ކުރީ ސަރުކާރުން އިއުލާން ކޮށްފައިވާ ގޮތަށް އުތުރު ތިލަފަޅުން ގޯއްޗާއި ފްލެޓު ދޭން ޔޫނިއަން އިން ގޮވާލައިފި

ކުރީ ސަރުކާރުން އިއުލާން ކޮށްފައިވާ ގޮތަށް އުތުރު ތިލަފަޅުން ގޯއްޗާއި ފްލެޓު ދޭން ޔޫނިއަން އިން ގޮވާލައިފި

މިދިޔަ ސަރުކާރުން ހިންގި "ގެދޮރުވެރިޔާ" އަދި "ބިންވެރިޔާ" ސްކީމްގެ ދެވަނަ ފިޔަވަހީގެ ދަށުން އުތުރު ތިލަފަޅު ހިއްކައި، އެ ސަރުކާރުން އިއުލާން ކޮށްފައިވާ ގޮތަށް އެ ތަނުން ބޯހިޔާވަހިކަން ފަހިކޮށްދިނުމަށް އެ ސްކީމުގައި ބައިވެރިވާން ހުށަހެޅި މީހުންގެ ހައްގުތަކަށް ވަކާލާތު ކުރާ އުތުރު ތިލަފަޅު ޔޫނިއަނުން ބުނެފި އެވެ.

އުތުރު ތިލަފަޅު ޔޫނިއަންގެ ފަރާތުން މިއަދު ނޫސްވެރިންނާ ބައްދަލުކޮށް އެ ޔޫނިއަންގައި ހުރި ކަންބޮޑުވުންތައް ފާޅުކޮށްފަ އެވެ. އެގޮތުން، ފޯމުތައް އިވެލުއޭޓް ނުކުރުމާއި، ގޯތި ދިނުމަށް މަސައްކަތް ކުރަމުން ނުދާތީ އާއި، އުތުރު ތިލަފަޅުގައި ތަފާތު އެކި މަޝްރޫއުތައް ހިންގަން ސަރުކާރުން ހާމަކޮށްފައިވާ ކަންކަމާ މެދު އެ ޔޫނިއަންއިން ނުރުހުން ފާޅުކުރި އެވެ.

"އުތުރު ތިލަފަޅުން ގޯތި ދިނުމަށް ކުރީ ސަރުކާރުން ހުށަހަޅާފައިވާ ގޮތަށް، ކުރީ ސަރުކާރުން އެކުލަވާލާފައިވާ އަދި ގެޒެޓުކޮށްފައިވާ ގޮތަށް، އެ ހުށަހަޅާފައިވާ ފޯމުތައް އަވަހަށް އިވެލުއޭޓް ކުރަން ފައްޓަވާށޭ. ހަމަ އެއާއެކު ރައީސް މުއިއްޒު ވައުދުވެވަޑައިގެންފައިވާ ގޮތަށް، އެއީ ރައްޔިތުންނަށް ލިބިފައިވާ ފްލެޓުތަކާއި ގޯތިތައް، ކުރީ ސަރުކާރުން އެކަށައަޅައި ކަނޑައަޅާފައިވާ ގޯތިތަކާއި، ހުރިހާ ފްލެޓުތައް ދީ ނިންމަވާށޭ،" އެ ޔޫނިއަންގެ ފަރާތުން ވަކީލު އަލީ ހުސައިން ވިދާޅުވި އެވެ.

މާލެއަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދައިދިނުމަށްޓަކައި ފަށާފައިވާ "ބިންވެރިޔާ" ސްކީމުގެ ދެވަނަ ފިޔަވަހިން ބަންޑާރަ ގޯތި ދޫކުރުމުގެ އުސޫލާއި "ގެދޮރުވެރިޔާ" ސްކީމުގެ ދެވަނަ ފިޔަވަހިން ފުލެޓު ދޫކުރުމުގެ އުސޫލު ގެޒެޓު ކުރީ ސެޕްޓެމްބަރު 23، 2023، ގަ އެވެ.

އޭރުގެ އެމްޑީޕީ ސަރުކާރުން އެ ސްކީމް ހުޅުވާލީ މާލޭގެ ރައްޔިތުންނާއި، ދަފްތަރުގައި ތިބި ރައްޔިތުންނާއި، 20 އަހަރަށް ވުރެ ގިނަ ދުވަހު މާލޭގައި ދިރިއުޅެފައިވާ ރަށްރަށުގެ ރައްޔިތުންނަށް ކުރިމަތިލެވޭ ގޮތަށެވެ. މިއީ މާލެ ސަރަހައްދުގައި މިހާ ގިނަ ބަޔަކަށް ކުރިމަތިލެވޭ ގޮތަށް އިއުލާނު ކުރި ފުރަތަމަ ބޯހިޔާވަހިކަމުގެ ސްކީމެވެ.

"މާލޭގައި އެތަކެއް ޒަމާންތަކެއް ވަންދެން ދިރިއުޅެމުންދިޔަ ރަށްރަށަށް ނިސްބަތްވާ މީހުންނަށް، މާލޭގެ ރަށްވެހިންގެ ގޮތުގައި ދިރިއުޅެމުންދިޔަ ރަށްރަށުގެ މީހުންނަށް ވެސް މާލޭގެ ސަރަހައްދުން ގޯތި ދިނުމުގެ ފުރުސަތު ހުޅުވާލުމަކީ އަޅުގަނޑުމެން ގަބޫލުކުރާ ގޮތުގައި މިދިޔަ ސަރުކާރުން ރާއްޖޭގެ ރައްޔިތުން ދެއްވި އުންމީދު. އެ އުންމީދު ހަގީގަތަކަށް ހެދުމަށް އުތުރު ތިލަފަޅު ޔޫނިއަނުން މަސައްކަތް ކުރަމުން ދަނީ،" އަލީ ހުސައިން ވިދާޅުވި އެވެ.

އެ ސްކީމުގެ ދަށުން ގޯއްޗާއި ފްލެޓު ހޯދުމަށް 40،000 އަށް ވުރެ ގިނަ މީހުން ކުރިމަތިލި އެވެ. އެއީ ބިން ހޯދަން ހުށަހެޅި 19،347 ފޯމާއި ފްލެޓު ހޯދުމަށް އެދި ހުށަހެޅި 21،247 ފޯމެވެ. މިހާރު ވެސް ނޮވެމްބަރު 16، 2023، ގައި އާންމުކުރި އެ ލިސްޓު ސަރުކާރުގެ ގެޒެޓުން ފެންނަން އެބައޮތެވެ.

ނުހިއްކާ އޮތް ފަޅަކުން ގޯތި ދިނުމުން ގާނޫނީ މައްސަލަތަކެއް ދިމާވާނެ ކަމަށް ސަރުކާރުން ބުނަމުންދިޔަ ނަމަވެސް އެއީ ރައްޔިތުންގެ މަޖިލީހުގައި އޮތް ސުޕަ މެޖޯރިޓީ ބޭނުންކޮށްގެން ހައްލު ކުރެވޭނެ ކަންކަން ކަމަށް އެ ޔޫނިއަނުން ދެކެ އެވެ.

މި ސަރުކާރު ވެރިކަމަށް އައުމަށް ފަހު ފެށި ރަސްމާލެ މަޝްރޫއު އެވެ. އުތުރު ތިލަފަޅު ހިއްކުމަށް ވުރެ ރަސްމާލެ މަޝްރޫއުއަށް މި ސަރުކާރުން އިސްކަން ދޭތީ އިދިކޮޅު އެމްޑީޕީން ކަންބޮޑުވުން ވެސް ފާޅުކުރި އެވެ.

"އަޅުގަނޑުމެން މި ގޮވާލަނީ އެ ސަރަހައްދަކީ ގޯތި ދިނުމަށް ކަނޑައެޅިފައިވާ ތަނެކޭ. އެހެންވީމާ އެ ތަނުން ގޯތި ދިނުން ފިޔަވައި ނުވަތަ ރައްޔިތުންނަށް ބޯހިޔާވަހިކަން ފޯރުކޮށްދިނުމަށް ޓަކައި ގޯއްޗާއި ފްލެޓު ދިނުން ފިޔަވައި އިތުރު އެއްވެސް ކަމެއް އުތުރު ތިލަފަޅުގައި ކުރުމަކީ އަޅުގަނޑުމެން ބަލައިގަންނާނެ ކަމެއް ނޫނޭ،" ކެންދޫ ދާއިރާ ރައްޔިތުންގެ މަޖިލީހުގައި މީގެކުރިން ތަމްސީލު ކުރެއްވި އަލީ ހުސައިން ވިދާޅުވި އެވެ.

އުތުރު ތިލަފަޅުގައި ދަނޑުވެރިކަމުގެ އިންޑަސްޓްރިއަލް ސަރަހައްދެއް ގާއިމު ކުރުމަށާއި ރާއްޖޭގައި މިހާރު ހުރި ޖަލުތަކުގެ ބަދަލުގައި ގާއިމްކުރަން ތަސައްވުރުކޮށްފައިވާ "މަރުކަޒީ ޖަލު" އަޅަން ވެސް ޕްލޭންތަކެއް މި ސަރުކާރުން އިއުލާނު ކުރި އެވެ. އަދި މިހާރު ވަނީ ކުށުގެ ވެށީގައި އުޅޭ ކުދިންނާއި ޒުވާނުން ރިހެބިލިޓޭޓުކުރުމަށް ސަރުކާރުން ތަރައްގީ ކުރަން ރާވާފައިވާ "ހޯޕް އައިލެންޑް" އެ ތަނުގައި އެޅުމަށް ނިންމާފަ އެވެ.

"އުތުރު ތިލަފަޅުގައި އަޅަން ޖެހޭނީ ސެންޓްރަލް ޖަލެއް ނޫން. އަދި އުތުރު ތިލަފަޅުގައި އަޅަން ޖެހޭނީ ހޯޕް އައިލެންޑެއް ވެސް ނޫން. އުތުރު ތިލަފަޅަށް ވާންވީ ގޮތަކީ ކުރީ ސަރުކާރުން އިއުލާންކޮށްފައިވާ ގޮތަށް އެ ތަން ހިއްކައި، ގޯތި ދީ، އެއީ މާލެ ސަރަހައްދުގައި ދިރިއުޅޭ މީހުންނަށް ބޯހިޔަވާހިކަން ކަށަވަރު ކޮށްދިނުމަށް ދެވަނަ ސްކީމުން އިއުލާން ކޮށްފައިވާ ގޮތަށް ގޯތި ދިނުން،" އެ ޔޫނިއަންގެ ފަރާތުން މިއަދު ބުންޏެވެ.

ނަމަވެސް، ބިންވެރިޔާ ސްކީމްގެ ދެވަނަ ފިޔައްސާ ގުޅޭ މާ ގިނަ މައުލޫމާތެއް މި ސަރުކާރުން ހާމައެއް ނުކުރެ އެވެ. އޭގެ ތެރެއިން އެއްވެސް ފޯމެއް ބާތިލު ނުކުރާނެ ކަމުގެ ޔަގީންކަން ވެރިކަމާ ހަވާލުވެވަޑައިގަތުމުގެ ކުރިން ރައީސް މުއިއްޒު ވަނީ ދެއްވައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox