ހޭޅިފަށަށް ގެއްލުން ވާތީ ގެމަނަފުށީ ބޭރު މަގު ހެދުން ހުއްޓުވަން ކޯޓު އަމުރެއް ނެރެފި

ގއ. ގެމަނަފުށީގެ ސެޓްލައިޓު ފޮޓޯއެއް: އެ ރަށުގެ ވަށައިގެން ހަދާ މަގުގެ މަސައްކަތް ހުއްޓުވަން އެދުނީ އަމިއްލަ ފަރުދަކު --- ފޮޓޯ: ގޫގުލް އާތު

ގއ. ގެމަނަފުށީގެ ސެޓްލައިޓު ފޮޓޯއެއް: އެ ރަށުގެ ވަށައިގެން ހަދާ މަގުގެ މަސައްކަތް ހުއްޓުވަން އެދުނީ އަމިއްލަ ފަރުދަކު --- ފޮޓޯ: ގޫގުލް އާތު

ގއ. ގެމަނަފުށީ ކައުންސިލުން އެ ރަށު ވަށައިގެން ހަދަން ނިންމާފައިވާ މަގު ހެދުމުގެ މަޝްރޫއުގެ ބައެއް ހުއްޓުވުމަށް އެ ރަށު މެޖިސްޓްރޭޓް ކޯޓުން ވަގުތީ އަމުރެއް ނެރެފި އެވެ.

ގެމަނަފުށީ ކޯޓުން މިފަދަ އަމުރެއް ނެރުނީ، މި މަގު ހެދުމަށް އާންމު މީހެއްގެ ގޯއްޗާއި ދިމާ ހޭޅިފަށުގެ ގަސްތަކެއް ކަނޑާ ތިމާވެށްޓަށް ބޮޑެތި ގެއްލުންތަކެއް ވާނެ ކަމަށް ބުނެ އޭނާ ވަގުތީ އަމުރަކަށް އެދުމުންނެވެ.

މި މައްސަލަ ހުށަހެޅި ފަރާތުން މައިގަނޑު ގޮތެއްގައި ފާހަގަކޮށްފައިވަނީ މަގު ހަދަން ރުކާއި ގަސް ކަނޑަން ނިންމާފައިވާ ސަރަހައްދަކީ މިހާރުވެސް އުދަ އެރުން އާންމު ސަރަހައްދެއް ކަމާއި ހޭޅިފަށަށް ގެއްލުން ދީފި ނަމަ އުދަ އެރުން އިތުރުވާނެ ކަމަށް ބެލެވޭތީ ކަމަށެވެ.

މީގެ އިތުރުން، ކޮންމެ ރަށެއްގެ ވެސް އެންމެ ގޮނޑުދޮށަށް ހެދިފައިވާ ގަސް ނުވަތަ ރުކުން ފެށިގެން އެއްގަމަށް 20 މީޓަރު ހަމަވަންދެން ހުންނަ ގަސްރުށް ކެނޑުމާއި އުފުރުމަކީ ގަސްކަރަ ހިމާޔަތްކުރުމުގެ ގަވާއިދުގެ ދަށުން މަނާކަމެއްކަން ވެސް އޭނާ ފާހަގަކޮށްފައިވެ އެވެ.

މައްސަލަ ހުށަހެޅި ފަރާތުން ކޯޓަށް ހުށަހެޅި ހެކީގެ ތެރޭގައި، ގަސްކަރަ ހިމާޔަތް ކުރުމުގެ ގަވާއިދުގެ ދަށުން ހިމާޔަތް ލިބޭ ކޯސްޓަލް ވެޖިޓޭޝަން ބެލްޓުގައި މަގު ހެދުމުގެ މަޝްރޫއެއް ހިންގުމަށް ހުއްދަ ނުދޭނެ ކަމަށް ބުނެ އެންވާރަމަންޓު ޕްރޮޓެކްޝަން އެޖެންސީން (އީޕީއޭ) އިން ފޮނުވާފައިވާ މެއިލް އެއްވެސް ހިމެނެ އެވެ.

ކޯޓުން ނެރުނު ވަގުތީ އަމުރުގައި ބުނީ މަގު ހެދުމުގެ މަޝްރޫއުގެ ތެރެއިން މައްސަލަ ހުށަހެޅި މީހާގެ ގެ ހުންނަ ބްލޮކާ ދިމާލުން މަޝްރޫއުގެ އެއްވެސް މަސައްކަތެއް ކުރުން ހުއްޓާލަން ޖެހޭނެ ކަމަށެވެ. އަދި އަމުރުގެ މުއްދަތުގައި ކައުންސިލުން އެފަދަ ކަމެއް ކުރާނަމަ އެކަން ހުއްޓުވަން ފުލުހުންނަށް ވެސް އަމުރުކޮށްފައިވެ އެވެ.

ވަގުތީ އަމުރުގައި، މި މައްސަލާގައި ދައުވާ ހުށަހެޅުމަށް ހަތް ދުވަހުގެ މުއްދަތު ދީފައިވެ އެވެ. އެ މުއްދަތުގައި ދައުވާ ހުށަނާޅައިފިނަމަ އަމުރު ބާތިލުވާއިރު، ދައުވާ ހުށަހަޅައިފި ނަމަ މައްސަލަ ބަލާ ނިމެންދެން މި އަމުރު ހިނގާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox