ތިއާގޯ ސިލްވާ ކްލަބް ވޯލްޑް ކަޕްގެ ސެމީ ފައިނަލުގައި ޗެލްސީއާ ދެކޮޅަށް ހާއްސަ މެޗަކަށް

Jul 8, 2025, 2:28 AM
ތިއާގޯ ސިލްވާ ކްލަބް ވޯލްޑް ކަޕްގެ ސެމީ ފައިނަލުގައި ޗެލްސީއާ ދެކޮޅަށް ހާއްސަ މެޗަކަށް

ނިއު ޖާޒީ، ޔުނައިޓެޑް ސްޓޭޓްސް (ޖުލައި 8) - ފީފާ ކްލަބް ވޯލްޑް ކަޕްގެ ސެމީ ފައިނަލުގައި ބްރެޒިލްގެ ފްލުމިނެންސޭގެ ކެޕްޓަން، ތަޖުރިބާކާރު، ޑިފެންޑަރު، ތިއާގޯ ސިލްވާ، އޭނާގެ ކުރީގެ ކްލަބް ޗެލްސީއާ ދެކޮޅަށް ކުޅޭ މެޗު ހާއްސަވާނެ އެވެ.

ފްލުމިނެންސޭގެ ޔޫތު ޓީމަށް 1998-2000 އަށް ކުޅުނު ތިއާގޯ ސިލްވާ، 40، ވަނީ އެ ކްލަބަށް 2006-2009 އަށް ވެސް ކުޅެފަ އެވެ. މިދިޔަ ހަތަރު އަހަރު ޗެލްސީގައި ހޭދަކުރި ތިއާގޯ ސިލްވާ، ދިޔައީ ކޮންމެ ސީޒަނަކަށް ފަހު ޗެލްސީގެ ކޮންޓްރެކްޓް އާ ކުރަމުންނެވެ. އެކަމަކު، މި ސީޒަން ފެށުމުގެ ކުރިން އޭނާ ނިންމާފައިވަނީ އުފަން ގައުމަށް އެނބުރި ދާށެވެ.

ފީފާ ކްލަބް ވޯލްޑް ކަޕްގެ ޖާގަ ޗެލްސީ އަށް ލިބުމުގައި، ތިއާގޯ ސިލްވާގެ ރޯލު ވެސް ބޮޑެވެ. އެއީ، ތިއާގޯ ސިލްވާގެ ބައިވެރިވުން ހިމެނޭ ގޮތަށް، 2021 ވަނަ އަހަރު ޗެލްސީން ޔުއެފާ ޗެމްޕިއަންސް ލީގު ކާމިޔާބުކޮށްފައިވުމެވެ.

Advertisement

ސައުދީ ޕްރޯ ލީގުގެ އަލް ހިލާލްގެ މައްޗަށް ކުއާޓާ ފައިނަލުގައި ކުރި ހޯދި މެޗަށް ފަހު، ތިއާގޯ ސިލްވާ ބުނީ، ފްލުމިނެންސޭ އިން ކްލަބް ވޯލްޑް ކަޕްގެ ސެމީ ފައިނަލުން ޖާގަ ހޯދުމަށް ކުރީ ވަރަށް ބުރަ މަސައްކަތެއް ކަމަށެވެ. އަދި، ސެމީ ފައިނަލުގައި ޗެލްސީއާ ކުޅެން ޖެހިއްޖެނަަމަ، ވަރަށް ހާއްސަވާނެ ކަމަށް ވެސް ޗެލްސީން ޕަލްމެއިރާސްއާ ކުޅުނު މެޗުގެ ކުރިން ތިއާގޯ ސިލްވާ ވަނީ ބުނެފަ އެވެ.

ޗެލްސީގެ ސްޕެނިޝް ފުލްބެކް، މާކް ކުކުރޭއާ ވަނީ، ޕަލްމެއިރާސް މެޗުގެ ކުރިން، ތިއާގޯ ސިލްވާގެ މެސެޖެއް ލިބުނު ކަމަށް ބުނެފަ އެވެ. އަދި، ސެމީ ފައިނަލުގައި ޗެލްސީއާ ބައްދަލުކުރުމަކީ، ތިއާގޯ ސިލްވާ އެދިގެން ހުރި ކަމެއް ކަމަށް ކުކުރޭއާ ބުނެފައިވެ އެވެ.

މިދިޔަ ސީޒަނަށް ފަހު، ޗެލްސީ ދޫކޮށްލުމުގެ ކުރިން، ތިއާގޯ ސިލްވާ ވަނީ، ކުޅުމުގެ ކެރިއަރުގައި ނޫން ކަމުގައި ވިޔަސް، ޗެލްސީގައި އޭނާގެ ފުޓްބޯޅަ ހަޔާތުގެ އާ ޗެޕްޓަރެއް ކުރިއަށްގެންދިއުމަކީ ބޮޑު އުންމީދެއް ކަމަށް ބުނެފަ އެވެ.

އޭސީ މިލާނާއި ޕީއެސްޖީ އަށް ވެސް ކުޅެފައިވާ ތިއާގޯ ސިލްވާ ވަނީ ޔޫރަޕްގައި 30 ޓްރޮފީ ހޯދައިފަ އެވެ.

ޗެލްސީއާ ހިލޭ ޓްރާންސްފާއެއްގައި ގުޅުމަށް ފަހު، އެ ޓީމަށް ރަނގަޅު ކުޅުމެއް ދެއްކި ތިއާގޯ ސިލްވާ އަކީ، 2022/2023 ވަނަ ސީޒަނުގައި އެ ކްލަބުން ހޮވި އެންމެ މޮޅު ކުޅުންތެރިޔާ އެވެ. ތިއާގޯ ސިލްވާ، ވަނީ ޗެލްސީ އަށް 150 އަށް ވުރެ ގިނަ މެޗު ކުޅެދީފަ އެވެ.

ނިއު ޖާޒީގެ މެޓްލައިފް ސްޓޭޑިއަމްގައި ޗެލްސީ އާއި ފްލުމިނެންސޭ އިން ކުޅޭ ސެމީ ފައިނަލް މެޗު ފަށާނީ މިރޭ 00:00 ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox