ފައިނޭންޝަލް ސެންޓަރު "ސްކޭމް" އާ ގުޅިގެން އޭސީސީގެ ބަހެއް ނެތް

ގްރެފިކްސް: އިސްމާއިލް އިމްދާދު/އަދަދު

ގްރެފިކްސް: އިސްމާއިލް އިމްދާދު/އަދަދު

ގަތަރުގެ ޝާހީ އާއިލާއަށް ނިސްބަތްވާ ޝެއިހު ނަޔެފް ބިން އީދް އަލް ތާނީގެ ކުންފުންޏެއް ކަމަށްވާ އެމްބީއެސް ގްލޯބަލް އިންވެސްޓްމަންޓްސްއިން ހުޅުމާލޭގައި އަޅަން ނިންމި ފައިނޭންޝަލް ސެންޓަރާއި ގުޅިގެން އެންޓި ކޮރަޕްޝަން ކޮމިޝަން (އޭސީސީ) އިން ބަލަމުންދާކަން ސާފުކޮށްދޭން އެ ކޮމިޝަނުން ދެކޮޅު ހަދައިފި އެވެ.

ހުޅުމާލޭގައި ޓޫރިޒަމަށް ހާއްސަކުރި "އާބަން އައިލް" ނުވަތަ ފޭސް ތުރީގައި ތަރައްގީކުރާ މޯލްޑިވްސް އިންޓަނޭޝަނަލް ފައިނޭންޝަލް ސެންޓަރާއި ގުޅިގެން އަދަދު އިން ތަކުރާރުކޮށް އޭސީސީއަށް ގުޅައި މެސެޖުކުރި ނަމަވެސް، މިހާތަނަށް ވެސް އެކަމާ ގުޅިގެން އެއްވެސް އެއްޗެއް އެ ކޮމިޝަނުން ނުބުނެ އެވެ.

ފައިނޭންޝަލް ސެންޓަރު އެޅުމަށް އެގްރީމަންޓުގައި ސޮއިކޮށް، ބިންގާ އެޅި ނަމަވެސް މިހާތަނަށް އެ ބިިމާ ހަވާލުވުމުގެ އެއްވެސް މަސައްކަތެއް ކުރިއަށް ނުދެ އެވެ. މިކަމުގެ މައުލޫމާތު އެނގޭ ބައެއް މަސްދަރުތަކުން ނަން ނުޖަހާ ގޮތަށް މި ނޫހަށް މައުލޫމާތު ދިން ގޮތުގައި އެ ދުވަހުގެ ފަހުން މި މަޝްރޫއުގެ އެއްވެސް މަސައްކަތެއް ނުހިނގަ އެވެ.

Advertisement

ސަރުކާރުން ބުނާ ގޮތުގައި ފައިނޭންޝަލް ސެންޓަރަށް އެމްބީއެސް ގްލޯބަލް އިންވެސްޓްމަންޓްސް އިން 8.8 ބިލިއަން ޑޮލަރުގެ އިންވެސްޓެއް ކުރަން ވަނީ ނިންމާފަ އެވެ. ނަމަވެސް މިއީ ސްކޭމްއެއް ކަމަށް ބުނެ ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.

މި މައްސަލައިގައި މި ނޫހާ ވާހަކަ ދެއްކި ސަރުކާރުގެ އިސް މަގާމުތަކުގައިގައި ތިބި ބައެއް މީހުން ބުނީ މޯލްޑިވްސް އިންޓަނޭޝަނަލް ފައިނޭންޝަލް ސެންޓަރުގެ މަސައްކަތް ހުއްޓިފައި ވަނީ އެމްބީއެސް ގްލޯބަލް އިންވެސްޓުމެންޓުން ބަޖެޓު ސަޕޯޓަށް ދޭން ބުނި ފައިސާ ނުދިނުމުން ކަމަށެވެ.

އެމްބީއެސްއިން އެންމެ ފުރަތަމަ ހުށަހެޅީ ބަޖެޓު ސަޕޯޓަށް 250 މިލިއަން ޑޮލަރު ދިނުމަށެވެ. ނަމަވެސް އެ ފައިސާ ލިބުން ލަސްވަމުން ގޮސް، ސަރުކާރުން ވަނީ 50 މިލިއަން ޑޮލަރު ދިނަސް މަޝްރޫއާގެން ކުރިއަށް ދާނެ ކަމަށް ބުނެފަ އެވެ. މިއަދާ ހަމައަށް އެމްބީއެސް މި ފައިސާ ވެސް ނުދެވޭ ކަމަށް މި ނޫހާ ވާހަކަދެއްކި މަސްދަރުތަކުން ބުންޏެވެ.

ސަރުކާރުން ބުނެފައިވާ ގޮތުގައި ފައިނޭންޝަލް ސެންޓަރުގެ މަސައްކަތް ނިމޭނީ 2030 ވަނަ އަހަރެވެ. އެ ތަން ފެށުމާއެކު ފުރަތަމަ ހަތަރު އަހަރު ދުވަހުގެ ތެރޭގައި އެކަނި ވެސް ރާއްޖޭގެ ޖީޑީޕީ އިތުރުވެ، ފަސް ވަނަ އަހަރުގެ އާމްދަނީއަށް އެއް ބިލިއަން ޑޮލަރު ލިބޭނެ ކަމަށް ސަރުކާރުން އަންދާޒާ ކުރެ އެވެ.

އަދަދު ނޫހާ ވާހަކަ ދެއްކި މި މަޝްރޫއުގެ މައުލޫމާތު އެނގޭ މީހަކު ބުނީ އެމްބީއެސް އަކީ މިވަރުގެ ބޮޑު ޕްރޮޖެކްޓެއް ގެންދެވޭވަރުގެ ބައެއް ނޫން ކަމަށާއި، ދުބާއީގައި ހަދާފައި ވެސް ހުރީ ކުޑަކުޑަ އޮފީހެއް ކަމަށެވެ. އަދި އެ ކުންފުންޏަށް މިފަދަ މަޝްރޫއުއެއް ހިންގުމަށް ބޭނުންވާނެ ފައިސާ ހޯދޭނެ ކަމާ މެދު ވެސް އޭނާ ސުވާލު އުފެއްދި އެވެ.

"އެ މީހުން ހަމައެކަނި ޖުއްބާ ލައިގެން އަރަބިން ގޮތަށް ހެދިގެން އުޅެނީ. ސްކޭމެއްގައި ސަރުކާރު ޖެހުނީ ރަނގަޅަށް ކަންކަން ނުބެލުމުން،" ރާއްޖެއަށް އިންވެސްޓުމެންޓުތައް ގެނައުމުގައި ހަރަކާތްތެރިވާ މީހަކު ނަން ނުޖެހުމަށް ޝަރުތުކޮށް ބުންޏެވެ.

ފައިނޭންޝަލް ސެންޓަރު ޑިޒައިންކޮށްފައި ވަނީ އާކިޓެކްޓް ޖިއާނީ ރަނައުލޯ އެވެ. ތަނުގެ ޑިޒައިން ކޮށްފައި ވަނީ ރާއްޖޭގެ މާހައުލާ ގުޅޭ ގޮތަށެވެ. ފައިނޭންޝަލް ސެންޓަރަށް 780،000 އަކަ މީޓަރުގެ ބިމުގެ ސަރަހައްދެއް ތަރައްގީ ކުރާނެ އެވެ.

އެތަން ބިނާ ކުރަނީ 6500 މީހުންނަށް ދިރިއުޅެވޭ ގޮތަށެވެ. އަދި ފައިނޭންޝަލް ސެންޓަރަށް ތަރައްގީ ކުރަނީ ދުވާލަކު 35،000 މީހުން އެތަނަށް ދާނެ ކަމަށް ބަލައިގެންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox