އެފްއޭއެމް އިން ކްލަބްތަކަށް ދިން ފައިސާއަށް، ކްލަބްތަކުގެ ވެރިން ހިޔާނާތްތެރިވި މައްސަލަ ބަލަނީ

އެފްއޭއެމް އިން ބޭއްވި ކޮންގްރެސްއެއްގައި ކްލަބްތަކުން ބައިވެރިވުން: އެފްއޭއެމް އިން ކްލަބްތަކަށް ދިން ފައިސާއަށް ކްލަބްތަކުގެ ވެރިން ހިޔާނާތްތެރިވި މައްސަލަ ފުލުހުން ދަނީ ބަލަމުން -- ފޮޓޯ: އަދަދު ފައިލް

އެފްއޭއެމް އިން ބޭއްވި ކޮންގްރެސްއެއްގައި ކްލަބްތަކުން ބައިވެރިވުން: އެފްއޭއެމް އިން ކްލަބްތަކަށް ދިން ފައިސާއަށް ކްލަބްތަކުގެ ވެރިން ހިޔާނާތްތެރިވި މައްސަލަ ފުލުހުން ދަނީ ބަލަމުން -- ފޮޓޯ: އަދަދު ފައިލް

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ކްލަބްތަކަށް ދެމުންދާ ސަބްސިޑީ ފައިސާއަށް ކްލަބްތަކުގެ ވެރިން ހިޔާނާތްތެރިވެފައިވާ މައްސަލަ ފުލުހުން ބަލަން ފަށައިފި އެވެ.

ފުލުހުން ބުނީ ކްލަބްތަކަށް ދޭ ސަބްސިޑީ ފައިސާ އެ ކްލަބްތަކުގެ އިސްވެރިންގެ އަމިއްލަ އެކައުންޓުތަކަށާއި އެ ފަރާތްތައް ހިއްސާވާ ކުންފުނިތަކަށް ޖަމާކޮށް، އެ ފައިސާއަށް ހިޔާނާތްތެރިވެފައިވާކަން ފާހަގަކުރެވި ތަހުގީގުކުރަމުންދާ ކަމަށެވެ.

އެފްއޭއެމްއަށް ބޭރުގެ އެކި ފަރާތްތަކުން ދޭ ފައިސާ ނަހަމަ ގޮތުގައި ބޭނުންކޮށް، މަނީ ލޯންޑްރިންގެ އަމަލުތަކެއް ހިންގާފައިވާ ކަމަށް ތުހުމަތުކުރެވޭ މައްސަލައިގެ ތަހުގީގު މިހާރު ވެސް ހިންގަމުންދާ ކަމަށް ފުލުހުން ބުންޏެވެ.

Advertisement

މި ގޮތުން ފުލުހުން ބުނީ އެފްއޭއެމްގެ ކުރީގެ ރައީސް ބައްސާމް އަދީލް ޖަލީލް ހިއްސާވާ ކުންފުންޏަކަށާއި އެފްއޭއެމްގެ އޭރު މަސައްކަތްކުރި މީހުންގެ އެކައުންޓުތަކަށް އެފްއޭއެމްގެ ފައިސާ ޖަމާކޮށް، އެ ފައިސާއަށް ހިޔާނާތްތެރިވެފައިވާ ކަމަށް ތުހުމަތު ކުރެވޭ މައްސަލަ ވެސް ބަލަމުންދާ ކަމަށެވެ.

އެފްއޭއެމްގެ ފައިސާއަށް ބައްސާމް ހިޔާނާތްތެރިވެފައިވާ ކަމަށް ފުލުހުން ތުހުމަތު ކުރެ އެވެ. އޭނާގެ މައްޗަށް ޕްރޮސެކިއުޓާ ޖެނެރަލް (ޕީޖީ) އިން ވަނީ ގިނަ ދައުވާތަކެއް އުފުލައިފަ އެވެ.

ޕީޖީން ބައްސާމްގެ މައްޗަށް އެންމެ ފުރަތަމަ ދެ ދައުވާ ކޮށްފައިވަނީ، ފީފާއިން ފޮނުވި ފައިސާގެ ތެރެއިން 10،000 ޑޮލަރު، ބައްސާމްގެ އަމިއްލަ އެކައުންޓަށް ފޮނުވުމަށް ފަހު، އަމިއްލަ ކަންކަމަށް ބޭނުންކޮށްފައި ވާތީ އެވެ.

އޭގެ ފަހުން، ކުރި ދައުވާތަކަށް ބަލާއިރު، ހިޔާނާތްތެރިވުމުގެ ކުށުގެ ދައުވާ އާއި މަނީލޯންޑަރިންގެ ކުށުގެ ދައުވާތައް ކުރުމުގެ އިތުރުން އެފްއޭއެމް އަށް ލިބުނު ގެއްލުމުގެ ބަދަލުގެ ގޮތުގައި 1.2 މިލިއަން ޑޮލަރު ނަގައިދޭން ޕީޖީން އޮތީ ކްރިމިނަލް ކޯޓުގައި ދައުވާކޮށްފަ އެވެ.

ފުލުހުންގެ ތަހުގީގަށް ހޯދުނު ގޮތުގައި، ބައްސާމް ވަނީ، ފީފާ އިން ކޮވިޑް ލޯނުގެ ގޮތުގައި ދިން ފައިސާގެ ތެރެއިން، އެއް މިލިއަން ޑޮލަރު އަމީން އެެވެނިއު އިން އެޕާޓްމަންޓް ގަންނަން ބޭނުންކޮށްފަ އެވެ.

ފުލުހުން ތުހުމަތު ކުރަނީ ފީފާ އިން އެފްއޭއެމް އަށް ދިން، ކޮވިޑް ލޯނުގެ 1.9 މިލިއަން ޑޮލަރުގެ ތެރެއިން، އެއް މިލިއަން ޑޮލަރު ހޭދަކޮށް، ތިން ޕޭމަންޓެއް ގޮތަށް ބަހާލައިގެން، އަމީން އެވެނިއު އިން އެޕާޓްމަންޓް ގަންނަން ބައްސާމް ހަރަދު ކުރި ކަމަށެވެ. އެ އެޕާޓްމަންޓް މިހާރު ވަނީ، ދައުލަތަށް ނަގައިފަ އެވެ.

ދުނިޔޭގެ މައި ފުޓްބޯޅަ އިދާރާއިން، ވަނީ މިދިޔަ އަހަރުގެ ޖޫން މަހުން ފެށިގެން ފުޓްބޯޅައިގެ ހުރިހާ ހަރަކާތަކުން ނުވަ މަސް ދުވަހަށް ބައްސާމް ސަސްޕެންޑްކޮށްފަ އެވެ. އެ ސަސްޕެންޝަންގެ މުއްދަތު ހަމަވެފައިވާއިރު، ފީފާ އިން ދާއިމީކޮށް، ބައްސާމް މައްސަލައިގައި ގޮތެއް ކަނޑައަޅާނީ، ރާއްޖޭގެ ކޯޓުތަކުގައި މި ހިނގާ މައްސަލަތަކުގައި ގޮތެއް ނިމުމުންކަން އެނގިފައިވެ އެވެ.

އެންމެ ފުރަތަމަ ފުޓްބޯޅަ ކްލަބްތަކަށް ފައިސާ ދެމުން އައީ، 2017 ވަނަ އަހަރުން ފެށިގެން، ރައީސް އަބްދުﷲ ޔާމީންގެ ސަރުކާރުން، ސަރުކާރު ހިއްސާވާ ކުންފުނިތަކުންނެވެ. އެއީ، ސީޒަނަކަށް ތިން މިލިއަން ރުފިޔާ އެވެ.

އެކަމަކު، ރައީސް އިބްރާހިމް މުހައްމަދު ސޯލިހު (އިބޫ)ގެ ސަރުކާރުގެ ސްޕޯޓްސް މިނިސްޓަރު، އަހުމަދު މަހުލޫފް ވަނީ، އެ ގޮތަށް ކްލަބްތަކަށް ފައިސާ ދިނުމަކީ އިންސާފުވެރި ގޮތް ނޫން ކަމަށް ބުނެ، އެކަން ހުއްޓާލައިފަ އެވެ. އޭގެ ފަހުން، ބައްސާމް ވަނީ، 2020 ވަނަ އަހަރު އެފްއޭއެމްގެ ރައީސަކަށް ދެ ވަނަ ދައުރަކަށް އިންތިހާބު ކާމިޔާބުކުރުމުގެ ގޮތުން، ކްލަބްތަކަށް އެފްއޭއެމުން އެ ފައިސާ ހަމަޖައްސައިދޭނެ ކަމަށް ބުނެ، ވައުދުވެފަ އެވެ.

ބައްސާމް ވިދާޅުވީ، އެ ފައިސާ ހަމަޖައްސާނީ، ބައިނަލްއަގުވާމީ ޖަމިއްޔާތަކުން، އެފްއޭއެމް އަށް ލިބޭ ސްޕޮންސަޝިޕްތަކުން ކަމަށެވެ. އެކަމަކު، އެއްވެސް ސީޒަނެއްގައި ބަރާބަރަށް ހުރިހާ ޓީމަކަށް ފައިސާ ދެވިފައިނުވާއިރު، ގިނަ ޓީމުތަކުން ކުޅުންތެރިންނަށް މުސާރަ ނުދޭ މައްސަލަ އައީ ފެންމަތިވަމުންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox