ބާރުގަދަ ވަޒީރުންނާ ފައިޓު ދެވޭނެ މެންބަރުން ނެތް ކަމަށް އަސްލަމް ވިދާޅުވެއްޖެ

May 13, 2025, 11:25 AM
ބިލެތްދޫ ދާއިރާގެ މެންބަރު އަސްލަމް. ވަޒީރުން ޒިންމާދާރު ކުރެވޭނެ ގޮތެއް މަޖިލީހުގެ މެންބަރުންނަށް ނެތް ކަމަަށް މިއަދުގެ ކޮމިޓީ ބައްދަލުވުމުގައި ވިދާޅުވި --- ފޮޓޯ: ރައްޔިތުންގެ މަޖިލިސް

ބިލެތްދޫ ދާއިރާގެ މެންބަރު އަސްލަމް. ވަޒީރުން ޒިންމާދާރު ކުރެވޭނެ ގޮތެއް މަޖިލީހުގެ މެންބަރުންނަށް ނެތް ކަމަަށް މިއަދުގެ ކޮމިޓީ ބައްދަލުވުމުގައި ވިދާޅުވި --- ފޮޓޯ: ރައްޔިތުންގެ މަޖިލިސް

ސަރުކާރުގައި ތިއްބެވި ބާރުގަދަ ވަޒީރުންނާ "ފައިޓު" ދެވޭނެ މެންބަރުން ރައްޔިތުންގެ މަޖިލީހުގެ އިމްތިޔާޒާއި ސުލޫކީ ކޮމިޓީގައި ނެތް ކަމަށާއި ވަޒީރުން ޒިންމާދާރު ކުރެވޭނެ ގޮތެއް މަޖިލީހުގެ މެންބަރުންނަށް ނެތް ކަމަށް ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އަށް ނިސްބަތްވާ ބިލެތްދޫ ދާއިރާގެ މެންބަރު އަހްމަދު އަސްލަމް ވިދާޅުވެއްޖެ އެވެ.

ރައްޔިތުންގެ މަޖިލީހުގެ މެންބަރުންގެ ސުވާލުތަކަށް ޖަވާބު ދެއްވުމަށް އެޕްރީލް 16، ގައި މަޖިލީހަށް ހާޒިރުވެ ހެރިޓޭޖު މިނިސްޓަރު، އާދަމް ނަސީރު ދޮގު މައުލޫމާތު ދީފައިވާތީ އޭނާގެ މައްސަލަ މަޖިލީހުގެ އިމްތިޔާޒާއި ސުލޫކީ ކޮމިޓީއަށް ހުށަހެޅުއްވީ މަޖިލީހުގެ މައިނޯރިޓީ ލީޑަރު އިބްރާހިމް ނާޒިލް އެވެ.

އެ މައްސަލައާ ގުޅިގެން މިއަދު ބޭއްވި ކޮމިޓީ ބައްދަލުވުމުގައި ވާހަކަ ދައްކަވަމުން މެންބަރު އަސްލަމް ވަނީ މިދިޔަ އެއް އަހަރުގެ ތެރޭގައި މަޖިލީހުން އަމަލުކޮށްފައިވާ ގޮތަށް ބަލާއިރު މައްސަލައިގައި އިތުރަށް ކުރިއަށް ދެވޭނެ ކަމަށް ގަބޫލު ނުކުރައްވާ ކަމަށް ވިދާޅުވެފަ އެވެ.

Advertisement

"މި އެންމެން ވެސް ކުރާ ކަންކަން މަޖިލީހަށް އައިސް. މިއީކީ ވަކި މި މިނިސްޓަރުގެ ކަމެއް ނޫން. ދެން ޕީއެންސީގެ ވާހަކަ ދެއްކީމައި، ހަގީގަތަކީ އެއީ. ހަގީގަތަށް ހިނގާ އަޅުގަނޑުމެން ދާން. މިއެއް ނުއެއް ބެލޭނެ. ޕީއެންސީގެ މެޖޯރިޓީ މިތާ އޮތީ. ޕީއެންސީގެ ސަރުކާރެއް. ޕީއެންސީގެ ވަޒީރެއް. ޒިންމާދާރެއް ނުވެސް ކުރޭނެ. މިތާ ތިބެ ކޮންމެ ވާހަކައެެއް ދެއްކިޔަސް، ތަޅުމުގައި އަޅުގަނޑުމެން ވޯޓެއް ނުދޭނަން. އެއީ ވަރަށް ސާފުކަމެއް،" އަސްލަމް ވިދާޅުވި އެވެ.

ވަޒީރުންނާ ގުޅޭގޮތުން ހުށަހެޅޭ މިފަދަ މައްސަލަތައް ބެލުމަކީ "ބޭކާރު މަސައްކަތެއް"ގެ ގޮތުގައި އަސްލަމް ސިފަކުރައްވި އެވެ. އެގޮތުން، ފާއިތުވެދިޔަ އެއް އަހަރުގެ ތެރޭގައި ތަޖުރިބާ ކުރެވުނު ކަންކަމަށް ބަލާއިރު މިފަދަ މައްސަލައެއް ބަލައިގެން ނުކުންނާނެ އެއްވެސް ނަތީޖާއެއް ނޯންނާނެ ކަމަށް އޭނާ ވިދާޅުވި އެވެ.

"މިތަނަށް ގެންނަން ވެސް ގެނެވިދާނެ. ހަމަ އެކައްޗެކޭ ކިޔާނީ. އެއަކުން އަންނާނެ އެއްވެސް ނަތީޖާއެއް ނޯންނާނެ. އެއް އަހަރު އަޅުގަނޑުމެން ތަޖުރިބާ މިކުރީ މި ލެވެލްގައި. މިއީ ހަގީގަތް. މީގައި ކަމެއް ސާފުކުރިޔަސް، ކަމެއް ރަނގަޅު ކުރިޔަސް އަޅުގަނޑުމެން ފަށަން ޖެހޭ ހިސާބުން ފަށައިގެން ނޫނީ ރަނގަޅެއް ނުވާނެ. އެންމެ ފުރަތަމަ މި މަޖިލިސް، ދެން އެންމެ މައްޗަށް ތިބި މީހުން،" އޭނާގެ ކަންބޮޑުވުން ހިއްސާކުރައްވަމުން ވިދާޅުވި އެވެ.

އާދަމް ނަސީރު މަޖިލީހަށް ދޮގު މައުލޫމާތު ދެއްވިއިރު އެ މިނިސްޓްރީއަކީ ގައުމަށް ބޭނުން ނުވާ މިނިސްޓްރީއެއް ކަމަށް ވެސް މެންބަރު އަސްލަމް ވިދާޅުވި އެވެ.

"ތިއީ ހަގީގަތުގައި ބޭކާރު މިނިސްޓްރީއެއް ދޯ. މި ގައުމަށް ބޭނުންވާ އެއްޗެއް ވެސް ނޫން. ދެން މި ކޮމިޓީއަކު ނެތް ހަގީގަތުގައި މިހާރު މިތިބީ ބާރުގަދަ ވަޒީރުންނާއި ކަމެއް ނިންމާލަން ފައިޓު ދެވޭނެ މެންބަރުންނެއް. އެއަށްވުރެ މާ ކުދި މެންބަރުން މި ތިބީ. ސައިޒު ކުދި ވާހަކަ. އަޅުގަނޑުމެން ވަރަށް ބޮޑެތި، މިއިން ޝާކިރު ވެސް. އެގޮތަކަށް ނޫން މި ދެންނެވީ،" އަސްލަމް ވިދާޅުވި އެވެ.

އާދަމް ނަސީރު ދޮގު މައުލޫމާތު ދެއްވި ހަތަރު ކަމެއް ނާޒިލް ހުށަހެޅުއްވި މައްސަލާގައި ފާހަގަކޮށްފައިވެ އެވެ. ކޮމިޓީއިން މިއަދު ނިންމީ މިކަމުގައި މައުލޫމާތު ސާފު ކުރުމަށް އާދަމް ނަސީރު ބަލަހައްޓަވާ ހެރިޓޭޖު މިނިސްޓްރީއަށް ލިޔުމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox