ހުލާސާކޮށް އިއްޔެ: ކަންބޮޑުވުމެއް ނެތް ގައުމީ ބޮޑު މައްސަލައެއް

May 19, 2025, 12:59 AM
ހުލާސާކޮށް އިއްޔެ: ކަންބޮޑުވުމެއް ނެތް ގައުމީ ބޮޑު މައްސަލައެއް

ރާއްޖޭގެ ފާޓިލިޓީ ރޭޓު 32 އަހަރުގެ ތެރޭގައި ވަނީ ވަރަށް ބޮޑަށް ވެއްޓިފަ އެވެ. މީގެ 35 އަހަރު ކުރިން 1990 ވަނަ އަހަރު، އެވްރެޖުކޮށް ރާއްޖޭގެ ކޮންމެ އަންހެނަކު ހަ ކުދިން ހޯދަ އެވެ. އެކަމަކު، 2022 ވަނަ އަހަރުގެ ހިސާބުތަކަށް ބަލާއިރު އެ އަދަދު ވަނީ 1.7 އަށް ވެއްޓިފަ އެވެ.

ދަރިމައިވުމަށް ދިވެހިންނަށް ކުރިމަތިވާ އެންމެ ބޮޑު ސިއްހީ ހުރަސްތަކަކީ ޕީސީއޯއެސް އަދި އެކަށީގެންނުވާ މިންވަރަކަށް ފަލަވުން ކަމަށް ދިރާސާއަކުން ދައްކައިފި ކަމަށް އިއްޔެ ރިޕޯޓުކުރި އެވެ.

"ސޯޝިއޯ އިކޮނޮމިކް ޑްރައިވާސް އޮފް ލޯ ފާޓިލިޓީ އިން ދަ މޯލްޑިވްސް" ގެ ނަމުގައި ހެދި ދިރާސާއެއްގައި ވާހަކަ ދެއްކި ގިނަ ޑޮކްޓަރުން ބުނެފައި ވަނީ ޕީސީއޯއެސް، ފަލަވުން، ވިޓަމިން ޑީ މަދުވުމަކީ ދަރިމައިވުމަށް އޮތް އެންމެ ބޮޑު ހުރަސް ކަމަށެވެ.

ޕީސީއޯއެސް އަކީ ހޯމޯންގެ މައްސަލަ ދިމާވުމުން ކުރިމަތިވާ މައްސަލަތަކަކަށް ކިޔާ ނަމެކެވެ. ޕީސީއޯއެސްގެ އަސަރު ކުރާ އަންހެނުންގެ އޮވިއުލޭޓްނުވުމާއި އޯވަރީގައި ސިސްޓު ހުރުމާއި ފިރިހެން ހޯމޯނެއް ކަމަށްވާ އެންޑްރޯޖެން ގިނަވުމުގެ މައްސަލަތައް ކުރިމަތިވެ އެވެ.

ދަރިން ލިބުން މަދުވާ ސަބަބުތައް ދެނެގަތުމަށް ހެދި އެ ދިރާސާގައި ވާހަކަ ދެއްކި ޑޮކްޓަރުން ބުނި ގޮތުގައި ލަހުން ދަރިން ލިބުމަށް މަގުފަހިވާ އެންމެ ބޮޑު އެއް ސަބަބަކީ ސިޒޭރިއަން ގިނަވުމާއި އިންފާޓިލިޓީ އެވެ. އަދި ނުރައްކާތެރި އެބޯޝަންތަކުގެ ސަބަބުން ވެސް ދަރިމައިވުމަށް ވަރަށް ބޮޑަށް އަސަރު ކުރާ ކަމަށް، ޔޫއެންއެފްޕީއޭ އަދި މޯލްޑިވްސް ނެޝަނަލް ޔުނިވާސިޓީ ގުޅިގެން ހެދި އެ ދިރާސާގައި ވާހަކަ ދެއްކި ޑޮކްޓަރުން ބުނެފައިވެ އެވެ.

ކުރިން ހަދާފައި ހުރި އެހެން ދިރާސާތަކުން ދައްކާ ގޮތުގައި ރާއްޖޭގައި ސިޒޭރިއަން ހަދާ މިންވަރު އާދަޔާ ހިލާފަށް ގިނަ އެވެ. ގައުމެއްގެ ނިސްބަތުން ސިޒޭރިއަން ހަދާ މިންވަރު ހުންނަންޖެހެނީ 10 ޕަސެންޓާއި 15 ޕަސެންޓާ ދޭތެރޭގަ އެވެ. އެކަމަކު ރާއްޖޭގައި ވިހާ އަންހެނުންގެ ތެރެއިން 40 ޕަސެންޓަށްވަރު ގިނަ މީހުން ސިޒޭރިއަން ހަދަ އެވެ.

ދަރިން ހޯދުމަށް މީހުން ޖެހިލުންވާ އެންމެ ބޮޑު ސަބަބެއް ކަމަށް ދިރާސާގައި ވާހަކަ ދެއްކި މީހުން ބުނެފައި ވަނީ މާލީ ގޮންޖެހުމާއި ގެދޮރުގެ ދަތިކަމެވެ. އަދި އެ ދެ ކަންތައް ހައްލުވާ ނަމަ ބޮޑު އާއިލާއަށް ބިނާ ކުރުމުގެ ޝައުގުވެރިކަން ދިރާސާގެ ބައިވެރިން ވަނީ ފާޅުކޮށްފަ އެވެ.

ދިރާސާގައި އިންޓަވިއު ކުރި އަންހެނުންގެ ތެރެއިން 56 ޕަސެންޓު މީހުން އިތުރަށް ދަރިން ހޯދާކަށް ބޭނުމެއް ނުވެ އެވެ. ގިނަ މީހުން ބުނެފައި ވަނީ އާއިލާއަކަށް އެންމެ ރަނގަޅީ ތިން ކުދިން ކަމަށެވެ. އެކަމަކު އެގޮތަށް ބޭނުންވީ ނަމަވެސް ގިނަ މީހުން އެވަރަށް ދަރިންނެއް ނުހޯދަ އެވެ.

މި ގައުމީ މައްސަލައަށް ހައްލެއް ހޯދަން ސަރުކާރުތަކެއް އެކަށީގެންވާ މަސައްކަތެއް ނުކުރެ އެވެ.

titledesc

ނަމާދު ވަގުތު

  • ފަތިސް 04:35
  • އިރުއަރާ 05:51
  • މެންދުރު 12:06
  • އަޞްރު 15:27
  • މަޣްރިބް 18:14
  • ޢިޝާ 19:30

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox