ތަޖުރިބާ ދަތުރު ކުރަން ޖެހެނީ ހަމައެކަނި މާލޭގައި ތިބޭ ބައެެއް ނޫން: ޝާފިއު

ބ. ކިހާދޫގައި އިއްޔެ ބޭއްވި ޖަލްސާގައި ރައީސްގެ މުއިއްޒުގެ ވާތް ފަޅީގައި ކައުންސިލްގެ ރައީސް ޝާފިއު. -- ފޮޓޯ: ރައީސް އޮފީސް

ބ. ކިހާދޫގައި އިއްޔެ ބޭއްވި ޖަލްސާގައި ރައީސްގެ މުއިއްޒުގެ ވާތް ފަޅީގައި ކައުންސިލްގެ ރައީސް ޝާފިއު. -- ފޮޓޯ: ރައީސް އޮފީސް

ކައުންސިލްތަކުން ރާއްޖޭން ބޭރަށް ކުރާ ތަޖުރިބާ ދަތުރުތަކަކީ ބޭކާރު ހަރަދެއް ކަމަށް ރައީސް މުހައްމަދު މުއިއްޒު ވިދާޅުވެފައި ވަނިކޮށް، އެކަމަށް ރައްދެއް ދެއްވައި، ތަޖުރިބާ ދަތުރު ކުރަން ޖެހެނީ ހަމައެކަނި މާލޭގައި ތިބޭ ބައެެއް ނޫން ކަމަށް ބ. ކިހާދޫ ކައުންސިލްގެ ރައީސް ހުސައިން ޝާފިއު ވިދާޅުވެއްޖެ އެވެ.

ލާމަރުކަޒީ ގާނޫނު ބަދަލުކޮށް ކައުންސިލްތަކުގެ ބާރުތައް ހަނިކުރުމުގެ ބިލެއް ޕީއެންސީގެ މެޖޯރިޓީ އޮތް މަޖިލީހުން ފާސްކޮށްފައި ވަނިކޮށް، ރައީސް މުހައްމަދު މުއިއްޒު ބ. އަތޮޅަށް މިހާރު ކުރައްވަމުން ގެންދަވާ ދަތުރުގައި އިއްޔެ އެ އަތޮޅު ކިހާދޫ އަށް ވަޑައިގެގެން ބޭއްވި ޖަލްސާގައި ކައުންސިލްގެ ރައީސް ޝާފިއު ބޭރު ގައުމުތަކުން ކަންކަން ދަސްކުރަންޖެހޭ ކަމަށާއި އެއީ ބޭކާރު ހަރަދެއް ކަމަށް ސަރުކާރުން ވާހަކަ ދެއްކުމަކީ ދެރަވަރު ކަމެއް ކަމަށެވެ.

"ކައުންސިލްތަކުން ތަޖުރިބާ ދަތުރުތައް ގޮސް ބޭކާރު ހަރަދުތައް ކުރާ ވާހަކަ ސަރުކާރާއި މަޖިލީހުގެ ވަރަށް ގިނަ މެންބަރުން ކެނޑިޅޭޅި ދައުލަތުގެ މީޑިއާ ބޭނުންކޮށްގެން ދައްކަމުން އެބަ ގެންދަވާ. މިއީ ވަރަށް ދެރަ ކަމެއް،" ޝާފިއު ވިދާޅުވި އެވެ.

"ރާއްޖެއިން ބޭރު ގައުމުތަކުގައި ރައްޔިތުންނަށް ލުއިފަސޭހަ ވާނެގޮތައް ހިދުމަތްތައް ބައްޓަން ކުރުމަށާއި ރައްޔިތުންގެ ފުދުންތެރިކަން އިތުރުކުރުމަށް އިންޤާ އިޤްތިސާދުތައް ހިނގާގޮތް ބަލާ ދަސްކުރަން ޖެހޭ. އެއީ ހަމައެކަނި މާލޭގައި ޒަމާނުއްސުރެ ހިންގަމުންދާ ވުޒާރާތަކުގައި ތިބޭ މީހުންނަށް ފެންނަން ޖެހޭ މަންޒަރެއްގެ ގޮތުގައި ދެކެމުން އައި ދެކުން މިއަދު ބަދަލުވާން ޖެހޭ."

ކައުންސިލްތަކުގެ ބާރުތައް ނެގުމަށް މުއިއްޒު މަސައްކަތް ކުރައްވާތީ އެކަމަށް ރައްދު ދެއްވައި ޝާފިއު ވިދާޅުވީ ކައުންސިލްތަކަކީ ދިވެހި ދައުލަތުގެ ތެރޭގައި އެންމެ ހާމަކަން ބޮޑު ގޮތެއްގައި ހިންގާ، ރައްޔިތުންނަށް އެންމެ ޖަވާބުދާރީވާ، އެންމެ ކޮރަޕްޝަން މަދު އަދި އެންމެ ގިނަ ބައެއްގެ ބައިވެރިވުމާއި ޝާމިލްވުން އޮވެގެން ހިންގާ އިދާރަތައްކަން ރާއްޖޭގެ ހުރިހާ ރައްޔިތުން ގަބޫލުކުރާނެ ކަމަށެވެ.

މިހާތަނަށް ކޮށްފައިވާ އޮޑިޓުތަކުން އެނގޭ ގޮތުގައި ކައުންސިލްތަކުން ކޮށްފައިވާ ކޮރަޕްޝަން އަމަލުތަކުގެ ސަބަބުން ދައުލަތަށް ގެއްލިފައި ވަނީ ފަސް މިލިއަން ޑޮލަރު ކަމަށާއި އެއީ ދައުލަތުގެ އެހެން އިދާރާތަކުގެ ތެރޭގައި ހިންގާފައިވާ ކަރަޕްޝަންގެ އަމަލުތަކުގެ ސަބަބުން ގެއްލިފައިވާ ފައިސާއާ އަޅާބަލާއިރު 0.001 ޕަސަންޓަށް ވުރެ ވެސް ކުޑަ އަދަދެއް ކަމަށް ޝާފިއު ވިދާޅުވި އެވެ.

"އެހެންކަމުން ލާމަރުކަޒީ ނިޒާމު ހަރުދަނާ ކުރުމަށް ކޮންމެ ވެރިކަމެއްގައިވެސް އެންމެ ފަހުރުވެރިކަމާއެކު ކުރާ ކަމަކީ ކައުންސިލްތަކުގެ މެންބަރުން މަދުކޮށް ގިނަކޮށް ހެދުން ކަމުގައި ނުހައްދަވާ މައުނަވީ ގޮތެއްގައި މި ނިޒާމަށް ހެޔޮ ބަދަލެއް ގެނެވޭނެގޮތަކަށް މަނިކުފާނުގެ ސަރުކާރަށް ރައްޔިތުން ދީފައިވާ މަޖިލީހުގެ ސްޕަ މެޖޯރިޓީގެ ބޭނުން ހިއްޕާވާ އެ ބަދަލު ގެނެސްދެއްވުމަށް ވަރަށް އަދުވެރިކަމާއެކު އެދި ދަންނަވަން،" ޝާފިއު ވިދާޅުވި އެވެ.

ލާމަރުކަޒީ ގާނޫނަށް ބަދަލުތަކެއް ގެންނަން އޮގަސްޓު 6 ގައި ފާސްކުރި ބިލް ތަސްދީގު ނުކުރެއްވުމަށް ޝާފިއު އެދިވަޑައިގަތެވެ.

އެ ބިލް ތަސްދީގު ނުކުރަން ރާއްޖޭގެ 80 އަށް ވުރެ ގިނަ ކައުންސިލްތަކުން ގޮވާލާފައިވެ އެވެ. އަދި ރައީސް މުއިއްޒު ބ. އަތޮޅަށް ކުރެއްވި ދަތުރުގައި ބޭއްވި ޖަލްސާގައި ބައެއް ރަށްރަށުގެ ކައުންސިލުން ވެސް ބިލާ ދެކޮޅަށް ވާހަކަ ދެއްކެވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox