8.8 ބިލިއަން ޑޮލަރުގެ "ހުވަފެނީ" ފައިނޭންޝަލް ސެންޓަރު ގަލުފަޅަށް

ރައީސް މުހައްމަދު މުއިއްޒު އަދި ޝެއިހު ނަޔެފް ބިން އީދް އަލް ތާނީ

ރައީސް މުހައްމަދު މުއިއްޒު އަދި ޝެއިހު ނަޔެފް ބިން އީދް އަލް ތާނީ

ހުޅުމާލޭގައި ބައިނަލްއަގުވާމީ ފައިނޭންޝަލް ސެންޓަރެއް ތަރައްގީކުރަން ސޮއިކުރި 8.8 ބިލިއަން ޑޮލަރު (ގާތްގަނޑަކަށް 135 ބިލިއަން ރުފިޔާ) ގެ ބިޔަ މަޝްރޫއު ހުޅުމާލެއިން ނަގައި، އަލަށް ހިއްކަން ފެށި "އަތަމަނަ" (ގަލުފަޅު) އަށް ބަދަލުކުރަން ނިންމާފައިވާކަން އަދަދު ނޫހަށް އެނގިއްޖެ އެވެ.

ސަރުކާރުން އިއްޔެ ވަނީ ގަލުފަޅުގެ ނަން "އަތަމަނަ" އަށް ބަދަލުކޮށް، އެތަނުގައި ޒަމާނީ ކޮންވެންޝަން ސެންޓަރަކާއި އިވެންޓް ހޯލްތައް ހިމެނޭ "ނޫވިލު" ޕްރޮޖެކްޓް ހިންގާނެކަން އިއުލާންކޮށްފަ އެވެ. ނަމަވެސް 'އަދަދު' އަށް ކަށަވަރުވެފައިވާ ގޮތުގައި މިއީ ހުޅުމާލޭގައި އަޅަން ސޮއިކުރި ފައިނޭންޝަލް ސެންޓަރުގެ މުޅި ކޮންސެޕްޓް އެ ފަޅަށް ބަދަލުކުރުމުގެ މަޝްރޫއުއެކެވެ.

ގަތަރުގެ ޝާހީ އާއިލާއަށް ނިސްބަތްވާ ކަމަށް ބުނާ ޝެއިހު ނަޔެފް ބިން އީދް އަލް ތާނީގެ 'އެމްބީއެސް ގްލޯބަލް އިންވެސްޓްމަންޓްސް' އިން ހުޅުމާލޭގައި މި މަޝްރޫއު ހިންގަން ފުރަތަމަ ނިންމި ނަމަވެސް، އެ މަޝްރޫއުގެ އެއްވެސް މަސައްކަތެއް ނުހިނގަ އެވެ. އަދި އެ ކުންފުނިން ސަރުކާރަށް ދޭން ބުނި ފައިސާ ލިބިފައި ނުވާކަމަށް ސަރުކާރުގެ އޮފިޝަލުން ކަށަވަރުކޮށް ދިނެވެ.

Advertisement

ނަމަވެސް ފަހުން އެ ކުންފުނިން ވަކިން އޮންނަ ރަށެއް ނުވަތަ ފަޅެއްގައި "ފައިނޭންޝަލް ފްރީ ޒޯން" ގާއިމު ކުރުމަށް ކަމަށް ބޭނުން ވުުމުން، މާލޭގެ ހުޅަނގުއުތުރުން 2.5 ކިލޯމީޓަރު ދުރުމިނުގައި އޮތް ގަލުފަޅު ހިއްކަނީ އެކަމަށްޓަކައި ކަމަށް ސަރުކާރުގެ އިސް ބައެއް އޮފިޝަލުން "އަދަދު" ނޫހަށް ކަށަވަރުކޮށް ދިނެވެ.

މި ބަދަލާ އެކު، އެޗްޑީސީގެ ބެލުމުގެ ދަށުގައި އޮތް ގަލުފަޅު ސަރުކާރަށް ނަގައި، ފިނޭންސް މިނިސްޓްރީގެ ބެލުމުގެ ދަށުން މިހާރު ވަނީ އެތަން ހިއްކަން ފަށާފަ އެވެ.

މައުލޫމާތު އެނގިވަޑައިގަންނަވާ ސަރުކާރުގެ އިސް އޮފިޝަލަކު ވިދާޅުވި ގޮތުގައި، ގަލުފަޅު މި މަޝްރޫއަށް ދޫކޮށްލުމުން، ބަދަލެއްގެ ގޮތުގައި އެއްފަހަރާ 1 ބިލިއަން ޑޮލަރު ދިނުމަށް އެ އިންވެސްޓަރު ވަނީ ހުށަހަޅާފަ އެވެ.

"މިއީ ހަމަޖެހޭ ވާހަކައެއް ނޫން. މީގެ ކުރިން އެންމެ 250 މިލިއަން ޑޮލަރު ނުދެއްކުނު ބަޔަކަށް ކިހިނެއްތޯ އެއްފަހަރާ 1 ބިލިއަން ޑޮލަރު ދެވޭނީ؟ މިއީ ފައިސާ ނުލިބޭނެ ކަމެއްކަން އެނގި ތިބެ، ސަރުކާރުން ބޮޑު ހަރަދެއްކޮށްގެން ހިންގާ ޖަރީމާއެއް،" ނަން ހާމަނުކުރުމަށް އެދި އޮފިޝަލް ވިދާޅުވި އެވެ.

"މި މަޝްރޫއު ގަލުފަޅަށް ބަދަލުކުރަން އިކޮނޮމިކް ކައުންސިލް ވެސް ވަނީ ނިންމާފަ."

އާކިޓެކްޓް ޖިއާނީ ރަނައުލޯ ޑިޒައިންކޮށްފައިވާ ހުޅުމާލޭގައި ތަރައްގީ ކުރަން ނިންމާފައި އޮތް މަޝްރޫއަކީ ރާއްޖޭގެ މާހައުލާ ނުބައްދަލު، ކުރެހުންތަކެއް ހިމެނޭ މަޝްރޫއެކެވެ.

އޭގެ ތެރޭގައި އެއްގަމު އުޅަނދު (ކާރު ފަދަ ތަކެތި) ބޭނުން ނުކުރުމާއި ދަތުރުފަތުރަށް ބިމުއަޑީގެ ޓްރާންސްޕޯޓް ނިޒާމެއް ހިމެނެ އެވެ. އަދި 3500 މީހުންގެ ޖާގައިގެ ބޮޑު ކޮންފަރެންސް ހޯލެއް ހިމެނެ އެވެ. އެތަން ހިންގަން ރާވާފައި އޮތީ އިއާދަކުރަނިވި ހަކަތައިން ނެވެ.

ފައިނޭންޝަލް ސެންޓަރު 2030 ވަނަ އަހަރަށް ނިންމާލެވޭނެ ކަމަށާއި، އޭރުން ރާއްޖޭގެ ޖީޑީޕީ ދެގުނަވެ، ފަތުރުވެރިކަމަށް ބަރޯސާވުން ނިމުމަކަށް އަންނާނެ ކަމަށް ސަރުކާރުން ބުނެފައިވެ އެވެ. މާލީ ގާބިލުކަން ސާބިތުކޮށްނުދެވޭ ކުންފުންޏަކަށް، ދައުލަތުގެ ހަރަދުގައި ބިން ހިއްކާފައި ދިނުމަކީ ހައިރާންވާ ކަމެއް ކަމަށް މި ނޫހާ ވާހަކަ ދެއްކި އޮފިޝަލުން ބުންޏެވެ.

މިކަމާ ގުޅޭ ގޮތުން ސަރުކާރުގެ ރަސްމީ ބަހެއް ނުލިބެ އެވެ.

-------

ފޭސްބުކް، އެކްސް، އިންސްޓަގްރާމް އަދި ޓިކްޓޮކް އިން އަދަދު ނޫސް ފޮލޯ ކުރައްވާށެވެ. އަދި ހިއްސާ ކުރަން ބޭނުންވާ މައުލޫމާތެއް ނުވަތަ ހިޔާލެއް އޮތް ނަމަ، އީމެއިލުން ނުވަތަ ސޯޝަލް މީޑިއާ މެދުވެރިކޮށް ހިއްސާކޮށް ދެއްވާށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox