ޓެކްސީ ލައިން ތައާރަފު ކުރަން ހަރަދުވާނެ ވަރެއް މިނިސްޓަރު އަމީންއަށް ބުނެ ނުދެވުނު

ޓްރާންސްޕޯޓު މިނިސްޓަރު، މުހައްމަދު އަމީން ޖަލްސާއެއްގައި ބައިވެރިވަނީ -- ފޮޓޯ: މިރާޝް ނާޝިމް / އަދަދު

ޓްރާންސްޕޯޓު މިނިސްޓަރު، މުހައްމަދު އަމީން ޖަލްސާއެއްގައި ބައިވެރިވަނީ -- ފޮޓޯ: މިރާޝް ނާޝިމް / އަދަދު

ސަރުކާރުގެ ޓެކްސީ ލައިން ތައާރަފުކުރަން ހަރަދުވާނެ ވަރެއް ދަންނަވަން ދަތި ކަމަށް ޓްރާންސްޕޯޓު މިނިސްޓަރު، މުހައްމަދު އަމީން ވިދާޅުވެއްޖެ އެވެ.

ޓެކްސީ ލައިންއާ ގުޅޭގޮތުން ސުވާލު ކުރުމަށް މިއަދު މަޖިލީހަށް ހާޒިރުކޮށް މެންބަރުން ކުރެއްވި ސުވާލުތަކަށް ޖަވާބު ދެއްވަމުން އަމީން ވިދާޅުވީ ސަރުކާރުގެ ޓެކްސީ ލައިން ތައާރަފު ކުރުމަށް ހަރަދު ކުރަނީ އެކަމަށް ބޭނުންވާ ކާރުތަކަށް އެކަނި ނޫން ކަމަށެވެ. އެހެންކަމުން މުޅި އެ އޮޕަރޭޝަން ފެށުމަށް ހަރަދުވާނެ ވަރު ދަންނަވަން ދަތި ކަމަށް އަމީން ވިދާޅުވި އެވެ.

"މުޅި ޕްރޮޖެކްޓު ހިމެނިގެން މިދަނީ ކާރަކަށް ނޫން، އެހެންވީމާ ސީދާ މި ވަގުތު އަދި އާރްއެފްޕީ ޕްރޮސެސް އާއި މި ޕްރޮޕޯޒަލް ހުށަހަޅައިގެން އެ ކަންތައް ކުރިއަށް ދާތީ ސީދާ އަދަދު މިވަގުތު ދަންނަވަން ދަތި،" އަމީން ވިދާޅުވި އެވެ.

ޓެކްސީ ލައިން އުފެއްދުމަށް ކުރަންޖެހޭ ކަންކަމުގެ ތަފުސީލު ދެއްވަމުން އަމީން ވިދާޅުވީ ސަރުކާރުގެ ޓެކްސީ ލައިނުގައި ބޭނުން ކުރަން ނިންމާފައި ވަނީ އިލެކްޓްރިކް ވެހިކަލް ކަމަށްވެފައި އެއީ ދިވެހިރާއްޖެއަށް މުޅީން އާ ކަމަކަށް ވާތީ އިތުރު ބައިވަރު ކަންކަން ވެސް ކުރަންޖެހޭ ކަމަށެވެ.

އެގޮތުން އަމީން ވިދާޅުވީ ސަރުކާރުގެ ޓެކްސީ ލައިން ތައާރަފު ކުރާއިރު، ޓެކްސީތަކުގެ ގޮތުގައި ބޭނުންކުރާ އިލެކްޓްރިކް ކާރުތައް ޗާޖު ކުރާނެ ސްޓޭޝަންތަކާއި އެ ކާރުތަކުގެ މެއިންޓެނެންސް ހަމަޖެއްސުމުގެ އިތުރުން އެ ކާރުތައް ޕާކު ކުރާނެ އިންތިޒާމުތައް ވެސް ހަމަޖައްސަން ޖެހޭ ކަމަށެވެ.

މާލޭގައި ދުއްވާ އުޅަނދުތައް ޕާކު ކުރަން ދިމާވާ މައްސަލަތަކަށް ހައްލެއް ހޯދުމަށްޓަކައި ގަވާއިދު އިސްލާހު ކޮށްފައިވާ ކަމަށް ވެސް އަމީން ވިދާޅުވި އެވެ.

ސަރުކާރުގެ ޓެކްސީ ލައިން ތައާރަފު ކުރުމަށް ހަރަދުވާނެ ވަރު ދަންނަވަން ދަތި ކަަމަށް އަމީން ވިދާޅުވި ނަމަވެސް އެ މަސައްކަތް ހަވާލުކޮށްފައިވާ އެމްޓީސީސީން މީގެ ކުރިން ބުނެފައި ވަނީ ޓެކްސީ ލައިންގެ ފުރަތަމަ ފިޔަވަހީގެ ދަށުން 100 ކާރު ގެނައުމަށް ނިންމާފައިވާ ކަމަށެވެ.

އެ ކާރުތައް ގެނައުމަށް 80 މިލިއަން ރުފިޔާ ހަރަދުކުރަން ނިންމާފައިވާ ކަމަށް ވެސް އެ ކުންފުނިން ބުންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox