ކިހާދޫއަށް ކަރަންޓު ދޭ ދެ އިންޖީނު ހަލާކުވެ ކޮންމެ 30 މިނެޓަކުން ކަރަންޓު ކަނޑަން ފަށައިފި

ބ. ކިހާދޫ

ބ. ކިހާދޫ

ބ. ކިހާދޫއަށް ކަރަންޓު ދިނުމަށް ބޭނުންކުރަމުން އައި ތިން އިންޖީނުގެ ތެރެއިން 250 ކިލޯވޮޓްގެ ދެ އިންޖީނު ހަލާކުވެ، ކޮންމެ 30 މިނެޓަކުން ރަށުން ކަރަންޓު ކަނޑަން ފަށައިފި އެވެ.

ކިހާދޫއަށް ކަރަންޓު ދެމުން އަންނަ ފެނަކައިން އެ ރަށުގެ ރައްޔިތުންނަށް އަންގާފައި ވަނީ ކަރަންޓު ފޯރުކޮށްދޭ 250 ކިލޯވޮޓްގެ އިންޖީނު ހަލާކުވުމުން މައްސަލަ ހައްލުވަންދެން ރަށުގެ ދެ ފަރާތު ފީޑަރުން ކޮންމެ 30 މިނެޓަކުން ކަރަންޓު ކަނޑަން ޖެހޭ ކަމަށެވެ.

ކިހާދޫ ކައުންސިލްގެ ރައީސް ހުސައިން ޝާފިއު އަދަދު އާ ވާހަކަ ދައްކަވަމުން ވިދާޅުވީ އެ ރަށުގައި ކަރަންޓުގެ ހިދުމަތް ދެމުން އަންނަ 250 ކިލޯވޮޓްގެ އިންޖީނު މީގެ ތިން މަހެއްހާ ދުވަސް ކުރިން ހަލާކުވުމުން، ކަރަންޓުގެ ހިދުމަތް ދެމުން އައީ 250 ކިލޯވޮޓްގެ އިންޖީނަކާއި 160 ކިލޯވޮޓްގެ އިންޖީނެއް ބޭނުންކޮށްގެން ކަމަށެވެ.

Advertisement

"ދެ އިންޖީނުގައި ނިއްވާނުލާ ކަރަންޓު ދެމުން އަންނަތާ ތިން މަސް ދުވަސްވަރު ވެދާނެ. ހަފްތާއަކު އެއްފަހަރު ކަހަލަ ގޮތަކަށް ރެސްޓު ދޭން ވެގެން ބައި ގަޑިއިރަށް ނިއްވާލިއަސް ނިއްވާލަނީ. އެހެން ހަދަނިކޮށް ދެވަނަ އިންޖީނު ހަލާކުވެ އެއް އިންޖީނު މިހާރު ހިންގަމުންދަނީ. އެ އިންޖީނަކުން މުޅި ރަށަށް ކަރަންޓު ނުދެވޭ. އެހެންވެ ބައިގަޑިއިރުން ބައިގަޑިއިރުން ކަރަންޓު ކަނޑަމުންދަނީ،" އޭނާ ވިދާޅުވި އެވެ.

ފުރަތަމަ އިންޖީނު ހަލާކުވުމުން އެ މައްސަލަ ހައްލު ކުރަން ފެނަކައިގައި އެދިފައިވާތާ ތިން މަސް ވެގެންދިޔައިރު ވެސް އެކަށީގެންވާ މަސައްކަތެއް ނުކުރާ ކަމަށް ޝާފިއު ފާހަގަކުރެއްވި އެވެ.

އޭނާ ވިދާޅުވީ ފުރަތަމަ އިންޖީނު ހަލާކުވުމާ ގުޅިގެން ކަރަންޓު ލޯޑު ބޮޑުވާތީ ފެނަކައިން އެދިގެން މިސްކިތުގެ އޭސީތައް ވެސް ކަނޑައި، ލޯޑު ކުޑަ ކުރުމަށް މަސައްކަތްތަކެއް ކޮށްފައިވާ ކަމަށާއި އެ ރަށަށް މަދުވެގެން 300 ކިލޯވޮޓްގެ ކަރަންޓު ބޭނުންވާނެ ކަމަށެވެ.

މީގެއިތުރުން ކޮންމެ 30 މިނެޓަކުން ކަރަންޓު ކަނޑަން ޖެހުމުން އެއީ ވަރަށް ކަންބޮޑުވާ ކަމެއްކަން ފާހަގަކުރައްވަމުން ޝާފިއު ވިދާޅުވީ އޭގެ ސަބަބުން ރައްޔިތުންނަށް ތަކުލީފުތަކަކާ ކުރިމަތިލާން ޖެހޭނެ ކަމަށެވެ.

ބޮޑުމިނުގައި 26.4 ހެކްޓަރު ހުންނަ ކިހާދޫގައި 600 އެއްހާ މީހުން ދިރިއުޅެމުން އަންނައިރު، އެ ރަށަކީ ދެފަހަރު މަތިން މީހުން އާބާދުވި ރަށެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox