އޮލިމްޕިކް ކޮމިޓީގެ ސެކްރެޓަރީ ޖެނެރަލްގެ މަގާމަށް ތަމޫ ދެ ވަނަ ދައުރަަކަށް އައްޔަނުކޮށްފި

Jul 14, 2025, 2:33 AM
އޮލިމްޕިކް ކޮމިޓީގެ ސެކްރެޓަރީ ޖެނެރަލްގެ މަގާމަށް ތަމޫ ދެ ވަނަ ދައުރަަކަށް އައްޔަނުކޮށްފި

މޯލްޑިވްސް އޮލިމްޕިކް ކޮމިޓީ (އެމްއޯސީ)ގެ އާ ސެކްރެޓަރީ ޖެނެރަލްގެ މަގާމަށް ތަމޫހު އަހުމަދު ސައީދު (ތަމޫ)، ދެ ވަނަ ދައުރަކަށް ރޭ އައްޔަނުކޮށްފި އެވެ.

އޮޮލިމްޕިކް ކޮމިޓީން ރޭ އިއުލާނުކުރި ގޮތުގައި، 2025 އިން 2029 އަށް އެ ޖަމިއްޔާގެ ސެކްރެޓަރީ ޖެނެރަލްގެ މަގާމު ފުރުއްވާނީ ކުރިން ވެސް އެ ޒިންމާ އަދާކުރަމުން އައި، ތަމޫ ކަމަށާއި ފައިނޭންޝިއަލް ޑިރެކްޓަރަކަށް ހަމަޖައްސާފައިވަނީ، ކުރިން އެ މަގާމުގައި ހުރި، އިބްރާހިމް އަޒޫރު ކަމަށެވެ. މިދިޔަ ދައުރުގައި، އަޒޫރު އެ މަގާމަށް ހަމަޖެއްސީ، ހުސެއިން ރަޝީދު (ހުސެން) ވަކިވި ފަހުންނެވެ.

މިދިޔަ މަހު ދެ ވަނަ ދުވަހު، އޮލިމްޕިކް ކޮމިޓީގެ އިންތިހާބު ކާމިޔާބުކުރައްވައި، މުހައްމަދު އަބްދުއްސައްތާރު (ޗަމްޕީ) ވަނީ އިތުރު ދައުރަކަށް ރައީސްގެ މަގާމަށް އިންތިހާބުވެވަޑައިގެންފަ އެވެ.

Advertisement

ކުރިން ޓޭބަލް ޓެނިސް ކުޅުންތެރިއެއްގެ ގޮތުގައި ފެނިގެންދިޔަ ތަމޫ އަކީ، ގިނަ އަހަރުތަކެއް ވަންދެން ސްޕޯޓްސް އެޑްމިނިސްޓްރޭޝަނުގެ މަސައްކަތްތަކަށް ބަލާއިރު، އޮލިމްޕިކް ކޮމިޓީގެ ފަރާތުން ގިނަ ކަންކަމުގައި އެކްޓިވްކޮށް ގިނަ މަސައްކަތްތަކެއް ކުރައްވާފައިވާ ފަރާތެކެވެ.

އޮލިމްޕިކް ކޮމިޓީގެ ދުވަހުން ދުވަހަށް ހިންގުމުގެ އެންމެ އިސް ޒިންމާއާ މީގެ ހަތަރު އަހަރު ކުރިން ހަވާލުވުމުގެ ކުރިން، ތަމޫ ވަނީ، ހާއްސަކޮށް ބައިނަލްއަގުވާމީ ގޭމްސްތަކުގައި ރާއްޖޭން ބައިވެރިވާ ޑެލިގޭޝަންތަކުގެ ކަންކަން އިންތިޒާމު ކުރުމުގައި އިސްކޮށް ހަރަކާތްތެރިވެފަ އެވެ. މިހާރު ވެސްް އޮލިމްޕިކް ކޮމިޓީގެ ސްޓާފުންނާ ގުޅިގެން، އިސްކޮށް ތަމޫގެ ރޯލު ވަރަށް ބޮޑަށް ފެނިގެންދެ އެވެ. އޮލިމްޕިކް ކޮމިޓީގައި މިހާތަނަށް ފުރާފައިވާ މަގާމުތަކުގެ ތެރޭގައި ޕްރޮގްރާމް ކޯޑިނޭޓަރުގެ އިތުރުން ޑިރެކްޓާ ޖެނެރަލްގެ މަގާމު ހިމެނެ އެވެ.

ތަމޫ ވަނީ ޓޭބަލް ޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް)ގެ ޖެނެރަލް ސެކްރެޓަރީގެ މަގާމު ވެސް ފުރުއްވައިފަ އެވެ. އެއީ 2009 އިން 2011 ވަނަ އަހަރުގެ ނިޔަލަށެެވެ. އޭގެ ފަހުން އޭނާ މައިގަނޑުކޮށް ފެނިގެންދަނީ އޮލިމްޕިކް ކޮމިޓީގެ އިދާރީ މަސައްކަތްތަކުގައި އިސް ފަރާތެއްގެ ހައިސިއްޔަތުންނެވެ.

ސެކްރެޓަރީ ޖެނެރަލްގެ ފުރަތަމަ ދައުރުގެ ތެރޭގައި، ތަމޫ ވަނީ އެސޯސިއޭޝަންތަކާ ގުޅިގެން ގިނަ މަސައްކަތްތަކެއް ކުރައްވައިފަ އެވެ. އެ ގޮތުން، ފާއިތުވި އަހަރުތަކުގެ ތެރޭގައި، ރާއްޖޭން ބައިނަލްއަގުވާމީ ކުޅިވަރުގެ އެކި މުބާރާތްތަކުގައި ވާދަކުރިއިރު، އިންޓަނޭޝަނަލް ފެޑެރޭޝަންތަކާ އެކު، ރާއްޖެ އަށް އިތުރު ފުރުސަތުތައް ހޯދުމާއި، ގުޅުން ބަދަހިކުރުމަށް ގިނަގޮތްގޮތުން މަސައްކަތް ކުރެއްވި އެވެ.

އޮލިމްޕިކް ކޮމިޓީގެ ނައިބު ރައީސް ކަމަށް މިހާރު ވެސް އެ މަގާމު ފުރުއްވަމުން އަންނަ އަހުމަދު އިސްމާއިލް އާއި އަހުމަދު މުންތަގިމް (މުންތޭ) އިތުރު ދައުރަކަށް ވަނީ އިންތިހާބުވެފަ އެވެ. އަހުމަދުގެ ނަން ނޮމިނޭޓްކުރީ، ހޭންޑްބޯލް މޯލްޑިވްސް އިންނެވެ. އަދި، އެތުލެޓިކްސް އެސޯސިއޭޝަންގެ ޖެނެރަލް ސެކްރެޓަރީ، މުންތަގިމްގެ ނޮމިނޭޝަން އައީ ޗެސް އެސޯސިއޭޝަނުންނެވެ.

އޮޮލިމްޕިކް ކޮމިޓީ އިންތިހާބުގައި، އޮލިމްޕިކް ސްޕޯޓްސްގެ ގޮޑިތައް ކާމިޔާބުކޮށް، މެމްބަރުކަން ކުރައްވަމުން އަންނަނީ، ކްރިކެޓް ބޯޑް އޮފް މޯލްޑިވްސް (ސީބީއެމް)ގެ ފަރާތުން އަހުމަދު ހުސެއިން (ދޮނާ)، ޓެނިސް އެސޯސިއޭޝަން އޮފް މޯލްޑިވްސް އިން ޔޫސުފް ރިޒާ، މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ) އިން އަހުމަދު އާދަމް (އެޑަމް)، ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން މުހައްމަދު ލަތީފް، މޯލްޑިވްސް ސާފިން އެސޯސިއޭޝަން (އެމްއެސްއޭ) އިން މުހައްމަދު ސޮބާހު (ޗޭ) އަދި ޓޭބަލް ޓެނިސް އެސޯސިއޭޝަން އޮފް މޯލްޑިވްސް އިން އަލީ ރަޝީދު (އައްޔަ) އެވެ.

ނޮން އޮލިމްޕިކް ސްޕޯޓްސްގެ ދެ ޖާގައިގައި ބޮޑީބިލްޑިން އެސޯސިއޭޝަން އޮފް މޯލްޑިވްސް (ބީބީއޭއެމް) އިން އިބްރާހިމް ހަމީދު (އިއްބެ) އާއި މޯލްޑިވްސް ޕޫލް ބިލިއާޑް އެސޯސިއޭޝަން (އެމްޕީބީއޭ) އަހުމަދު ނާސިފްގެ އިތުރުން، އަންހެން ދެ މެމްބަރުންގެ ޖާގަ ލިބުނީ، ނެޓްބޯލް އެސޯސިއޭޝަން އޮފް މޯލްޑިވްސް އިން ފަޒްނާ ޖަލީލް އާއި ޝޫޓިން އެސޯސިއޭޝަން އޮފް މޯލްޑިވްސް އިން އައިޝަތު ހަނާން އަންނަނީ ހިންގާ ކޮމިޓީގައި މަސައްކަތް ކުރަމުންނެވެ.

މީގެ އިތުރުން، އެތުލީޓްސް ކޮމިޝަން ހިންގާ ކޮމިޓީގައި ތަމްސީލްކުރާ މެމްބަރަކީ، ނަޝްފާ އާމިރާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox