މައްސަލަތައް ހައްލު ކުރެވޭނެ، ޕާޓީ ވަރުގަދަވާނީ "ކަށިކެޔޮގަނޑު" އެކައްޗަކަށްވެގެން: ފައްޔާޒް

ފައްޔާޒް މިއަދު ނޫސްވެރިންނާ ވާހަކަ ދައްކަވަނީ: ވިދާޅުވީ ހިތްހަމަނުޖެހުން ހުއްޓަސް ކުރިއަށްދެވޭނީ ކުރިން ކެނޑުނު މެންބަރުން އެކުވެގެން ކަމަށް ގިނަ މީހުން ގަބޫލު ކުރާ ކަމަށް -- ފޮޓޯ: އެމްޑީޕީ

ފައްޔާޒް މިއަދު ނޫސްވެރިންނާ ވާހަކަ ދައްކަވަނީ: ވިދާޅުވީ ހިތްހަމަނުޖެހުން ހުއްޓަސް ކުރިއަށްދެވޭނީ ކުރިން ކެނޑުނު މެންބަރުން އެކުވެގެން ކަމަށް ގިނަ މީހުން ގަބޫލު ކުރާ ކަމަށް -- ފޮޓޯ: އެމްޑީޕީ

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ އެތެރޭގައި ހުރި މައްސަލަތައް ހައްލު ކުރެވޭނެ ކަމަށާއި ޕާޓީ މިހާރަށް ވުރެ ވަރުގަދަ ކުރެވޭނީ ޕާޓީ އިން ކުރިން ކެނޑުނު މެންބަރުން ވެސް އަނބުރާ އައިސް، "ކަށިކެޔޮގަނޑު އެކައްޗަކަށްވެގެން" ކަމަށް އެ ޕާޓީގެ ޗެއާޕާސަން ފައްޔާޒް އިސްމާއިލް މިއަދު ވިދާޅުވެއްޖެ އެވެ.

ކުރީގެ ރައީސް މުހައްމަދު ނަޝީދު އަލުން އެމްޑީޕީއާ ގުޅުމާއި އެމަނިކުފާނާ ނުރުހޭ ބޭފުޅުން ލީޑާޝިޕުގައި ތިބުމާ ގުޅޭ ގޮތުން، ޕާޓީއިން މިއަދު ބޭއްވި ނޫސްވެރިންގެ ބައްދަލުވުމެއްގައި ސުވާލު އަމާޒުވުމުން ފައްޔާޒް ވިދާޅުވީ، ކުރިއަށް އޮތް ތަނުގައި އެފަދަ މައްސަލަތައް "ހިހޫވާނެ" ކަމަށް ގަބޫލު ކުރައްވާ ކަމަށެވެ.

އަޅުގަނޑު ގަބޫލު ކުރަނީ ކުރިއަށް އޮތް ދުވަސްތަކުގެ ތެރޭގައި އެކަންކަން މަޑުމަޑުން ހިހޫވެގެން ދާނެ ކަމަށް. މީގައި އަޅުގަނޑުމެން ގަބޫލު ކުރަންޖެހޭ ހަގީގަތަކީ ދިވެހިރާއްޖެ މި ދާ މިސްރާބު ހުއްޓުވޭނީ އެމްޑީޕީ ވަރުގަދަވެގެން،" ފައްޔާޒް ވިދާޅުވި އެވެ.

Advertisement

"އެމްޑީޕީ ވަރުގަދަވެވޭނީ ހަމަ ހަގީގަތުގައި ވެސް، އަވަހަށް ވަރުގަދަވެވޭނީ، ކައިރި މުސްތަގުބަލެއްގައި އެމްޑީޕީއަށް ވަރުގަދަވެވޭނީ އެމްޑީޕީއިން ވަކިވެގެން ގޮސްފައި ތިބި ބޮޑު ޗަންކެއް އަޅުގަނޑުމެން އަލުން އެއްވެގެން. ކަށިކެޔޮގަނޑު އެކައްޗަކަށް ހެދިގެން ހަމަ ވަރުގަދަވެވޭނީ،"

ޗެއާޕާސަން ވިދާޅުވީ، މީގެ ދެ އަހަރެއްހާ ދުވަސް ކުރިން ނަޝީދު އެމްޑީޕީއިން ވަކިވެގެންދިޔަ ގޮތުން ޕާޓީގެ އެތެރޭގައި ހިތްހަމަނުޖެހުން އެބަ ހުރި ކަމަށެވެ. އެކަމަކު، އެފަދަ ކަންކަން ހިތުގައި ލައިގެން ސިޔާސީ މަސައްކަތް ނުކުރެވޭނެ ކަމަށް އޭނާ ވިދާޅުވި އެވެ.

"އެބަހުރި ހިތްހަމަނުޖެހުން. ފާހަގަ ކުރެއްވި ގޮތަށް ވަރަށް ހުތުރުކޮށް ކަންކަން ގޮސްފައި އޮތީ. ދެން އެއީ އެންމެ ރަނގަޅަށް ވެފައި ހުރި ކަންކަމެއް ނޫން،" ފައްޔާޒް ވިދާޅުވި އެވެ. "އަޅުގަނޑު ގަބޫލު ކުރާ ގޮތުގައި އެކަހަލަ ކަންތައް ހިތުގައި ނުލައި ސިޔާސީ ކަންކަން ކުރުމުގައި އަޅުގަނޑުމެން ދަސްކުރަންޖެހޭ، އުޅެންޖެހޭ." ފައްޔާޒް ވިދާޅުވި އެވެ.

ނަޝީދު އެނބުރި އެމްޑީޕީއާ ގުޅުމުން ޕާޓީގެ ގިނަ މެންބަރުންގެ ފަރާތުން އެކަން ބަލައިގެންފައިވާ ކަމަށް ވެސް ފައްޔާޒް ވިދާޅުވި އެވެ. އެއީ އެމްޑީޕީއަށް ހަރުދަނާކޮށް ކުރިއަށްދެވޭނީ ޕާޓީ އެކުވެގެން ކަމަށް މެންބަރުން ގަބޫލު ކުރާތީ ކަމަށް ވެސް ފައްޔާޒް ވިދާޅުވި އެވެ.

"މިކަމާ [ނަޝީދު ޕާޓީއާ ގުޅުމާ] ގުޅިގެން ލިބުނު ފީޑްބެކުގައި، އަޅުގަނޑު ދަންނަވާނީ 90 ޕަސެންޓު [މެންބަރުން] ގަބޫލު ކުރައްވާ ކުރިއަށް ދެވޭނީ މިގޮތަށް ކަމަށް އަދި ހިތްހަމަނުޖެހުން ހުރި ކަމުގައިވިޔަސް،" އޭނާ ވިދާޅުވި އެވެ.

އެމްޑީޕީއާ އަލުން ގުޅިވަޑައިގަތުމަށްފަހު މިދިޔަ ހޯމަ ދުވަހުގެ ރޭ ވާހަކަ ދައްކަވަމުން ނަޝީދު ވިދާޅުވީ އަލުން އެނބުރި ގެއަށް އާދެވުނުކަމުގެ އިހުސާސް މިހާރު ކުރެއްވޭ ކަމަށެވެ.

"އަޅުގަނޑު ޕާޓީއާ ދުރުގައި ދެ އަހަރެއްވަރުވެއްޖެ. އެހެންނަމަވެސް މިރޭ، މިތަނަށް އައިސް ހުންނަ އިރު، އިންތިހާއަށް އަޅުގަނޑު އުފާވޭ. އަލުން އަނބުރާ ރަށަށް އާދެވުމުން، ގެއަށް އާދެވުމުން އެނގިވަޑައިގަންނަވާނެ، އަޅުގަނޑު ދިރިއުޅެނީ އެފްރިކާގައި. އަލުން އަނބުރާ ގެއަށް އާދެވުމުން އެ ވާ އުފާ، އެ ލިބޭ ހިތްހަމަޖެހުން އެ އަންނަ ހިނި، އަޅުގަނޑަށް އަޅުގަނޑު ހިތުން ދުވަހަކު ވެސް ހިތުން ފިލައެއްނުދާނެ، ތިބޭފުޅުންނަށް ވަރަށް ވަރަށް ބޮަޑަށް ޝުކުރިއްޔާ،" ނަޝީދު ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox