އީޕީއޭ އުވާލުމުން އެމްޑީޕީގެ އިސްވެރިން އެކަމަށް ވަރަށް ބޮޑަށް ފާޑުވިދާޅުވެއްޖެ

Aug 12, 2025, 10:45 AM
އީޕީއޭ އުވާލުމުން އެމްޑީޕީގެ އިސްވެރިން އެކަމަށް ވަރަށް ބޮޑަށް ފާޑުވިދާޅުވެއްޖެ

ތިމާވެށި ހިމާޔަތް ކުރުމުގެ މައިގަނޑު ޒިންމާ އަދާ ކުރަމުން އައި އެންވަރަމެންޓަލް ޕްރޮޓެކްޝަން އެޖެންސީ އުވާލައި އެތަނުގެ މަސައްކަތް ތިމާވެއްޓާ ބެހޭ މިނިސްޓްރީގެ ދަށަށް ގެންދިޔުމުން އިދިކޮޅު އެމްޑީޕީގެ އިސްވެރިން އެކަމަށް ވަރަށް ބޮޑަށް ފާޑުވިދާޅުވެއްޖެ އެވެ.

އީޕީއޭ އުވާލައި ރައީސް މުހައްމަދު މުއިއްޒު ވަނީ އެތަނުގެ ނަން އެންވަރަމެންޓަލް ރެގިއުލޭޝަން އޮތޯރިޓީގެ ނަމަށް ބަދަލުކޮށް، އެއީ ސީދާ ތިމާވެއްޓާ ބެހޭ މިނިސްޓްރީގެ ދަށުން ހިންގާ ތަނެއްގެ ގޮތުގައި ކަނޑައަޅައިފަ އެވެ. އީޕީއޭ ހިންގަމުން އައީ ގަވަނިން ބޯޑެއްގެ ލަފާގެ މަތިންނެވެ.

އެކަމާ ގުޅިގެން އެމްޑީޕީގެ ޗެއާޕާސަން ފައްޔާޒް އިސްމާއިލް އެކްސްގައި ކުރެއްވި ޕޯސްޓެއްގައި ވިދާޅުވީ، އީޕީއޭގެ ރެގިއުލޭޓަރީ ދައުރު ހަރުދަނާ ކުރުމުގެ ފުރުސަތު އޮއްވައި، އެތަނުގެ މިނިވަންކަން ނަގާލުމަކީ ބޮޑު މައްސަލައެއް ކަމަށެވެ. އަދި ވިދާޅުވީ، އެއީ ބާރުތައް ޖަމާ ކުރަން މުއިއްޒު ކުރައްވަމުން ގެންދަވާ މަސައްކަތްތަކަށް އިތުރުވި ބޮޅެއް ކަމަށެވެ.

"އީޕީއޭ އުވާލައި އެތަނުގެ މަސްއޫލިއްޔަތުތައް ޓުއަރިޒަމް މިނިސްޓްރީއަށް އަށް ބަދަލު ކުރުމަކީ ތިމާވެށި ހިމާޔަތް ކުރުމަށާއި ތަރައްގީ އާއި ކޮންޒަވޭޝަން ބެލެންސް ކުރަން ކުރަމުން އައި މަސައްކަތުގެ ތެރޭގައި ފަހަތަށް އެޅުނު ފިޔަވަޅެއް،" ފައްޔާޒް ވިދާޅުވި އެވެ.

އެމްޑީޕީގެ ޗެއާޕާސަން އިތުރަށް ވިދާޅުވީ، ނިޒާމަށް އެފަދަ ކުއްލި ބަދަލުތަކުގެ ސަބަބުން ބޭރުގެ އިންވެސްޓަރުން ނިޒާމަށް ކުރާ އިތުބާރު ގެއްލޭނެ ކަމަށެވެ. އަދި އޭގެ ސަބަބުން ދިވެހި އިގްތިސާދު އިތުރަށް ބަލިކަށިވާނެ ކަމަށް ވެސް ފައްޔާޒް ވިދާޅުވި އެވެ.

އީޕީއޭ އުވާލުމުން، އެތަން އުފެއްދި ކުރީގެ ރައީސް މުހައްމަދު ނަޝީދު ވިދާޅުވީ، އީޕީއޭގެ ނަޒާހަތްތެރިކަން ދެމެހެއްޓުމަށްޓަކައި ސަރުކާރާ ވަކިން ހިންގާ އިދާރާއެއްގެ ގޮތުގައި އޮތުން މުހިންމު ކަމަށެވެ.

"އީޕީއޭ އުވާލައި، ޓުއަރިޒަމް މިނިސްޓްރީގެ މަސައްކަތްތަކުގެ ތެރެއަށް އެތަނުގެ މަސްއޫލިއްޔަތުތައް ވެއްދުމަކީ ރަނގަޅު ނިންމުމެއް ނޫން،" އެކްސްގައި ކުރެއްވި ޕޯސްޓެއްގައި ނަޝީދު ވިދާޅުވި އެވެ.

އީޕީއޭ އުވާލުމުން އެމްޑީޕީގެ ރައީސް އަބްދުﷲ ޝާހިދު ވެސް ވަނީ އެކަމާ ކަންބޮޑުވުން ފާޅުކޮށްފަ އެވެ. ޝާހިދު ވިދާޅުވީ އީޕީއޭ އުވާލަން ނިންމި ނިންމުން ވެގެންދާނީ ތިމާވެށި ހިމާޔަތް ކުރަން ކުރަމުން އައި މަސައްކަތްތައް ނެތިގެންދާނެ ފަދަ ނިންމުމަކަށް ކަމަށެވެ.

"ދިވެހިރާއްޖެއަކީ ތިމާވެށި ހިމާޔަތް ކުރަން އަބަދުވެސް ވަކާލާތު ކުރަމުން އައި ގައުމެއް. އަހަރުމެން ގަބޫލު ކުރަމުން އައީ ތަރައްގީ ގެންނަންވާނީ ތިމާވެށި ގުރުބާންނުކޮށް ކަމަށް. އެކަމަކު އީޕީއޭ އުވައިލަން ނިންމި ނިންމުން ވެގެންދާނީ އެ ވިސްނުމާ ދެކޮޅު ސިޔާސަތަކަށް،" ޝާހިދު ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox