އަލޮންސޯ، ރެއާލްގެ ކޯޗުކަމާ ހަވާލުވާން އެއްބަސްވެއްޖެ: ރިޕޯޓް

May 9, 2025, 9:45 AM
އަލޮންސޯ، ރެއާލްގެ ކޯޗުކަމާ ހަވާލުވާން އެއްބަސްވެއްޖެ: ރިޕޯޓް

މެޑްރިޑް (މެއި 9) - ބަޔާ ލެވަކޫސަންގެ ކޯޗަކަށް ހުރި ސްޕެއިނުގެ ޒަބީ އަލޮންސޯ، ސްޕެއިނުގެ ގަދަބާރު ރެއާލް މެޑްރިޑްގެ ކޯޗުކަމާ ހަވާލުވާން އެއްބަސްވުމަކަށް އަތުވެފައިވާ ކަމަށް ސްޕެއިނުގެ މީޑިއާ ރިޕޯޓްތައް ބުނެފި އެވެ.

ރެއާލްގެ ކޯޗުގެ މަގާމުގައި މި ވަގުތު ހުރި ކާލޯ އަންޗެލޮޓީ މި ސީޒަން ނިމުމުން އެ ޓީމު ދޫކޮށްލާނެކަން ޔަގީންވެފައިވާއިރު، އެ ޓީމާ ދެން ހަވާލުވާނެ ކަމަށް ކުރިން ވެސް މީޑިއާގައި އަޑުފެތުރުނީ އަލޮންސޯ އެވެ. ލެވަކޫސަންގެ ކޯޗުގެ މަގާމާ 2022 ވަނަ އަހަރުގެ އޮކްޓޫބަރުގައި ހަވާލުވެ، އަލޮންސޯ އަންނަނީ އެ ޓީމާ އެކު، ރަނގަޅު މަސައްކަތްތަކެއް ކުރަމުންނެވެ. އެ ގޮތުން، އެ ޓީމަށް ފުރަތަމަ ފަހަރަށް ޖަރުމަނު ލީގުގެ ޗެމްޕިއަންކަން މިދިޔަ ސީޒަނުގައި ހޯދައިދީ ގިނަ ރެކޯޑްތަކެއް ހެދި އެވެ.

ސްޕެއިނުގެ މީޑިއާ ރިޕޯޓްތައް ބުނާގޮތުން، އަލޮންސޯ ވަނީ، ރެއާލާ އެކު، ތިން އަހަރުގެ ކޮންޓްރެކްޓެއް ހަދައި، 2028 ވަނަ އަހަރުގެ ޖޫންގެ ނިޔަލަށް އެ ޓީމާ ގުޅެން އެއްބަސްވެފަ އެވެ.

Advertisement

ކުރިން ރެއާލަށް ކުޅެ، ގިނަ ކާމިޔާބީތަކެއް ހޯދި އަލޮންސޯ، ރެއާލްގެ ކޯޗުކަމާ ހަވާލުވާނީ އަންނަ މަހު ފަށާ ކްލަބް ވޯލްޑް ކަޕަށް ފަހު ކަމަށް ރިޕޯޓްތައް ބުނެ އެވެ. އަދި، އަލޮންސޯއާ މަޝްވަރާ ކުރުމަށް ފަހު، ރެއާލުން ކްލަބް ވޯލްޑް ކަޕްގެ ކޯޗަކަށް ސަންޓިއާގޯ ސޮލާރީ ހަމަޖައްސަން ވާހަކަ ދައްކަމުން އަންނަ ކަމަށް ރިޕޯޓްތައް ބުނެ އެވެ.

އަލޮންސޯ، މި ވަގުތު ލެވަކޫސަންގައި ހުރީ 2027 ވަނަ އަހަރުގެ ޖޫން މަހުގެ ނިޔަލަށް އޮތް ކޮންޓްރެކްޓެއްގަ އެެެވެ. އެކަމަކު، ކޮންމެ ސީޒަނެއް ނިމުމުން ވެސް އަލޮންސޯ އަށް ވަކި ކްލަބްތަކެއްގެ އޮފާ އައިސްފިނަމަ، މަޝްވަރާތައް ކުރެވޭ ގޮތަށް މާއްދާއެއް ވަނީ ލެވަކޫސަންގެ ކޮންޓްރެކްޓްގައި ހިމަނައިފަ އެވެ. އެ ގޮތުން، އަލޮންސޯ ރެއާލަށް ބަދަލުވަނީ ވެސް އެ މާއްދާގެ ތެރެއިން ހިނގާ މަޝްވަރާތަކަށް ފަހު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox