ޓޯކިޔޯ މުބާރާތް ނެގުނަސް އަލްކަރާޒް ޝަންހާއީގައި ނުކުޅޭނެ

Oct 1, 2025, 6:16 AM
ޓޯކިޔޯ މުބާރާތް ނެގުނަސް އަލްކަރާޒް ޝަންހާއީގައި ނުކުޅޭނެ

ޖަޕާން، ޓޯކިޔޯ (އޮކްޓޫބަރު 1) - ޓޯކިޔޯގައި ކުރިއަށްދިޔަ ޖަޕާން އޯޕަންގެ ޗެމްޕިއަންކަން، ދުނިޔޭގެ ފިރިހެން އެއް ވަނަ ކުޅުންތެރިޔާ، ކާލޯސް އަލްކަރާޒް ހޯދި ކަމުގައި ވިޔަސް، ޗައިނާގެ ޝަންހާއީގައި ކުރިއަށްދާ މުބާރާތުގައި ނުކުޅެން ނިންމައިފި އެވެ.

ޖަޕާން އޯޕަން ފައިނަލުގައި އަލްކަރާޒް ވަނީ އެމެރިކާގެ ޓޭލާ ފްރިޓްޒް އަތުން 6-4، 6-4 އިން ސެޓުތައް ގެންގޮސްގެން މޮޅުވެފަ އެވެ. އެކަމަކު، އިއްޔެ ޗައިނާގައި ފެށި، ޝަންހާއީ މާސްޓާސްގައި ނުކުޅޭނެކަން އަލްކަރާޒް ވަނީ އިއުލާނުކޮށްފަ އެވެ.

މިދިޔަ ބުރާސްފަތި ދުވަހު، ޖަޕާން އޯޕަންގެ ފުރަތަމަ ބުރުގައި އަލްކަރާޒް ކުޅުނު މެޗުގައި އޭނާގެ ވާތު ކުޑަހުޅަށް ވަނީ އަނިޔާވެފަ އެވެ. އެކަމަކު، އެ އަނިޔާ އަށް ފަރުވާ ހޯދައި، އަލްކަރާޒް ވަނީ މުބާރާތް ކާމިޔާބުކަމާ އެކު ނިންމާލައިފަ އެވެ.

އެހެން ނަަމަވެސް، އިންސްޓަގްރާމްގައި ކުރި ޕޯސްޓެއްގައި އަލްކަރާޒް ބުނެފައިވަނީ، މިއީ އޭނާގެ ރިކަވަރީ އަށް ފޯކަސްކޮށްގެން އަރާމް ކުރަން ޖެހޭ ވަގުތު ކަމަށް ފެންނާތީވެ، ޝަންހާއީ އިން ނުފެންނާނެ ކަމަށެވެ. އަދި، ފިިޒިކަލީ އެންމެ ރަނގަޅު ހާލަތެއްގައި ނެތްއިރު ވެސް ކުޅެމުން އަންނަތާ ދުވަސްތަކެއް ވެފައިވާކަން ފާހަގަކޮށް އަލްކަރާޒް ބުނީ، އޭނާގެ ނިންމުން މި އައީ ޓީމާ މަޝްވަރާ ކުރުމަށް ފަހު ކަމަށެވެ.

އިޓަލީގެ ޖަނިކް ސިނާ އަތުން، ވިމްބަލްޑަން ފައިނަލުގައި ބަލިވި ފަހުން، އަލްކަރާޒް ވަނީ އޭޓީޕީގެ ތިން މުބާރާތް ކާމިޔާބުކޮށްފަ އެވެ. އެއީ، ސިންސިނާޓީ އޯޕަން، ޔޫއެސް އޯޕަން އަދި ޖަޕާން އޯޕަން އެވެ. މީގެ ތެރެެއިން، ޔޫއެސް އޯޕަން އަކީ ގްރޭންޑް ސްލޭމް ހަތަރު މުބާރާތުގެ ތެރެއިން އެއް މުބާރާތެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox