުރާ ވައްކަމާއި އެނޫންވެސް މުންކަރާތްތައް މަނާކުރުމަށް އަތުގެ ބާރުވެރިކަން އޮތް ފަރާތްތަކެކެވެ. އެފަރާތްތަކުން މުންކަރާތް މަނާކުރުމުގައި ކުށްވެރިކޮށްލުމުގެ ބަޔާނަކުން، "ތިޔަ މައްސަލަ އެބަ ބަލަންކަމުގެ" ސުރުހީއަކުން މުންކަރާތް މަނާކުރުމުގެ ވާޖިބު އަދާކުރެވިއްޖެކަމަށް ހީކުރުމަކީ ކުށްހީއެކެވެ.

މާތް ނަބިއްޔާގެ ހަދީސް ބަސްފުޅުގައި އޮތީ، އަތުން މަނާކުރުމުގެ ގާބިލުކަން ހުރި މީހާ އަތުން އެކަމެއް މަނާކުރުމަށެވެ. އެވަރު ވާން ނެތިއްޖެނަމަ ދުލުން ބަސް ބުނުމަށެވެ. ފާޅުކުރުމަށެވެ. އަޑުއިއްވުމަށެވެ. އެންމެން ހޭލުންތެރިކުރުމަށެވެ.

މިރާއްޖެއަށް ވަމުން މިދަނީ ސިއްރުންކުރާ ވައްކަމަށްވުރެ އިސްލާހީ މަސައްކަތުގެ ސިއްރުކަން ބޮޑުވެއްޖެނަމަ ވާނެ ގޮތެވެ. ގައުމު އިސްލާހުކުރަން ވަކާލާތުކުރާ މީހާ އެމީހާގެ ނަމާއި ޝަޚުސު، ކޮންމެވެސް ވަނަމެއްގެ ފަހަތުގައި ސިއްރުކޮށްގެން އުޅޭއިރު، ދުނިޔެ ފެށުނީއްސުރެ ސިއްރިއްޔާތުގައި ނޫނީ ނުކުރެވޭވަރު ވައްކަން މީހުން މިހިރަގެން ކުރަނީ ހާމަޔަށް ފާޅުގައެވެ. އަދި އެޔަށްފަހު އެވަގުން މަތި ހަށިނަގާފައި އާންމުންގެ ތެރެއަށް ނުކުމެ އުޅެނީ ވެސް ލަދެއް ހަޔާތެއް ވެސް ނެތިއެވެ.

މުންކަރާތްތައް ދަފަރާކުރުމުގެ މަސައްކަތަކީ، ރަސޫލުބޭކަލުންގެ އަޒުމުން ބާރުލިބިގަނެގެން ނަބީބޭކަލުންގެ ކެތްތެރިކަމުން ވާގިލިބިގަނެގެން ނިކަން ގަޓުހުރެގެން ފާޅުގައި ކުރަންވީ މަސައްކަތެކެވެ. ތިމާގެ ހުރި ބާރުވެރިކަމަކާއި ހިތްވަރެއް އޭގެ ފުރިހަމަ މިނުގައި މުންކަރާތްތަކާ ދެކޮޅަށް ދޫކޮށްލައްވާށެވެ. ނިކަން ކެރިގެން ހިތްވަރާއެކު ފާޅުގައި މުންކަރާތާ ދެކޮޅަށް ތެދުވެގަންނާށެވެ. އުންމީދުކުރާ ދިވެހިރާއްޖެ އޭރަށް ފެންނާނެއެވެ.

ތިމާއަކީ އުރެދޭ މީހަކަށްވުމަކީ އުރެދުންތަކާ ދެކޮޅަށް މަސައްކަތް ނުކުރާންވީ ސަބަބެއް ނޫނެވެ. އެހެނީ އުރެދުންތަކާ ދެކޮޅަށް މަސައްކަތް ނުކުރުމަކީ އުރެދުމަށްވުރެ ވަކި ކުޑަކަމެއް ނޫނެވެ. ބަނީ އިސްރާއީލުގެ ދަރީންނަށް ލައުނަތް ހައްގުވީ ސަބަބަކީ ވެސް އުރެދުމުގައި ހައްދުފަހަނައަޅާދިއުމާއި އެއިން ކަމެއް ހުއްޓުވަން ވެސް އެއްބަޔަކު އަނެއް ބަޔަކަށް މަސައްކަތް ނުކުރުމެވެ.

އަލްމާއިދާ ސޫރަތުގެ 78 އަދި 79 ވަނަ އާޔަތުގެ ތަރުޖަމާއިން ވިދާޅުވާށެވެ! "އިސްރާއީލުގެދަރިންގެ ތެރެއިން، ކާފަރުވި މީހުންނަށް ދާވޫދުގެފާނާއި، މަރްޔަމްގެފާނުގެ ދަރިކަލުން ޢީސާގެފާނުގެ ދޫފުޅުމަތިން ލައުނަތް ލައްވާފައިވެއެވެ. އެއީ އެމީހުން އުރެދުނު ކަމަށްޓަކައެވެ. އަދި އުރެދުމުގައި ހައްދުފަހަނަޅައިދާކަމުގައި އެމީހުން ވީކަމަށްޓަކައެވެ. އެމީހުން ކުރި ނުބައިކަންތައް، އެއްބަޔަކު އަނެއްބަޔަކަށް މަނާކޮށެއް ނޫޅެއެވެ. އެމީހުން ކޮށްއުޅުނު ކަންތަކުގެ ނުބައިކަމާއެވެ!"

ފަހުގެ ޚަބަރު

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

ފުށިދިއްގަރު ފަޅާއި ދިވެހިންގެ ހައްގު

މާލެ ސަރަޙައްދުގެ ބޯހިޔާވަހިކަމަށް ޙައްލެއް ހޯދުމަށް "ރަސްމާލެ" މަޝްރޫޢު ފަށާފައިވާއިރު، މިއީ ދިވެހިންގެ މިލްކެއްގެ ގޮތުގައި ސަރުކާރުން ވަނީ ބުނެފައެވެ. ނަމަވެސް، ދިވެހިން ބޯހިޔާވަހިކަމަށް ބޭނުންވެފައި ތިއްބާ ބިދޭސީން ރަށްވެހިކުރުމަށް މި މަޝްރޫޢު ބަޔަކާ ހަވާލުކުރުމަކީ ދިވެހިންގެ ޙައްޤުތަކަށް އުނިކަން އަންނާނެ، ޤައުމީ ސަލާމަތަށް އޮތް ބިރެއް ކަމަށް ގިނަ ބަޔަކު ދެކެއެވެ.

ސިޔާސީ ނިންމުމެއް 99 އަހަރުގެ ގާނޫނީ އިލްތިޒާމަކަށް

ރަސްމާލެ މަޝްރޫއު ތަރައްގީކުރުމަށް ސަރުކާރުން އީގަލް ހިލްސްއާއެކު ހުސްނުވާ 99 އަހަރަށް ސޮއިކުރާއިރު މިއީ އާދައިގެ ސިޔާސީ ނިންމުމަކަށްވުރެ މާ ބޮޑު ގާނޫނީ އިލްތިޒާމެކެވެ. މި އެއްބަސްވުމުގެ ދަށުން އުފެދޭނޭ ގާނޫނީ އިލްތިޒާމުތައް ނިމުމަކަށް ގެނައުމުގައި ހުރި ގާނޫނީ ގޮންޖެހުންތަކަށް މި ލިޔުމުގައި ވާހަކަ ދައްކަ އެވެ.

ޝަރުތުތަކާއެކު ބްލީޗުން ދަތްއުނގުޅުން ހުއްދަކުރުން

ރަސްމާލެ ޕްރޮޖެކްޓް ޒަޔަނިސްޓުންނާ ގުޅުން އޮތް ބަޔަކަށް އެމީހުން ވަޒަންވެރިވުމުގެ ފުރުސަތު އޮތް ގޮތަކަށް ޝަރުތުތަކަކާއެކު ދިނުން ހުއްދަވާނެކަމަށް ނެރެގެން އުޅޭ ފަތުވާއަކީ ގެއްލުން ނުވުމުގެ ޝަރުތުތަކާއެކު ލައްފިލުވާލައިގެން ދަތް އުނގުޅުން ހުއްދަވާނެކަމަށް ބުނުން ފަދަ ސޮހޮލު ވަކާލާތެކެވެ.

Newsletter

Get the latest news delivered straight to your inbox