ރެއާލް ކަޓުވާލުމަށް ފަހު ޕީއެސްޖީ ކްލަބް ވޯލްޑް ކަޕް ފައިނަލަށް

Jul 9, 2025, 9:02 PM
ރެއާލް ކަޓުވާލުމަށް ފަހު ޕީއެސްޖީ ކްލަބް ވޯލްޑް ކަޕް ފައިނަލަށް

ނިއު ޔޯކް، ޔުނައިޓެޑް ސްޓޭޓްސް (ޖުލައި 10) - ފުރަތަމަ ހާފުގައި ޖެހި ގޯލުތަކާ އެކު، ރެއާލް މެޑްރިޑް 4-0 އިން ބަލިކޮށް، އެ ޓީމު ކަޓުވާލައި، ޔޫރަޕްގެ ޗެމްޕިއަން، ފްރާންސްގެ ޕީއެސްޖީން ފީފާ ކްލަބް ވޯލްޑް ކަޕްގެ ފައިނަލުގެ ފަހު ޖާގަ ހޯދައިފި އެވެ.

އާދިއްތަ ދުވަހުގެރޭ ކުޅޭ ފައިނަލުގައި، ޔުއެފާ ޗެމްޕިއަންސް ލީގުގެ ޗެމްޕިއަން، ޕީއެސްޖީން ކުޅޭނީ، ޔުއެފާ ކޮންފަރެންސް ލީގުގެ ޗެމްޕިއަން، ޗެލްސީއާ ދެކޮޅަށެވެ.

މެޓްލައިފް ސްޓޭޑިއަމްގައި ކުޅުނު މެޗު ފަށައިގެން ފުރަތަމަ މިނިޓުން ފެށިގެން ޕީއެސްޖީން އެޓޭކް ކުރަމުންދިޔައިރު، ޕީއެސްޖީގެ އޮސްމާން ޑެމްބެލޭ ޖެހި ރަނގަޅު ހަމަލާއެއް ރެއާލްގެ ކީޕަރު، ތިބޯ ކޯޓުއާ މަތަކުރި އެވެ.

ޕީއެސްޖީގެ ޑެމްބެލޭ ގޯލު ޖެހުމަށް ފަހު އުފާފާޅުކުރަނީ.

އެކަމަކު، ރެއާލްގެ ޑިފެންޑަރު، ރައުލް އަސެންސިއޯ ހެދި ގޯހެއްގެ ފައިދާނަގައި، ޑެމްބެލޭ ދިން ބޯޅައަކުން މެޗުގެ ހަ ވަަނަ މިނިޓްގައި، އޭރިއާތެރެއިން ފަބިއަން ރުއީޒް ގޯލަށް ބޯޅަ ވައްދާލައި، ޕީއެސްޖީ އަށް ލީޑުނަގައިދިނެވެ. އޭގެ ތިން މިނިޓް ފަހުން، ރެއާލްގެ ޑިފެންޑަރު، އެންޓޯނިއޯ ރޫޑިގާ ހެދި ގޯހެއްގެ ފައިދާނަގައި، ޑެމްބެލޭ ވަނީ އޭރިއާތެރެއަށް ވަދެ، ތިރިތިރިން ގޯލަށް ބޯޅަ ފޮނުވާލައިފަ އެވެ.

އަނިޔާގެ ސަބަބުން ޓްރެންޓް އަލެންސަންޑަ އާނޯލްޑް ނުލައި ކުޅުނު ރެއާލުން ފުރަތަަމަ އެގާރައިގައި، ކީލިއަން އެމްބާޕޭ ހިމަނައިގެން މި މެޗުގައި ކުޅުނުއިރު، މިއީ، އޭނާ ކުރީގެ ކްލަބާ ދެކޮޅަށް ކުޅުނު ފުރަތަަމަ މެޗެވެ. މި ފަހަރުގެ ކްލަބް ވޯލްޑް ކަޕްގައި އެމްބާޕޭ ބަލިވެ އުޅޭތީ އެއްކޮށް ފިޓެއް ނޫނެވެ.

ރެއާލުން ކުރިއަށް ޖެހިގެން ކުޅެނިކޮށް، ޕީއެސްޖީން ކުރި އެޓޭކެއްގައި، މެޗުގެ 24 ވަަނަ މިނިޓްގައި އެ ޓީމުގެ ތިން ވަނަ ލަނޑު ޖެހި އެވެ. މިއީ، އަޝްރަފް ހަކީމީ ދިން ބޯޅައެއްގައި، ހަމަޖެހިލައިފައި، ރުއިޒް ޖެހި ގޯލެކެވެ.

ޕީއެސްޖީގެ ހަކީމީ (ކ) އަތުން ބޯޅަ ހޯދަން ޕީއެސްޖީގެ އެމްބާޕޭ މަސައްކަތް ކުރަނީ.

ދެ ވަނަ ހާފުގައި ބަދަލުތަކެއް ގެނެސްގެން، ރެއާލުން އެޓޭކް ކުރެވޭތޯ ބެލިއިރު، މި މުބާރާތަށް ފަހު، އެ ޓީމު ދޫކޮށްލަން ނިންމާފައިވާ ކްރޮއޭޝިއާގެ ތަޖުރިބާކާރު މިޑްފީލްޑަރު، ލޫކަ މޮޑްރިޗް ވެސް ވަނީ ކުޅެން އަރައިފަ އެވެ. މިއީ، މޮޑްރިޗް، ރެއާލް ޖޯޒީގައި ފެނުނު ފަހު މެޗެވެ.

ޕީއެސްޖީން ފަހު ގޯލު ޖެހީ މެޗުގެ 88 ވަނަ މިނިޓްގަ އެވެ. މި ލަނޑު ޖެހީ ބަދަލަކަށް ކުޅެން އެރި ދެ ކުޅުންތެރިން ގުޅިގެންނެވެ. އެ ގޮތުން، ޕީއެސްޖީގެ ބްރެޑްލީ ބަކޯލާ ތަނަވަސްކޮށްދިން ފުރުސަތެއްގައި، މި ލަނޑު ޖެހީ، ހަމަޖެހިލައިފައި ގޯލަށް ބޯޅަ ވައްދާލި ޕޯޗުގީސް ފޯވާޑް ގޮންޒާލޯ ރާމޯސް އެވެ.

މިއީ، ރެއާލްގެ ކޯޗުކަމާ ކްލަބް ވޯލްޑް ކަޕާ ދިމާކޮށް ހަވާލުވި، ޒަބީ އަލޮންސޯގެ އިރުޝާދުގެ ދަށުން ކުޅުނު މެޗަކުން އެ ޓީމު ބަލިިވި ފުރަތަމަ ފަހަރެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox