މެކްސްވެލް، އޮސްޓްރޭލިއާގެ އޯޑީއައި ޓީމުން ރިޓަޔާކޮށްފި

Jun 3, 2025, 1:54 AM
މެކްސްވެލް، އޮސްޓްރޭލިއާގެ އޯޑީއައި ޓީމުން ރިޓަޔާކޮށްފި

މެލްބާން، އޮސްޓްރޭލިއާ (ޖޫން 3) - އޮސްޓްރޭލިއާގެ ކްްރިކެޓް ޓީމުގެ ކުޅަދާނަ އޯލް ރައުންޑަރު، ގްލެން މެކްސްވެލް، އެ ގައުމުގެ ވަން ޑޭ އިންޓަނޭޝަނަލް (އޯޑީއައި) ކްރިކެޓް ޓީމަށް ކުޅުން ހުއްޓާލަން ނިންމައިފި އެވެ.

މެކްސްވެލް، 36، ވަނީ 2012 ވަނަ އަަހަރު އޮސްޓްރޭލިއާ އަށް ކުޅެން ފެށި ފަހުން، އެ ޓީމަށް 149 އޯޑީއައި މެޗުގައި ކުޅެފަ އެވެ. އަދި، އެ ފޯމެޓްގައި، 2015 އާއި 2023 ގެ ވޯލްޑް ކަޕް ކާމިޔާބުކުރިއިރު، 2021 ވަނަ އަހަރު ޓީ20 ކްރިކެޓް ވޯލްޑް ކަޕް ވެސް ކާމިޔާބުކޮށްފައިވެ އެވެ.

އޯޑީއައި ފޯމެޓްގައި، މެކްސްވެލްގެ އެންމެ އާދަޔާހިލާފު މެޗަކީ، 2023 ވަނަ އަހަރު އަފްގާނިސްތާނާ ދެކޮޅަށް ކުޅުނު މެޗުގަ އެވެ. އެ މެޗުގައި، މެކްސްވެލް ވަނީ 201 ލަނޑު ހަދައި، ކްރިކެޓް ތާރީހުގައި ވެސް ރަނގަޅު މަގާމެއް ހޯދައިފަ އެވެ. މިއީ، އޯޑީއައި މެޗެއްގައި އެންމެ ތަފާތު އެއް ކުޅުމެވެ.

Advertisement

މެކްސްވެލް ވަނީ 2023 ވަނަ އަހަރުގެ އޯޑީއައި ވޯލްޑް ކަޕްގައި އެންމެ އަވަސް ސެންޗަރީ ހަދައިފަ އެވެ. އެ ގޮތުން، އޭނާ ވަނީ ނެދަލެންޑްސްއާ ދެކޮޅަށް ކުޅުނު މެޗުގައި 40 ބޯޅައިން 100 ލަނޑު ހަމަކޮށް، ރެކޯޑެއް ހަދައިފަ އެވެ.

އޯޑީއައި ފޯމެޓްގައި މެކްސްވެލްގެ ފަހު މުބާރާތަކީ، މި އަހަރުގެ ޗެމްޕިއަންސް ޓްރޮފީ އެވެ. އެ މުބާރާތުގައި ފިޓްނަސްގެ ސަބަބުން އެންމެ ރަނގަޅު ކުޅުމެއް ނުދެއްކުނުއިރު، މެކްސްވެލް ވަނީ 2027 ވަނަ އަަހަރުގެ އޯޑީއައި މުބާރާތުގައި ނުކުޅެވޭނެކަން، އޮސްޓްރޭލިއާގެ ކްރިކެޓް ބޯޑަށް އަންގައިފަ އެވެ.

"ދި ބިގް ޝޯ" ގެ ނަމުން މަޝްހޫރުވެފައިވާ މެކްސްވެލް ވަނީ އޯޑީއައި ފޯމެޓްގައި، 3990 ލަނޑު ހެދިއިރު، ހަތަރު ސެންޗަރީގެ އިތުރުން، 23 ހާފް ސެންޗަރީ (50 ލަނޑު) ހަމަކޮށްފަ އެވެ. އަދި، ކުޅަދާނަ އޯލްރައުންޑަރެއްގެ ގޮތުގައި ފާހަގަވެފައިވާ މެކްސްވެލް ވަނީ އޯޑީއައި ފޯމެޓްގައި، 77 ވިކެޓް ވެސް ނަގައިފަ އެވެ.

ޓީ20 ފޯމެޓްގައި، މެކްސްވެލް އަދިވެސް އޮސްޓްރޭލިއާ އަށް ކުޅެން ނިންމާފައިވާއިރު، އަންނަ އަހަރުގެ ވޯލްޑް ކަޕް ވެގެންދާނީ އެ ފޯމެޓްގައި ވެސް މެކްސްވެލް ކުޅޭނެ ފަހު އިންޓަނޭޝަނަލް މުބާރާތަށް ކަމަށް ރިޕޯޓްތައް ބުނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox