ގާޑިއޯލާގެ ވިސްނުމަކަށް މޮރީނިއޯ ފާޑުކިޔައިފި

Jul 24, 2025, 2:30 AM
ގާޑިއޯލާގެ ވިސްނުމަކަށް މޮރީނިއޯ ފާޑުކިޔައިފި

ލިޒްބަން (ޖުލައި 24) - އަމިއްލަ ފިލޯސަފީގައި ކޮންމެ ޓީމެއްގައި އަބަދު ކާމިޔާބު ހޯދުމަކީ ފުޓްބޯޅައިގައި ވާނެ ކަމެއް ނޫން ކަމަށް ބުނެ، މެންޗެސްޓާ ސިޓީގެ ކޯޗު ޕެޕް ގާޑިއޯލާ އަށް ފެނަބާޗޭއާ ހަވާލުވެ ހުރި މަޝްހޫރު ޕޯޗުގީސް ކޯޗު، ހޯސޭ މޮރީނިއޯ ފާޑުކިޔައިފި އެވެ.

ޕޯޗުގަލްގެ މީޑިއާއެއް ކަމަށްވާ ޗެނަލް11 އަށް ދިން އިންޓަވިއުއެއްގައި މޮރީނިއޯ ބުނީ، ސިޓީގެ ކޯޗުކަމާ ހަވާލުވެ، ގާޑިއޯލާގެ ވިސްނުމާ އެއްގޮތަށް އެ ކްލަބްގެ ކަންކަން ބައްޓަންކުރަން ވަރަށް އަވަސް ފިޔަވަޅުތަކެއް އެޅި ކަމަށެވެ.

އެ ގޮތުން، އެ ވަގުތު ސިޓީގައި ހުރި އިނގިރޭސި އެއް ވަނަ ގޯލްކީޕަރު، ޖޯ ހާޓް ދޫކޮށްލައި، ފުރަތަމަ ގެނައި ޗިލީގެ ކީޕަރު، ކްލައުޑިއޯ ބްރާވޯ ވެސް ބަދަލުކުރަން ޖެހުނު ކަމަށާއި ފަރުޖައްސައިލެވުނީ، މިހާރު ހުރި ބްރެޒިލްގެ ކީޕަރު އެޑަސަން ގެނައި ފަހުން ކަމަށް މޮރީނިއޯ ވަނީ ބުނެފަ އެވެ.

Advertisement

"އަމިއްލަ ވިސްނުން ބަދަލުނުކޮށް ހުރެ މަރުވާވެއްޖިއްޔާ، އެ ކުރެވެނީ މޮޔަ ކަމެއް. ކޯޗުން ޖެހޭނެ އަމިއްލަ ވިސްނުމަށް އެކަނި ބެލުމަށް ވުރެން އަތުގައި ހުރި އެއްޗެއްގެ ބޭނުން ރަނގަޅަށް ކުރެވޭނެ ގޮތްތަކަށް ބަދަލުވާން،" މޮރީނިއޯ ބުންޏެވެ.

ކުރިން ޗެލްސީ، ޓޮޓެންހަމް ހޮޓްސްޕާސް އަދި މެންޗެސްޓާ ޔުނައިޓެޑަށް ކޯޗުކޮށްދިން މޮރީނިއޯ ބުނީ، މިދިޔަ ސީޒަނުގައި ސިޓީ އަށް ދިމާވި މައްސަލައިގެ މައިގަނޑަކީ، އެއް ސްޓައިލަކަށް އެއް ބަޔަކަށް ބަރޯސާވެ، ކުޅުންތެރިންގެ ފެންވަރު ދަށްވަމުން ދިޔައިރު ވެސް ކަންކަން ބަދަލުނުކުރުން ކަމަށެވެ.

"ކުރިން ކަންކަން ވި ގޮތަކަށް ނޫން ފުޓްބޯޅައިގައި މިހާރު ކަންތައްތައް ވަނީ، ވަރަށް އަވަހަށް ކަންކަން ބަދަލުވަމުން އަންނަނީ،" މަޝްހޫރު ގިނަ ލީގުތަކެއްގައި މަސައްކަތްކޮށްފައިވާ މޮރީނިއޯ ބުންޏެވެ.

ފީފާ ކްލަބް ވޯލްޑް ކަޕްގައި، އަލް ހިލާލުން ސިޓީ ކަޓުވާލުމަކީ، ވަރަށް ރަނގަޅު ފިލާވަޅެއް ލިބޭނެ މެޗެއް ކަމަށް ވެސް މޮރީނިއޯ ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox