ވަރުގަދަ ފައިނަލަކުން ސިނާ ބަލިކޮށް އަލްކަރާޒް ފްރެންޗް އޯޕަން ތަށި ދިފާއުކޮށްފި

Jun 8, 2025, 7:43 PM
ވަރުގަދަ ފައިނަލަކުން ސިނާ ބަލިކޮށް އަލްކަރާޒް ފްރެންޗް އޯޕަން ތަށި ދިފާއުކޮށްފި

ޕެރިސް (ޖޫން 9) - ވަރުގަދަ ކުޅުމެއް ދައްކައި، ދުނިޔޭގެ ރޭންކިން އެއް ވަނަ، އިޓަލީގެ ޖަނިކް ސިނާ ބަލިކޮށް، ސްޕެއިނުގެ ކާލޯސް އަލްކަރާޒް، ފްރެންޗް އޯޕަން ޓެނިސް މުބާރާތުގެ ތަށި ދިފާއުކޮށްފި އެވެ.

މި މެޗުގައި، ސިނާ އަތުން ކުރި ހޯދަން އަލްކަރާޒް ވަނީ ހިތްވަރުގަދަ ކުޅުމެއް ދައްކައިފަ އެވެ. އެ ގޮތުން، ދެ ސެޓު އަނބުރާލައި، ތިން ފަހަރެއްގެ މަތިން ޗެމްޕިއަންޝިޕް ޕޮއިންޓް ސަލާމަތްކޮށް ކުރިހޯދީ އަލްކަރާޒް އެވެ.

މިއީ، 2019 ވަނަ އަހަރުގެ ވިމްބަލްޑަން ފައިނަލުގައި ރޮޖާ ފެޑެރާ އަތުން މޮޅުވިއިރު، ނޮވަކް ޖޮކޮވިޗް މެޗު ޕޮއިންޓު ސަލާމަތްކުރި ފަހުން، ގްރޭންޑް ސްލޭމް ފައިނަލެއްގައި މިކަން ފެނިގެންދިޔަ ފުރަތަމަ ފަހަރެެވެ.

ފްރެންޗް އޯޕަން ތާރީހުގައި އެންމެ ދިގު ދެމިގެންދިޔަ މި ފައިނަލު، ހަތަރު ގަޑިއިރާއި ބައި ވަންދެން ކުޅުނުއިރު، މެޗުގެ ސެޓުތައް ދިޔައީ، 4-6 6-7 (4-7) 6-4 7-6 (7-3) 7-6 (10-2) އިންނެވެ.

މިއީ، އަލްކަރާޒްގެ ކެރިއަރުގައި އޭނާ ހޯދި ފަސް ވަނަ ގްރޭންޑް ސްލޭމް މުބާރާތެވެ. ފްރެންޗް އޯޕަން ކާމިޔާބުކުރި ދެ ވަނަ ފަހަރެވެ. މިިދިޔަ އަހަރު ތަށި އުފުލާލީ ފައިނަލުގައި ޖަރުމަނުގައި، އަލެކްސަންޑަ ޒްވެރެވް ބަލިކޮށްފަ އެވެ.

ސިނާ، ފުރަތަަމަ ފަހަރަށް ފްރެންޗް އޯޕަން ކާމިޔާބުކުރަން ކުރާ މަސައްކަތް ދިގުލައިދިޔައިރު، އަލްކަރާޒް މި ވަނީ، ކެރިއަރުގައި އަނެއްކާ ވެސް ބޮޑު ފިޔަވަޅެއް ކުރިއަށް އަޅައިފަ އެެވެ.

ސިނާ ބުނީ، މަނާބޭހުގެ މައްސަލައެއްގައި، ތިން މަހުގެ އަދަބެއް ތަންފީޒުކޮށް އެނބުރި އައިސް މިއީ އޭނާ ކުޅުނު ދެ ވަނަ މުބާރާތް ކަމަށާއި ޖުމްލަކޮށް ހިތްހަމަޖެހޭ ކަންތައްތަކެއް ހުރި ނަމަވެސް، "މިރޭ ނިދާނީ އެންމެ ހިތްހަަމަޖެހިގެންނޭ،" ނުބުނެވޭނެ ކަމަށެވެ.

ކޯޓް ފިލިޕޭގެ 15000 ސަޕޯޓަރުން ކުރިމަތީގައި ކުޅުނު ފްރެންޗް އޯޕަން ކާމިޔާބުކޮށް، އަލްކަރާޒް ބުނީ، ވަރުގަދަ ފައިނަލެއް ކުޅެގެން މޮޅުވުމުގެ ހިތްހަމަޖެހުމެއް އެބައޮތް ކަމަށެވެ. އަދި، ކުރިއަށް އޮތްތާގައި މި މުބާރާތުގެ ޗެމްޕިއަންކަން، ގިނަ ފަހަރުތަކެއް ހޯދާނެ ލެވަލެއްގައި ހުރި ސިނާގެ އަތުން މޮޅެއް ހޯދުނީ ވަރަށް އުނދަގުލުން ކަމަށް އަލްކަރާޒް ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox