ހޭންޑްބޯޅަ ކޯޓާ ގުޅޭ މައްސަލަތަކަށް މި އަހަރުތެރޭ ހައްލެއް

May 4, 2025, 5:28 AM
ހޭންޑްބޯޅަ ކޯޓާ ގުޅޭ މައްސަލަތަކަށް މި އަހަރުތެރޭ ހައްލެއް

މާލޭ ހޭންޑްބޯޅަ ކޯޓުގައި ހުރި ބޮޑު މައްސަލަަތަކަށް މި އަހަރު ނިމުމުގެ ކުރިން ހައްލެއް ގެނައުމުގެ މަސައްކަތް ހޭންޑްބޯލް މޯލްޑިވްސްއާ ގުޅިގެން ކުރަމުން އަންނަ ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ އެވެ.

މާލޭގައި މި ވަގުތު ހޭންޑްބޯޅަ ކުޅެމުން އަންނަ އައުޓް ޑޯ ކޯޓު، ގައުމީ ހޭންޑްބޯޅަ ކޯޓު، 2021 ވަނަ އަހަރު އެޅި ފަހުން، އެ ތަން ހިޔާ ކުރުމުގެ ވާހަކަ އާއި އެ ތަން، އިންޑޯ އަކަށް ބަދަލުކުރުމުގެ ވާހަކަ އަންނަނީ ދެކެވެމުންނެވެ. އެ ވިސްނުމުގައި ކުރިއަށްދެވޭތޯ، އެސޯސިއޭޝަނުން އަންނަނީ ގިނަގުނަ މަސައްކަތްތަކެއް ކުރަމުންނެވެ. ސަރުކާރާ އެކު ވެސް ގިނަ ވާހަކަތަކެއް ދެކެވުނެވެ.

ރޭ ބޭއްވި ހޭންޑްބޯލް މޯލްޑިވްސްގެ އިވެންޓްގައި ވާހަކަ ދައްކަވަމުން، ހޭންޑްބޯލް މޯލްޑިވްސްގެ ރައީސް، އަހުމަދު މުޖުތަބާ (މުޖޭ) ވިދާޅުވީ، ހޭންޑްބޯޅަ އިންޑޯގެ މަސައްކަތް މިހާރު ފެށިފައިވާ ކަމަށާއު ކުރިއަށް އޮތް ހަފްތާގައި ބުޑު އަޅަން ފެށޭނެ ކަމަށެވެ.

"އިރާދަކުރެއްވިއްޔާ ލަސްތަކެއް ނުވެ، ފުރާޅެއް، ހިޔާވަހިކަމެއް ފެނިގެންދާނެ. އަދި މިނިސްޓަރުގެ ވިސްނުމަކީ ވަރަށް އުޖާލާ ތަނަވަސްތަނެއް ހޭންޑްބޯޅަ ކުޅެވިގެންދިއުން، މިހާރު ވަނީ އިންޑޯ މެޓީރިއަލް ގެންނަން ހަވާލުކޮށްފައި. މިއީ ރާއްޖޭގެ އިންޑޯ ހޭންޑްބޯޅަ އަށް ވަރަށް ހާއްސަ ކަމަކަށްވެގެންދާނެ، މިހާރު ކުޅެމުން އަންނަ ސްޕީޑާއި އެންޑިއުރެންސަށް ވަރަށް ބޮޑު ބަދަލެއް އަންނާނެ. އަޅުގަނޑުމެންނަށް އެ މެޓްގައި ކުޅުމުގެ ފުރުސަތެއް ނުލިބޭ މީގެ ކުރިން،" މުޖޭ ވިދާޅުވި އެވެ.

ސްޕޯޓްސް މިނިސްޓަރު ރާފިއު ވިދާޅުވީ، ފާއިތުވި އަހަރުތަކުގައި، ވިއްސާރަ ވެގެން ހޭންޑްބޯޅަ މުބާރާތްތައް ދިގުލައި ގޮސް އެކި ގޮންޖެހުންތަކާ ކުރިމަތިލާން ޖެހޭ ކަމަށެވެ. އެ ގޮތުން، ރާއްޖޭގެ ރަށްތަކުން އަންނަ ޓީމުތަކަށް މާލޭގައި ތިބެން އުނދަގޫވެ މައްސަލަތައް ދިމާވެ، އެކަމުގެ އުނދަގޫ ކުޅުންތެރިންނާއި އެ ޓީމުތައް ހިންގާ ފަރާތްތަކަށް ކުރިމަތިވާއިރު، އެކަންކަން ހައްލުކުރަން މިނިސްޓްރީ އަށް ޝަކުވާއެއް ނޫނީ އިލްތިމާސެއްގެ ގޮތުގައި އެކަން އަންނަ ކަމަށް މިނިސްޓަރު ވިދާޅުވި އެވެ.

"ހަމަ ޖެނުއިން ކަމެއް (އަސްލު މައްސަލައެއް) ކަމަށްވާތީ އަޅުގަނޑުމެން ދެންނެވިގެން ބަލައިގަންނާނަމޭ. އެއީ އެކަމުގެ މުހިންމުކަން އެންމެންނަށް ވެސް އެނގޭތީވެ، އެހާ ޑިމާންޑް އޮންނަ ކުޅިވަރެއް، ދެ ޖިންސުން ކުޅޭ ކުޅިވަރެއް، އެކި އުމުރުފުރާ އިން ކުޅޭ ކުޅިވަރެއް، ކުޅެވޭނެ އެއްވެސް ގޮތެއް ނޯވޭ ވާރޭ ވެހޭއިރަކު ވިއްސާރަވީމަކާ،" ރާފިއު ވިދާޅުވި އެވެ.

މި ހުރި މައްސަލަތަކަށް ގެނެވޭނެ ހައްލެއް، ސްޕޯޓްސް މިނިސްޓްރީ އާއި ހޭންޑްބޯލް މޯލްޑިވްސް އިން މިދިޔަ އަހަރު ފެށި އެވެ. ރާފިއު ވިދާޅުވީ، އެކަމުގެ ނަތީޖާ މިހާރު ފެންނަން ފަށާފައިވާ ކަމަށެވެ.

"ހޭންޑްބޯޅަ ރައީސް އެ ވިދާޅުވީ، ގެންނަން ޖެހޭ ތަކެތި އޯޑަރުކޮށްފައޭވީ އަޅުގަނޑު ހިތުން އެތާގައި އަޅާ މެޓް ވެސް، އައިއެޗްއެފް އިން ވަނީ 50 ޕަސެންޓް ދައްކާފައި، އަނެއް 50 ޕަސެންޓް އަޅުގަނޑުމެން މިނިސްޓްރީން ވެސް ވަނީ ޕޭމަންޓް ހަމަޖައްސައިފައި. އިރާދަކުރެއްވިއްޔާ ދެ ހަފްތާއެއް ވަރު ތެރޭ އެ މެޓީރިއަލް ވެސް ލިބިގެންދާނެ ކަމަށް ހޭންޑްބޯލް ރައީސް ވެސް ވިދާޅުވީ،"

މިނިސްޓަރު ވިދާޅުވީ، "މި އަހަރު ނިމޭ ހިސާބުގައި މި މަސައްކަތް އެއްކޮށް ނިންމާލެވި، ވާރޭ ނުވެހޭ ތަނެއްގައި" ހޭންޑްބޯޅަ މުބާރާތްތައް ކުޅެވިގެންދާނެ ކަމަށެެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox