ފައިނޭންޝަލް ސެންޓަރެއް ހެދުމަށް ސަރުކާރުން އިއުލާނުކުރި 8.8 ބިލިއަން ޑޮލަރުގެ ބިޔަ މަޝްރޫއު ހުއްޓިފައި

މި މަޝްރޫއުގައި ސޮއިކުރުމަށް ބޭއްވި ރަސްމިއްޔާތުގެ ތެރެއިން. އެ ކުންފުނީގައި މިފަދަ މަޝްރޫއުއެއް ހިންގުމުގެ ގާބިލުކަމެއް ނެތް ކަމަށް އަދަދު ނޫހާ ވާހަކަ ދެއްކި މަޝްރޫއުގެ މައުލޫމާތު އެނގޭ މީހަކު ބުނި --- އާޓްވޯކް: އަދަދު

މި މަޝްރޫއުގައި ސޮއިކުރުމަށް ބޭއްވި ރަސްމިއްޔާތުގެ ތެރެއިން. އެ ކުންފުނީގައި މިފަދަ މަޝްރޫއުއެއް ހިންގުމުގެ ގާބިލުކަމެއް ނެތް ކަމަށް އަދަދު ނޫހާ ވާހަކަ ދެއްކި މަޝްރޫއުގެ މައުލޫމާތު އެނގޭ މީހަކު ބުނި --- އާޓްވޯކް: އަދަދު

ގަތަރުގެ ޝާހީ އާއިލާއަށް ނިސްބަތްވާ ޝެއިހު ނަޔެފް ބިން އީދް އަލް ތާނީގެ ކުންފުންޏެއް ކަމަށްވާ އެމްބީއެސް ގްލޯބަލް އިންވެސްޓްމަންޓްސްއިން ހުޅުމާލޭގައި އަޅަން ނިންމި ފައިނޭންޝަލް ސެންޓަރުގެ މަސައްކަތް ހުއްޓިފައިވާ ކަމަށް، ސަރުކާރުގެ ބައެއް މަސްދަރުތަކުން ބުނެފި އެވެ.

އެކަމާ ގުޅޭ ގޮތުން ފިނޭންސް މިނިސްޓްރީގެ މީޑިއާ އޮފިޝަލްއާ ތަކުރާރުކޮށް ސުވާލުކުރުމުން ރަސްމީ ބަހެއް ބުނަން ބޭނުމެއް ނުވި އެވެ. މައުލޫމާތު ލިބިފައިވާ ގޮތުގައި އެގްރީމެންޓުގައި ސޮއިކުރި ނަމަވެސް އެ ބިމާ ހަވާލުވުމުގެ އެއްވެސް މަސައްކަތެއް ކުރިއަށް ނުދެ އެވެ.

ހުޅުމާލޭގައި ހަދާ މޯލްޑިވްސް އިންޓަނޭޝަނަލް ފައިނޭންޝަލް ސެންޓަރަށް އެމްބީއެސް ގްލޯބަލް އިންވެސްޓްމަންޓްސް 8.8 ބިލިއަން ޑޮލަރުގެ އިންވެސްޓެއް ކުރަން ނިންމާފައިވާ ކަމަށް ސަރުކާރުން ވެސް ބުނެފައިވެ އެވެ.

Advertisement

އަދަދު ނޫހާ ވާހަކަ ދެއްކި ސަރުކާރުގެ އިސް މަގާމުގައި ތިއްބެވި ބައެއް ބޭފުޅުން ވިދާޅުވީ މޯލްޑިވްސް އިންޓަނޭޝަނަލް ފައިނޭންޝަލް ސެންޓަރުގެ މަސައްކަތް ހުއްޓިފައި ވަނީ އެމްބީއެސް ގްލޯބަލް އިންވެސްޓުމެންޓުން ބަޖެޓު ސަޕޯޓަށް ދޭން ބުނި ފައިސާ ނުދިނުމުން ކަމަށެވެ.

އެ ކުންފުނިން ސަރުކާރަށް ފުރަތަމަ ދިން ޔަގީން ކަމަކީ ބަޖެޓު ސަޕޯޓަށް 250 މިލިއަން ޑޮލަރު ދިނުން ކަމަށާއި، ނަމަވެސް އެ ފައިސާ ލިބުން ލަސްވަމުން ގޮސް، އެންމެ ފަހުން ސަރުކާރަށް ޔަގީންކަން ދިނީ އެއްބަސްވުމުގައި ސޮއިކުރުމާއެކު 50 މިލިއަން ޑޮލަރު ދިނުމަށެވެ.

"މިއިން އެއްވެސް ފައިސާ ނުލިބޭ. އަދި ލިބޭނެ ކަމަށް ނުވެސް ބެލެވޭ. އެ މީހުން ބޭނުންވީ ހަމައެކަނި ފޮޓޯގަނޑެއް. މިހާރު ލިޔުންތަކާއި ފޮޓޯގަނޑު ހިފައިގެން ބޭރުގެ އިންވެސްޓަރުން ގާތަށް އެ މީހުން އެބަދޭ. ސަރުކާރަށް ވެސް މިހާރު އެނގިއްޖެ އެއީ އެކަން ވާނެ ވަރުގެ ބައެއް ނޫން ކަމަށް،" އަދަދު ނޫހާ ވާހަކަ ދެއްކި ސަރުކާރުގެ އޮފިޝަލަކު ބުންޏެވެ.

އެއްބަސްވުމުގައި ސޮއިކުރި ދުވަހު ހާމަކުރި ގޮތުގައި ފައިނޭންޝަލް ސެންޓަރުގެ މަސައްކަތް ނިމޭނީ 2030 ވަނަ އަހަރެވެ. އެ ތަން ފެށުމާއެކު ފުރަތަމަ ހަތަރު އަހަރު ދުވަހުގެ ތެރޭގައި އެކަނި ވެސް ރާއްޖޭގެ ޖީޑީޕީ އިތުރުވެ، ފަސް ވަނަ އަހަރުގެ އާމްދަނީއަށް އެއް ބިލިއަން ޑޮލަރު ލިބޭނެ ކަމަށް ސަރުކާރުން އަންދާޒާ ކުރެ އެވެ.

ފައިނޭންޝަލް ސެންޓަރު ޑިޒައިންކޮށްފައި ވަނީ އާކިޓެކްޓް ޖިއާނީ ރަނައުލޯ އެވެ. ތަނުގެ ޑިޒައިން ކޮށްފައި ވަނީ ރާއްޖޭގެ މާހައުލާ ގުޅޭ ގޮތަށެވެ. ފައިނޭންޝަލް ސެންޓަރުގައި 780،000 އަކަ މީޓަރުގެ ބިން ތަރައްގީ ކުރާނެ އެވެ. އެތަން ބިނާ ކުރަނީ 6500 މީހުންނަށް ދިރިއުޅެވޭ ގޮތަށެވެ. އަދި ފައިނޭންޝަލް ސެންޓަރަށް ތަރައްގީ ކުރަނީ ދުވާލަކު 35،000 މީހުން އެތަނަށް ދާނެ ކަމަށް ބަލައިގެންނެވެ.

އަދަދު ނޫހާ ވާހަކަ ދެއްކި މި މަޝްރޫއުގެ މައުލޫމާތު އެނގޭ މީހަކު ބުނީ އެމްބީއެސް އަކީ މިވަރުގެ ބޮޑު ޕްރޮޖެކްޓެއް ގެންދެވޭވަރުގެ ބައެއް ނޫން ކަމަށާއި، ދުބާއީގައި ހަދާފައި ވެސް ހުރީ ކުޑަކުޑަ އޮފީހެއް ކަމަށެވެ. އަދި އެ ކުންފުންޏަށް މިފަދަ މަޝްރޫއުއެއް ހިންގުމަށް ބޭނުންވާނެ ފައިސާ ހޯދޭނެ ކަމާ މެދު ވެސް އޭނާ ސުވާލު އުފެއްދި އެވެ.

"އެ މީހުން ހަމައެކަނި ޖުއްބާ ލައިގެން އަރަބިން ގޮތަށް ހެދިގެން އުޅެނީ. ސްކޭމެއްގައި ސަރުކާރު ޖެހުނީ ރަނގަޅަށް ކަންކަން ނުބެލުމުން،" ރާއްޖެ އަށް އިންވެސްޓުމެންޓު ގެނައުމުގައި ހަރަކާތްތެރިވާ މީހަކު ނަން ނުޖެހުމަށް ޝަރުތުކޮށް ބުންޏެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox