ބޭނުންކުރެވޭ ރިޒާވަށް 10 މިލިއަން ޑޮލަރު އިތުރުވެއްޖެ

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ އޮފީސް އިމާރާތް: ބޭނުންކުރެވޭ ރިޒާވު ހާލަތު ރަނގަޅުވީ އެޅި ފިޔަވަޅުތަކުން ކަމަށް އެމްއެމްއޭއިން ބުނޭ --- ފޮޓޯ: އަތޫފް އާތިފް/އަދަދު

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ އޮފީސް އިމާރާތް: ބޭނުންކުރެވޭ ރިޒާވު ހާލަތު ރަނގަޅުވީ އެޅި ފިޔަވަޅުތަކުން ކަމަށް އެމްއެމްއޭއިން ބުނޭ --- ފޮޓޯ: އަތޫފް އާތިފް/އަދަދު

މިދިޔަ މަސް ނިމުނުއިރު ޖުމްލަ ރިޒާވުގައި ހުރި އަދަދު އޭގެ ކުރީ މަހަށް ވުރެ ދަށަށް ދިޔަ ނަމަވެސް ކުރު މުއްދަތުގެ ދަރަނި އެއަށް ވުރެ ބޮޑަށް ދަށް ވުމުން ބޭނުންކުރެވޭ ރިޒާވު 10 މިލިއަން ޑޮލަރު އިތުރުވެފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ތަފާސްހިސާބުތަކުން ދައްކައިފި އެވެ.

އެމްއެމްއޭއިން އާންމުކޮށްފައިވާ ރިޒާވު އަދަދުތަކުން ދައްކާ ގޮތުގައި އެ މަސް ނިމުނުއިރު ޖުމްލަ ރިޒާވުގައި ހުރީ 774 މިލިއަން ޑޮލަރެވެ. މިއީ އޭގެ ކުރީ މަހަށް ވުރެ ގާތްގަނޑަކަށް 58 މިލިއަން ޑޮލަރު ދަށް އަދަދެކެވެ.

ބޭނުންކުރެވޭ ރިޒާވު ހިސާބުކުރަނީ ޖުމްލަ ރިޒާވުން ކުރު މުއްދަތުގެ ދަަރަނި ކެނޑުމަށް ފަހު، އެތެރޭގެ ބޭންކުތަކުގައި އިންވެސްޓުކޮށްފައި ހުރި ޑޮލަރުތައް ހިމަނައިގެންނެވެ.

މިދިޔަ މަސް ނިމުނުއިރު ކުރު މުއްދަތުގެ ދަރަނި 688 މިލިއަން ޑޮލަރުގައި ހުރި އިރު، މަހުންމަހަށް ބަލާއިރު މި ގޮތުން ބޭރުވާން ހުރި ފައިސާ ވަނީ 86 މިލިއަން ޑޮލަރު މަދުވެފަ އެވެ. ބޭންކުތަކުގައި އިންވެސްޓުކޮށްފައި ހުރީ 126 މިލިއަން ޑޮލަރެވެ. އެހެންކަމުން ބޭނުންކުރެވޭ ރިޒާވު ވަނީ 203 މިލިއަން ޑޮލަރުން 213 މިލިއަން ޑޮލަރަށް އިތުރުވެފަ އެވެ.

ބޭންކުރެވޭ ރިޒާވުގައި ހުރި ޑޮލަރު

  • ޖެނުއަރީ - 116 މިލިއަން ޑޮލަރު
  • ފެބްރުއަރީ - 179 މިލިއަން ޑޮލަރު
  • މާޗު - 170 މިލިއަން ޑޮލަރު
  • އޭޕްރިލް - 171 މިލިއަން ޑޮލަރު
  • މެއި - 218 މިލިއަން ޑޮލަރު
  • ޖޫން - 203 މިލިއަން ޑޮލަރު
  • ޖުލައި - 213 މިލިއަން ޑޮލަރު

ރިޒާވުގެ ހާލަތު ދުވަހުންދުވަހަށް ރަނގަޅުވަމުން އަންނައިރު، ޑޮލަރު ތާށިކަމުގެ މައްސަލައިގައި މިފަހުން ނެރުނު ނޫސް ބަޔާނެއްގައި އެމްއެމްއޭއިން ބުނީ މިކަން ހާސިލުކުރެވުނީ އެ އޮތޯރިޓީން އެޅި ފިޔަވަޅުތަކުގެ ސަބަބުން ކަަމަށެވެ.

އޭގެ ތެރޭގައި އިންޑިއާ ސަރުކާރުގެ މަދަދުވެރިކަމުގެ ދަށުން އެ ގައުމުގެ ރިޒާވު ބޭންކް އޮފް އިންޑިއާ (އާރުބީއައި) އިން ހަމަޖައްސައިދިން ކަރަންސީ ސްވޮޕް ފެސިލިޓީ އާއި ޑޮލަރު ލިބޭ ވިޔަފާރިތަކަށް ލިބޭ ޑޮލަރުން ބަޔެއް މާރުކުރަން ޖެހޭ ގޮތަށް ބޭރު ފައިސާގެ ގަވާއިދާއި ބޭރު ފައިސާގެ ގާނޫނަށް ގެނައި ބަދަލާއި ޑޮލަރުން ލިބުނު އާމްދަނީ އިތުރުވުމުން ކަމަށް މަރުކަޒީ ބޭންކުން ފާހަގަކުރި އެވެ.

ޑޮލަރު މާރުކުރަން މަޖުބޫރުކުރި ފަހުން، ބޭންކުތަކަށް މާރުކުރި ޑޮލަރުގެ ތެރެއިން 247 މިލިއަން ޑޮލަރު ވަނީ އެމްއެމްއޭއަށް ވަދެފަ އެވެ.

ރިޒާވުގެ ހާލަތު ރަނގަޅު ވަމުން ދިޔަ ނަމަވެސް ލިބޭ ޑޮލަރަށް ވުރެ ބޭނުންކުރާ ޑޮލަރުގެ އަދަދު އިތުރުވުމުން، ޑޮލަރު މައްސަލައަށް އަވަސް ހައްލެއް ނެތް ކަމަށް އެމްއެމްއޭއިން ބުންޏެވެ.

ޑޮލަރު ތާށިކަމުގެ މައްސަލަ އިތުރަށް ގޯސްވެގެން ދިޔައީ ކޮވިޑު ބަލިމަޑުކަމުގެ ދުވަސްވަރު ފައިސާ ޗާޕުކުރަން ފެށި ގޮތަށް، އެ ހިނގި ތިން އަހަރުގެ ތެރޭގައި އަށް ބިލިއަން ރުފިޔާ ޗާޕުކޮށް، ރުފިޔާގެ ސަޕްލައި ނުބައްދަލު ވަރަކަށް މަތިވުމުން ކަމަށް އެ އޮތޯރިޓީން ގަބޫލުކުރެ އެވެ.

ޑޮލަރަށް ހުރި ޑިމާންޑަށް ބަލާއިރު، އަހަރުގެ މިހާތަނަށް ގާތްގަނޑަކަށް 704 މިލިއަން ޑޮލަރު އެމްއެމްއޭއިން ވިއްކައިފި އެވެ. އެ ފައިސާގެ ތެރެއިން 212 މިލިއަން ޑޮލަރު ވިއްކީ ބޭރުގެ ދަރަނި ދައްކާށެވެ. އިތުރު 217 މިލިއަން ޑޮލަރަކީ އާންމުންނާއި ވިޔަފާރިތަކަށް ވިއްކި ޑޮލަރެވެ. އެންމެ ގިނަ އަދަދަކަށް ޑޮލަރު ވިއްކީ ތެޔޮ ގަންނަން އެސްޓީއޯއަށެވެ. އެ ކުންފުންޏަށް 274 މިލިއަން ޑޮލަރު ވިއްކައިފި އެވެ.

މިދިޔަ މަހުގެ ނިޔަލަށް މާރުކުރި ޑޮލަރުގެ ތެރެއިން ލިބުނު ޑޮލަރުތަކާއި މީރާއިން އާމްދަނީގެ ގޮތުގައި ބަލައިގަތް 880 މިިލިއަން ޑޮލަރާއެކީ، އަހަރުގެ މިހާތަނަށް ލިބުނު ޑޮލަރުގެ އަދަދު 1.1 ބިލިއަން ޑޮލަރަށް އަރަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox