ނާސާގެ ސްފިއައެކްސް މިޝަނުން ފުރަތަމަ ފަހަރަށް ބޭރު ޖައްވުގެ ފޮޓޯތައް ފޮނުވައިފި އެވެ. މިއީ މުޅި އުޑުގެ ސާވޭކުރުމުގެ ކުރިން ނެގި މުހިންމު ފޮޓޯތަކެކެވެ. 2025 މާރިޗު 11 ގައި ދަތުރު ފެށި މި ޓެލެސްކޯޕަކީ މިލިއަނުން ގުނާލެވޭ ގެލެކްސީތައް ސްކޭންކޮށް، އިންފްރާރެޑް އަލީގައި މަޢުލޫމާތު އެއްކުރުމަށް ފަރުމާކުރެވިފައިވާ އެއްޗެކެވެ.
މާރިޗު 27 ގައި، މި ޓެލެސްކޯޕުގެ ޑިޓެކްޓަރުތަކުން އެތައް ހާސް އަލީގެ މަސްދަރުތައް، އޭގެ ތެރޭގައި ދުރު ތަރިތަކާއި ގެލެކްސީތައް ހިމެނޭ ފޮޓޯތަކެއް ނަގާފައިވެ އެވެ. އިންފްރާރެޑް ރާޅުތަކަށް އިތުރު ކުލަތައް ލައިގެން ޕްރޮސެސް ކުރެވިފައިވާ މި ފޮޓޯތަކުން ސްފިއައެކްސް ޓެލެސްކޯޕް އުންމީދުކުރެވޭ ގޮތަށް މަސައްކަތްކުރާކަން ޔަގީންވެ އެވެ. މުޅިން މަސައްކަތްކުރަން ފެށުމުން، މި ޓެލެސްކޯޕުން ދުވާލަކު 600 ފޮޓޯ ނަގާނެ އެވެ. އަދި ދެ އަހަރުގެ މިޝަނުގެ މުއްދަތުގައި މުޅި އުޑު ހަތަރު ފަހަރު މެޕްކުރާނެ އެވެ.
ނާސާގެ ޖެޓް ޕްރޮޕަލްޝަން ލެބޯޓްރީ (ޖޭޕީއެލް) އަދި ކެލްޓެކްގެ ސްފިއައެކްސް ޕްރޮޖެކްޓް ސައިންޓިސްޓް އޮލިވިއޭ ޑޯރޭ ބުނިގޮތުގައި، ޓެލެސްކޯޕް ގަސްތުކުރެވުނު ގޮތަށް މަސައްކަތްކުރަމުންދެއެވެ. އިންސާނީ ލޮލަށް ނުފެންނަ އިންފްރާރެޑް އަލި ސްފިއަރއެކްސްއިން ދެނެގަންނަނީ ކުލަތައް މެޕްކޮށްގެން، އެއީ ދިރާސާކުރާ ފަރާތްތަކަށް އެ އަލި ފެންނަގޮތަށް އަދި ތަހުލީލުކުރެވޭގޮތަށެވެ. މި އޮބްޒަރވޭޓަރީގެ ޚާއްސަ ޑިޒައިންގައި ކޮންމެ ޑިޓެކްޓަރަކަށް 17 އިންފްރާރެޑް ރާޅުގެ ބޭންޑްތައް ހިމެނެއެވެ. މިއިން ކޮންމެ ހަ ފޮޓޯއެއްގައި 102 ކުލަ އުފެއްދޭނެއެވެ.
ހަބަލް ނުވަތަ ޖޭމްސް ވެބް ސްޕޭސް ޓެލެސްކޯޕާ ޚިލާފަށް، ވަކި ސަރަހައްދުތަކަށް އަމާޒުކުރުމުގެ ބަދަލުގައި، ސްފިއަރއެކްސް ފަރުމާކުރެވިފައިވަނީ ބޮޑެތި ދާއިރާތައް ސާރވޭކުރުމަށެވެ. މިއީ ސްޕެކްޓްރޮސްކޮޕީ ބޭނުންކޮށްގެން އަލި ވަކިކޮށް، އުޑުމަތީގެ ވަސީލަތްތަކުގެ ކެމިކަލް ކޮމްޕޮޒިޝަން އަދި ދުރުމިން ދެނެގަތުމަށް މަސައްކަތްކުރާ ޓެލެސްކޯޕެކެވެ.
ޖޭޕީއެލްގެ ޑެޕިއުޓީ ޕްރޮޖެކްޓް މެނޭޖަރ ބެތް ފެބިންސްކީ ބުނިގޮތުގައި ފޮޓޯ ނެގުމުގެ ކާމިޔާބީއަކީ މުހިންމު މައިލްސްޓޯނެކެވެ. ޓެލެސްކޯޕް މިހާރުވަނީ މައިނަސް 350 ޑިގްރީ ފަރަންހައިޓަށް ފިނިވެފައެވެ. މިއީ ކުދި އިންފްރާރެޑް ސިގްނަލްތައް ދެނެގަތުމަށް ކޮންމެހެން މުހިންމު ކަމެކެވެ.
ޖޭޕީއެލް އަދި ކެލްޓެކުގެ ޕްރިންސިޕަލް އިންވެސްޓިގޭޓަރ ޖެއިމީ ބޮކް ބުނިގޮތުގައި ޓެލެސްކޯޕު އުންމީދުކުރި ގޮތަށް މަސައްކަތްކުރަމުންދާކަން ޔަޤީންވެފައިވާއިރު، އިންޖިނިއަރުން ތަފާތު ޓެސްޓުތައް ކުރުމަށްފަހު އޭޕްރީލް މަހުގެ ފަހުކޮޅު ޓެލެސްކޯޕު އާންމު މަސައްކަތްތައް ފަށާނެއެވެ.
ސްފިއަރއެކްސް (SPHEREx) އަކީ ނާސާއިން 2025 ވަނަ އަހަރުގެ މާރިޗު 11 ގައި ތަޢާރަފްކުރި ބޭރު ޖައްވު ދިރާސާކުރާ ޓެލެސްކޯޕެކެވެ. މި މިޝަންގެ ފުރިހަމަ ނަމަކީ "ސްޕެކްޓްރޯ-ފޮޓޯމެޓަރ ފޯ ދަ ހިސްޓަރީ އޮފް ދަ ޔުނިވަރސް، އިޕޮކް އޮފް ރީއައިއޮނައިޒޭޝަން، އެންޑް އައިސްސް އެކްސްޕްލޯރަރ" އެވެ.
ސްފިއަރއެކްސް އަކީ އިންފްރާރެޑް ސްޕެކްޓްރޯސްކޮޕީ ޓެކްނޮލޮޖީ ބޭނުންކޮށްގެން މުޅި އުޑުގެ ސާރވޭ ހެދުމަށް ފަރުމާކުރެވިފައިވާ ޓެލެސްކޯޕެކެވެ. މި ޓެލެސްކޯޕުގެ މައިގަނޑު މަގްސަދަކީ ޔުނިވަރސްގެ އެންމެ ފުރަތަމަ ވަގުތުތަކާބެހޭ ހެކި ހޯދުމާއި، މިލްކީވޭ ގެލެކްސީގައި ފެނުގެ އަސްލު ހޯދުމާއި، އަދި ތަފާތު އެކްސޯޕްލެނެޓްތަކާއި ބެހޭ އިތުރު މަޢުލޫމާތު ހޯދުމެވެ. މިއީ ނާސާގެ އެކްސްޕްލޯރަރސް ޕްރޮގްރާމްގެ ދަށުން 242 މިލިއަން ޑޮލަރުގެ ބަޖެޓެއްގައި ހިންގޭ މިޝަނެކެވެ.
ސްފިއަރއެކްސް އަށް ދެ އަހަރުގެ މުއްދަތު ދެވިފައިވާއިރު، މި މުއްދަތުގެ ތެރޭގައި މުޅި އުޑުގެ މެޕް ހަތަރު ފަހަރު ހަދާނެކަމަށް ބެލެވެއެވެ. މި ޓެލެސްކޯޕުގެ ހޯދުންތަކަކީ ހިއުމަން ޑިވެލޮޕްމަންޓް، ގެލެކްސީތަކުގެ އުފެދުން، އަދި ބޮޑެތި ސްޓްރަކްޗަރތަކާބެހޭ ސައިންސްގެ ރޮނގުން ލިބޭނެ މުހިންމު މަޢުލޫމާތުތަކެކެވެ.
