ވައިލްޑް ބްލޫބެރީން ހިތާއި ހަޖަމުކުރުމުގެ ނިޒާމު ދުޅަހެޔޮކޮށްދޭ

Jan 28, 2026, 6:43 AM
ވައިލްޑް ބްލޫބެރީން ހިތާއި ހަޖަމުކުރުމުގެ ނިޒާމު ދުޅަހެޔޮކޮށްދޭ

އިންސާނާގެ ހިތާއި ލޭ ދައުރުކުރުމުގެ ނިޒާމާއި ހަޖަމުކުރުމުގެ ނިޒާމަކީ، އެތެރެހަށީގެ ވަރަށް ގިނަ ގުނަވަންތަކުގެ ގުޅިފައިވާ މަސައްކަތްތަކަކުން ދަމަހައްޓައިދޭ ނިޒާމެކެވެ. އޭގެ ތެރޭގައި ލޭހޮޅިތަކުގެ މަސައްކަތާއި ލޭގެ ޕްރެޝަރާއި ލޭގައި އެކުލެވޭ ސަރުބި އާއި ކޮލެސްޓެރޯލް އަދި ލޭގައި ހަކުރު އެކުލެވޭ ނިސްބަތް ވެސް ހިމެނެއެވެ.

ވައިލްޑް ބްލޫބެރީ ކެއުމުން މި ނިޒާމުތަކުގެ ދުޅަހެޔޮކަމަށް، އެއްވެސް އަސަރެއް ކުރޭތޯ ބެލުމަށްޓަކައި ސައެންސްވެރިން ދިރާސާތައް ކުރަމުން އަންނަތާ މިހާރު އަހަރުތަކެއް ވެއްޖެއެވެ. އެ ގޮތުން މިދިޔަ 24 އަހަރުގެ ތެރޭގައި ހަތަރު ގައުމެއްގައި ކުރި ދިރާސާތަކުގެ ތެރޭގައި، ވައިލްޑް ބްލޫބެރީ ކެއުމުން އިންސާނުންގެ ހަށިގަނޑަށް އަންނަ ބަދަލުތައް ދެނެގަތުމަށް، ލެބޯޓެރީގައި އަޖުމަބެލުމުގެ މަސައްކަތް 12 ފަހަރެއްގެ މަތިން ކޮށްފިއެވެ.

ކްރިޓިކަލް ރިވިއުޒް އިން ފުޑް ސައިންސް އެންޑް ނިއުޓްރީޝަން ކިޔާ ޖާނަލްގައި ދާދި ފަހުން ޝާއިއުކޮށްފައިވާ ދިރާސާ ރިޕޯޓެއްގައި ބުނެފައިވާ ގޮތުން ވައިލްޑް ބްލޫބެރީ ކެއުމުން، ނާރުތަކުގައި ލޭ ދައުރުކުރުމުގެ މަސައްކަތަށް އިތުރު ކުރިއެރުން ލިބެއެވެ. އެ ގޮތުން ލޭގެ ޕްރެޝަރު ކޮންޓްރޯލް ކުރެވި، ލޭގައި ސަރުބި އާއި ކޮލެސްޓެރޯލް އެކުލެވޭ މިންވަރު ވެސް ސިއްހީ މިންގަނޑުގައި ހިފެހެއްޓޭކަން ހާމަވިއެވެ.

Advertisement

އޭގެ އިތުރުން ލޭގައި ހަކުރު އެކުލެވޭ ނިސްބަތް ވެސް، ސިއްހަތަށް ގެއްލުން ނުލިބޭ މިންވަރުގައި ހިފެހެއްޓުމަށް، ވައިލްޑް ބްލޫބެރީ އެހީވެދެއެވެ. މި ދިރާސާއިން މި ހަގީގަތްތައް ހާމަވިޔަސް، މިކަން މުޅިން ކަށަވަރު ކުރުމަށްޓަކައި އިންސާނުންގެ ހަށިގަނޑުގައި އަޖުމަ ބެލުމުގެ އިތުރު މަސައްކަތްތަކެއް ކުރަންޖެހޭނެ ކަމަށް، ދިރާސާގެ ސައެންސްވެރިން ބުނެއެވެ.

ވައިލްޑް ބްލޫބެރީއަކީ ހިތުގެ ދުޅަހެޔޮކަމާއި ހަޖަމުކުރުމުގެ ނިޒާމުގެ ދުޅަހެޔޮކަމަށް އެހީވެދޭ މޭވާއެއްކަން ކަށަވަރު ކުރުމަށް ސައެންސްވެރިން ދިރާސާކުރަން ފެށީ، އެ މޭވާއަކީ ހަޖަމު ރަނގަޅުކޮށްދީ، ލޭ ދައުރުކުރުމުގެ ނިޒާމު ރަނގަޅު ކޮށްދޭ މޭވާއެއް ކަމަށް، ޒަމާނުއްސުރެ ކިޔަމުން އަންނާތީއެވެ.

ސައެންސްވެރިން ބުނި ގޮތުގައި ވައިލްޑް ބްލޫބެރީގެ ފައިދާއާ ބެހޭ ގޮތުން ކުރި މި ދިރާސާއިން ފާހަގަވި އެންމެ މުހިންމު ފައިދާއަކީ، ލޭހޮޅިތަކުގެ މަސައްކަތަށް އަންނަ ހެޔޮ ބަދަލެވެ. ވައިލްޑް ބްލޫބެރީގައި ހިމެނޭ މާއްދާތަކުގެ ސަބަބުން، ލޭ ހޮޅިތަކުގެ ބަތާނަ ފަށް މުރަނަވިޔަ ނުދީ މަޑުކަންމަތީގައި ދަމަހައްޓައިދެއެވެ. މިހެންވުމުން، ލޭހޮޅިތަކުގައި ލޭ ދައުރުވުން ފަސޭހަވެ، ލޭގެ ޕްރެޝަރު ދަށްކޮށްދެއެވެ.

މީގެ ކުރިން ހަދާފައިވާ ބައެއް ދިރާސާތަކުގައި ބުނެފައިވާ ގޮތުން، ވައިލްޑް ބްލޫބެރީކޮޅެއް ކައިލުމުން، ދެތިން ގަޑިއިރުގެ ތެރޭގައި އޭގެ ފައިދާ ހަށިގަނޑުން ފެންނަން ފަށައެވެ. އެހެން ބައެއް ދިރާސާތަކުގައި ބުނެފައިވާ ގޮތުން، ގަވާއިދުން ކޮންމެ ދުވަހަކު ވެސް ވައިލްޑް ބްލޫބެރީ ކާން އާދަކުރުމުން، ތިން ހަތަރު ހަފުތާގެ ތެރޭގައި، ނުވަތަ ދެތިން މަސް ތެރޭގައި، ލޭދައުރު ކުރުމުގެ ނިޒާމު ރަނގަޅަށް ހިނގަން ފަށައެވެ.

ވައިލްޑް ބްލޫބެރީއަކީ ފައިބަރާއި ޕޮލީފެނޯލްސް ކިޔާ މާއްދާއެއް އެކުލެވޭ މޭވާއެކެވެ. މި މާއްދާ ގޮހޮރުގެ ތެރެއަށް ދިއުމުން، ކާނާއިން ހަކަތަ އުފެއްދުމުގެ މަސައްކަތުގެ ތެރޭގައި، ގޮހޮރުގައި ހުންނަ މައިކްރޯބްތަކުން، ޕޮލީފެނޯލްސްތައް ކުދިކުދި މޮލިކިއުލްތަކަކަށް ބަދަލުކޮށްލައެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox