ނިމިގެން މިދިޔަ ރޯދަ މަހު ފިތުރު ޒަކާތުގެ ގޮތުގައި މުޅި ރާއްޖޭން ޖުމުލަ 13.3 މިލިއަން ރުފިޔާ ލިބިފައިވާ ކަމަށް އިސްލާމިކް މިނިސްޓްރީން ބުނެފި އެވެ.
ފިތުރު ޒަކާތުގެ ގޮތުގައި ލިބިފައިވާ ފައިސާގެ ތަފުސީލު އިސްލާމިކް މިނިސްޓްރީން ރޭ ވަނީ ހާމަކޮށްފަ އެވެ. އެ ހިސާބުތަކުން އެނގޭ ގޮތުގައި އެންމެ ގިނަ ބަޔަކު ޒަކާތް ދެއްކީ ބީއެމްއެލް އެޕް މެދުވެރިކޮށް ކަމަށެވެ.
ޒަކާތުގެ ގޮތުގައި ލިބުނު 13.3 މިލިއަން ރުފިޔާގެ ތަފުސީލް
- ބީއެމްއެލް މެދުވެރިކޮށް: 7،395،386ރ.
- ރާއްޖޭގެ ހުރިހާ ކައުންސިލަތައް މެދުވެރިކޮށް: 1،842،626ރ.
- އެމްއައިބީ މެދުވެރިކޮށް: 1،200،724ރ.
- ދިރާގު މެދުވެރިކޮށް: 392،802ރ.
- އުރީދޫ މެދުވެރިކޮށް: 136،980ރ.
- ފަހިޕޭ މެދުވެރިކޮށް: 997،764ރ.
- ބަނޑޭރިޕޭ މެދުވެރިކޮށް: 809،856ރ.
- ޒަކާތު ހައުސްގެ ކައުންޓަރަށް: 488،681ރ.
ފަގީރުންގެ ލިސްޓުގައި ރަޖިސްޓްރީކޮށްފައިވާ 2،765 މީހުންނަށް ފިތުރު ޒަކާތުގެ ގޮތުގައި ބޮލަކަށް 4،500ރ. ބަހަން އިސްލާމިކް މިނިސްޓްރީން ނިންމައިފި އެވެ.
